تهادون حمايلكم ؟؟ <-- سؤال محيرني !

[Tejan]

مساااااااااااااء الخير بنات

شلونكم ؟

شلون استعدادات رمضان ؟ <-- نص استعداداتنا اكل !!

في موضوع محيرني وااااايد و مضايقني :0bee2e8d89:

حمولتي طبعهم غريب بالهدايا :klhfl:

لما تزوجت محد هداني و لا عود و عقب الزواج بفترة حول شهرين زوجي قالي
ايي امي تقولي اسحبلي بهادي مرتك و الله يا بنات مبلغ صغييير و كلش ما يناسب
وضعهم الاجتماعي و المادي و عطتني اياه بجيس الجمعيه .. حدي استغربت :krkrkr:

اما خواته و حريم احمواني و خالاته ابد خرمس و لاشي <-- طبيعي ؟؟

ما ادري يمكن انا متفاجئة لان طبع اهلي غير
احنا عندنا لما الولد يتزوج نهادي زوجته و خاصه ام الولد تهادي شيئ ثقيل
يعني بروش و تراجي الماس او ساعه ماركه مثل رولكس او شابرد

و بعد لاحظت لما نروح حق وحده والده من طرفهم يودون الهدايا بطريقه تفشل
يعني فلوس داخل ورقه مصفطتها <--- انزين اشترى ظرف ذرب او علبه حلوة !!

و انا يايبه بدله بيبي و جيس الماركه حماتي تعلق علي تقولي شنو انتي تبين اتفشلينا !! :eh_s(14):

لا و الله حشاااااااااااا بس الذرابه حلوة

بنات انا حامل و ولادتي قريبه ما ابي اتفشل جدام اهلي و امي و خواتي
لانهم والله ما يدرون بهالموضوع و انا شريت شغلات و قلت انها هدايا منهم ما ابي يقارنون بينهم و بين نسايب خواتي

بس يا ربي هم اذا حمولتج فرحانين فيج و بوكيهات ورد بالمستشفى و هدايا تستانسين جدام اهلج صح !

الحين بدخلت رمضان ودي اهادي امي و خالتي بشيئ بس و الله بنات الموضوع بخاطري
مو نظامي وحده بوحده بس بهاديها هالمره و بشوف بولادتي اللي يقدرني اقدره و اللي يطوف
خلاص اكتفي اني اوجبهم بدون هدايا .. صح ؟

انتو شرايكم ؟ تهادون صوب حمايلكم و الا صاكين الباب ؟​

 

[DooLy88]

ايه عليج - عورتي قلبي لما قلتي انج تاخذين شغلات وتقولين انها منهم وخصوصا ماتحبين احد يقارنج بنسايبكم

الهدايا الغالية موشي مهم بالدرجة الاولى - اهم شي يوجبونج - موشرط ذهب والماس
والله مادري شقول لج

بالنسبة لي عادي - مرات اتييني هدايا بسيطة منهم مرات هدايا غالية
عادي يعني << انا ماتهمني الهدايا وايداهم شي يقومون فيني ويهتمون هالشي يونسني جدام اهلي

بس ان شالله تلقين اللي يعجبج منهم والله يسهل ولادتج

 

[ملآمح يوسفية]

مو رواعي هدايا احنا لووول


بالولاده و بالزواج و بعيد الميلاد

تقريبا بس هالمناسبات هذي ..

 

[ام سوسو الحلوة]

رد : تهادون حمايلكم ؟؟ <-- سؤال محيرني !

والله انا طبع حموولتي يهدووون فلوووس مثل 10 و20 30 او 50 دينااار بظرف على حسب كل وحدة
وانا اهديهم نفس الشي بس مع صحن حلوووو كشخة حييييييييييل والكل يسألني عنه
وبولادتي بشوووف شنووو يهدووني الفلووووس عارفتهاااااا بس الحلووووووو والككاو بشوووفه
شنووووو والله اذا عااادي واقل من اللي وديته لهم من بعدهاااا راح اجيب لهم مثل ما يجيبوولي

 

[لمعة الماسة]

مممم ...
مو مو النوع اللي دوم نتهادى ...
بس زي ما نقول ((نقصة )) يعني اشوف شي واشتهيه لهم اخذه ..
تصدقون بنات ...تكبرين بعينهم كذا <<طبعا اذا كانوا يقدروون ...
انا ماهدي في رمضان ...اهدي بالعيد ...يعني بليلة العيد كذا او قبلها اجيب لها عود عطور شغلات زي كذا ...
وهالعيد والله محتاارة الله يبلغنا اياه مع احبابنا امين

