توافقين تكونين الزوجة الثانية؟

[الدرة الغالية]

السلام عليكم ورحمة الله وبركاته

أرحب بعمري بينكم عضوة جديدة.. :eh_s(7):

موضوعي واضح من عنوانه..ماادري اذا سبق وانكتب او لا..

شخص تقدم لج وفيه كل الصفات الزينة والمميزة اللي كنت دوم تحلمين فيها في فارس الاحلام..شخص يجمع كل شي حلو في شخصيته.. يعني رجال مايتفوت..

عيبه الوحيد انه متزوج وعنده عيال..

ياترى بتوافقين عليه وتكونين الزوجة الثانية؟

او بترفضين لإنج مستحيل تكونين الزوجة الثانية ولاترضين يوم ان ريلج يتزوج عليج؟

وقد سمعتي وحده صار لها هالموقف وتزوجت وعاشت حياة سعيدة؟

زودوني مما لديكم حبيباتي..

في انتظاركم..

 

[فلسفة جرح]

لا انا اكيد مراح اوافق عياله وزوجته انا اتخيل نفسي
مكان زوجته يعني اكيد بموت من القهر حتى لو يشتغل
أكبر موظف بالكويت والله مراح اقبله لانه متزوج وعنده عيال
ومابي اصير الزوجه الثانيه وهواش ومادري شنو ! @@

 

[بتبوتااا]

اكيد ما ارضى اكون زوجه ثانيه << زي الفريك مبتحبش شريك

وسمعت واايد ناس تزوجو مرتين وثلاث ومنهم ابوي تيك ات ايزي :/

 

[ام ميميتو]

مستحيييييييييييييييييييل مافي وحده تاخذ ريال متزوج و تعيش سعيده لازم تكون في مشاكل و غيره و تنقل كلام انا عن نفسي ماقدر بس اعتقد لو تقدم حق وحده كبيره بالعمر راح توافق

 

[ام ميميتو]

اهلا وسهلا فيج بالمنتدى حبيبتي

 

[مارشميلو..]

لا
مااوفق خصوصا اذا كنت صغيره وللحين في فرصه قدامي
ليش اوهق نفسي بواحد متزوج وعنده مليييييييون مسؤوليه
ابي واحد لي لحالي مشغول فيني انا وعيالي وبس

 

[مراسي الشوق]

امممممممممممم على حسب الظروف والعمر

 

[Vaniela]

اولا مافيها شي تاخذين ريال متزوج الشرع حلل اربع .. اول نقطه ..
ثاني شي لازم اعرف الاسباب الي تخليه يبي يعرس ان كانت مقنععه كان بها واذا لا >> لاءءء
وبعدين الي بتاخذ متزوج تحط ببالهااا انه 24 ساعه بزي حتى واهو معهااا يادوب يعطيج 4 ساعات من وقته خالصه لج لوووووووووووول

عن نفسي وكراي شخصي ارفض لاني ما ارضى لنفسي

 

[FeShinGoOo]

لااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

 

[انا لحبيبي .]

انا عن نفسي لأ مستحيل ،ـ

بس ناحيه منطق الحياه ، هالشي مو عيب ولا حرام وعلى حسب سن المره كم صار عمرها لحتى تفكر انها تكون الزوجه التانيه ،

ومن ناحيه السعاده هاد ابدا مو مقياس ، الحياه ما بتخلو من المشاكل سواء زوجه اولى او زوجه تانيه ،

بدك تعيشي حياه سعيده ، لازم الزوج يكون عادل ما بينك وبين الاولى

 

[قاهره عذالي]

انا حاليا مطلقه

وان جاني متزوج

ماراح ارضى

لان ابي ربي يعوضني باللي يهتم فيني ويفكر وينشغل باله
علي

اذا طليقي كان كله طالع من يقعد لحد ما ينعس وينام ومرات ينام بره وانا كنت الوحيده بذمته
شلون اشره على متزوج انه بيهتم فيني ويدللني

فطبعا لاء
حتى لو عجزت

 

[يارب نور حياتي]

والله يابناات ودي اسوي دراسه عن التعدد والله اهو حلال مو حرام لكن ما اقول الا الله يعين انا عن نفسي جربت ان زوجي يتزوج بصراحه اح ياقلبي اح شي يكوي بنار لكن الله ملحلل شي عبث لازم لسباب

 

[لآ بيرلآ]

لا الاولى و لا الثانية

الوحيدة فقط !

رحم الله امرأ عرف قدر نفسه .. انا مااتحمل ..

 

[*الشيـــهـانـة*]

مليون مرة انطرح هالموضوع
اذا الرجال يقدر يفتح بيتين ويصرف عليهم مااافي مانع تتزوجينه
خلج من كلام البنات اللي تقول حوبه وماحوبه استغفر الله شنو حوبه اذا الله سبحانه وتعالى حلل هالشي نجي احنا نحرم ونعترض
دام الرجال زين ومايتعوض وافقي عليه وتوكلي على الله

 

[om MaRyooM]

ممممم ... ماتوقع اني بوافق

الوحدة تكون زوجة اولى وموخالصة هالمرة اخذ واحد متزوج ؟؟ !!

ودامه بيتزوج على الولى اكيد بيتزوج عالثانية او تكون عنده القابلية للخيانة اكثر

هذي وجهة نظري

 

[قـہۈه فـرنسيـہ™]

موووجود هالموضوع في قسم المناقشات الجاده ...

السالفه مو اني أوافق ولا لا ....

كل هذآآ يحكم عليه الظروف والسن والبيئه ..............الخ ....



اذا انا مرتاااحه الحيننن تزوجت وأنا صغيره و.....و..............الخ
غيرج مو مرتاح ... البنت بالعكس كل ما تكبر تشتاق انها تتزوج مو عشان الزوج ...لا ...تبي الضنآآ فما بالج اذا وحده تقدم فيها العمر ...وتقدم لها 1 متزوج ورجال محترم الخ...؟ بترفض ؟

إذا فكرتوا بالعقل بتفهمون قصدي عدل

 

[فوفو22]

الارتباط بزوج متزوج

يصلح اكثر شي

*اللي الفرص قلت عندها بسبب العمر

*ويصلح للمطلقه ....لانه فرصتها بالارتباط بمتزوج او ارمل هي الارجح لانه العزوبيه الشباب يفضلون الارتباط البنات البكر

يصلح للمطلقه ولديها ابناء حيث تنشغل فيه يوم واليوم الآخر تتفرغ فيه لابناءها

فوفو

 

[Drama.Queen]

العمر يحكم

بس انا عن نفسي لااء لاني غيوره واحب الشي لنفسي

 

[Nanoosa]

مستحيل .. !

أقعد عانس احسن لي

 

[نونو العصله]

انعرض علي 3 مرات و رفضت
ما احب احد يشاركني زوجي