 

[قصه طويله]

والله حبيتج من اسلوبج وكلامج واضح بنت محترمه تقدرين وتحاتين كل اللي حواليج ولاتبين احد يزعل منج وتفرحين بالقليل وتحبين تفرحين كا من حولج وفيج من الطيبه والشفافيه الشيء الكثير الله يحفظج

ياتيجان الله ييسر لج امرج ويوفقج ويكتب لج الخير يارب ويارب تقومين بالسلامه وتجيبين الصالح يارب يارب

شوفي غاليتي اهم شي انتي وريلج متفاهمين وبخير واذا قدروج الله يجزتهم الف خير واذا ماجابوا لج شي يسوا هم ماقصروا من ذكرك ماحقرك

والناس تختلف اطباعهم صعب كل الناس سواا ؟؟

وانتي برمضان اذا تقدرين تهادين خالتج عادي هاديها واذا ماتبين هم عادي حبي راسها وباركي لها بالشهر

الله يوفقج ولاتحاتين ابداا

 

[روحي ابوي]

حبيبتي ..يعني لمتى وانتي راح تشترين هدايا وتقولين هذا منهم ؟؟ لا والله كلن يسوي بالصله واذا مايعرفون شبتسوين عاد.. اللزم ماعليج ريلج اهو يقدرج ويرزج قدام اهلج ولا الباقي شتسنعين واحد ولا اثنين....

اما عن هدية رمضان عسانا من صوامه ..اهدي ام ريلج هديه سنعة مولازم ذهب والمااااس ..واهم شي انهم يحترمونج

 

[حلوة الحلوين]

حاولي تتعودين على طبايعهم

 

[ام كوشه منكووشه]

رد : تهادون حمايلكم ؟؟ <-- سؤال محيرني !

حبوبه كل عايله ولهم اسلوبهم وطريقتهم بالتوجب يمكن اهم ما يعتبرونج غريبه وعادينج مثل بناتهم عشان جذي ما يهدونج اللي عليج انج انتي تقومين بالواجب معاهم وتعملين باصلج وبرمضان والعيد هادي ام ريلج وابوه وريلج اما حمواتج ماله داعي برمضان تهدينهم بس بولادتهم واذا عندهم مناسبه

 

[حبـ admant ـك]

خلاص لازم تتأقلمين على الوضع اللي انتي عايشه فيه
اذا بتقعدين تقارنين بين اهلج واهله بتتعبين
اذا تبين تهادينهم من نفسج هاديهم بس لا تنتظرين يعطونج شي
لان مو كل الكل يحب يعطي
يمكن اهما جذي مايفتكرون في شكل الهديه ولا قيمه الهديه اهم شي عندهم انهم عطوج شي
حبيبتي دامج تزوجتي يعني انتي عايشه في بيئه غير بيئتج ولا تخلين هالشي يأثر فيج

 

[حرم_طيار]

رد : تهادون حمايلكم ؟؟ <-- سؤال محيرني !

انا حمولاتي ما يقصرون بزواجي ولاتي ما قصروا

الله يعينج عليهم حبيبتي

 

[brettey]

رد : تهادون حمايلكم ؟؟ <-- سؤال محيرني !

انا حمولتي خالتي عمرها ماهادتني بشي لا بزواجي ولا ولاداتي ولا حماتي بس امها و خواتها ماقصروا وبعض من حريم خوانها وبنت عم خالتي وانا وجبت بنات خالات ريلي عشان امهاتهم يوم تزوجوا وولدوا بس انا الحين حامل والي ماتوجبني من البنات الي وجبتهم ماراح اوجبها
وحماتي عمري ماوجبتها لانها ماوجبتني
مادري حمولتي ما يوجبون الصراحه الا نادر منهم الي يوجبون وانا الي يوجبني اوجبه والي مايوجبني طاف واشكره قايله هالكلام لخالتي
وعمات ريلي هم كلش مايوجبون اصلا ما اشوفهم نهائي الا بالعيد في بيت عم زوجي الكبير ومو كل عيد اروح مع زوجي بيت عمه
عكس اهلي والي يصيرون لي متعودين انه نوجب
وحموله اختي ماشاء الله نفس طريقه اهلي سنعين ويوجبون اختي واختي توجبهم
بس يلا افتكيت من مصاريف الهدايا صوب حمولتي وفروا عليي احسن لووووووووووووووول
لا تعورين قلبج انا قبل مثلج كنت اتضايق بس الحين طاف ولا احد له حق يشره عليي لان انا ابطها بالويه اشكره والي مو عاجبه بالطقاق يشرب ماي البحر
والحمدلله زوجي معاي بهالشغله قال لي الي يوجبج وجبيه والي مايوجبج طااااااااف وعموما حتى لو ماكان معاي ولزمني اوجب اهله حتى لو مايوجبني راح اعطيه طاااااااااااااف واطق كلامه بعرض الطوفه اشكره واقول له انسى والي براسي بسوي رضيت ولا كيفك الزم ماعليي كرامتي

 

[Tosta M7mSha]

مثل ما قالوا البنات الناس اطباع وهذا طبعهم شتسوين بعد عمري ميخالف صج انج سنعه (والله و انا شريت شغلات و قلت انها هدايا منهم ما ابي يقارنون بينهم و بين نسايب خواتي)
انا عن نفسي اتنقص لهم من فتره لي فتره واهمه نفس الشي وبالمناسبات ما يقصرون بالهدايا ماشاءالله بس المهم ان يقومون بالواجب اهم شي عندي غير جذي عادي نتهادى بالمناسبات لااازم عندنا وعندهم والتقصه تقرب وتولف القلوب احسها مهمه من وقت لي وقت..

انا اقول ظلي مثل ما انتي هاديهم الي تشتهينه لهم لا تسويين سالفة وحده بوحده بالعكس غيريهم بطبعج جود يتنبهون ويغيرون اسلوب الهديه ودامج شفتي ان هداياهم مع الكل جذي لا تتضايقين حبيبتي عادي كبري عقلج ولا يهمج اهم شي الواجب

 

[جلاديلياس]

حبيبتي لازم اتعودين على طبعهم

 

[eng-khadkhad]

حبيبتي عورتي قلبي والله وانتي حدج سنعه ونفس طريقتي ما احب اهدي الناس اي شي ..
خلي زوجج يشوفج وانتي بتشترين هدية امه وبينيله انج مستانسة ومتعنيه علشانها وحتى خالتج عطيها الهدية وبينيلها انها اهي وامج بنفس المقام يمكن الله يهديها ... واذا ولدتي خلي غرفة الهدايا مفصولة ومحد يدشها وخلي احد مسؤوول يحط الهدايا مع بعض ولا تطلعينهم جدام احد وشتسوين اذا مايابولج شي لاتقولين حق اهلج وامرج لله سبحانه بعد بوطبيع ما ايووز عن طبعه والله يوفقج

 

[So0oKaRa]

في ناس مايعرفون ومايهتمون لهالسوالف
واهي فعلا شغله مهمه جدا وتأثر بالنفس وايد
تهادو تحابو
دام اهمه مع الكل جذي تعودي على اطباعهم اللي فهمته انه مو بس معاج
بس فعلا احراج جدام اهلج
الله يكون بعونج

 

[كولوراديه]

ما فرقت عندي اذا هدوني ولا لا
اهم شي ريلي

 

[أبله كويتيه]

اي والله انا هدوني واهديهم

بس عادي ماتفرق عندي

اهديها حياتي حق رمضان واهدي امج وحتى لو مااهدوج لاتضايقين انتي حامل وموزين على صحتج ونفسيتج

وطاااااااااااف طاف هذا طبعهم بعد شتسوين

 

[ملواكي]

عادي حبيبتيالناس مو مثل قبل

 

[صفاءء]

مثل ماقالوا بعض البنات الناس طبايع وهذوله يمكن مو ان مايحبون يهدون بس خلاص موشي متعودين عليه

بالنسبه حق انج تنحرجين ترى هالشي راح يتعج اذا كله بتقولين اخاف انحرج واخا فانحرج بالعكس لازم تحترمين طبهم وهالشي ماينزل من قيمتهم عند الاهل لان طبعهم جذي يالغاليه احلى شي الانسان يعيش صريح عشان يكون مرتا في حياته

بالنسبه حق الهداياه عمري مايه ابالي هاذه هداني اهديه اذا ماهداني ماهديه بالعكس اي وحده حبها اهديها وهي بكيفها بعدين في بعضهم مومتعودين بس لمن جم مره نهديهم ويمكن مومن اول الا جم مره يالله يستوعبون ان يعطوني هديه بس دام ادري انهم يحبوني خلاص ماتنظر منهم كل واحد يظهر حبه واحترام بطريقه الي متعود عليه او معودين عليه الاهل

عودت تفسي اخذ الامور طبيعيه عشان اعيش مرتاحه واحب الكل لان اذا ابي اقول هاذه عطان يوهذاك ماعطني اعدي حياتي كلها تفكير في هاذه وهذاك

الله يجمع شملكم يا رب​