تواقيع العبي.. بعضها مضمون و بعضها مسروق !!

[عيون ملكيه]

:eh_s(22):

اشلونكم بناااااات شخباركم ولهت عليكم وايد وايد وايد

بنات ذاك اليوم كنت افتر في سوق الدبوس بالفحيحيل

و دخلت محل

وشفت المنيكانات كلهم

عبي شادو و حراير و حناين

بنات نفس التوقيع

و نفس الطريقه

و باللون اللي تبينه :eh_s(10):


و لمن سألته عن التواقيع

طلع لي تواقيع ما تخطر على بال و قالي هالتواقيع ما نطلعها بس اذا في زبونه طلبت نوريها عينه او تورينا الرسمه و احنا نسويها

صراحه بنات شفت توقيع محل للعبي معروف بالمنطقه الرابعه بالقصات الطبقات و الشيفونات و الخبه و معروف عبيهم ما تقل عن 200 دينار لو فيها قصات
امبيه بنات نفس التوقيع و نفس الشغل بس مسويه الوان ثانيه


سألته عادي
قال اي زبونه تجيب لنا نمونه نسوي لها احنا مالنا شغل مثل اللي تجيب لنا رسمه و نسويها تطريز!
:rerrerek::rerrerek::rerrerek::rerrerek::rerrerek::rerrerek:

وفرت البنت و سوت نفس العباة اللي ب 300 و ب 250 دينار ب 40 او 60 دينار و تارستها من فوق لي تحت شوارفيسكي

الهدف من موضوعي :


منووو تعرف محلات تقلد التواقيع ؟ اشرايج باللي يصير

انا شخصيا فصلت عبايات شادو 3 الوان بتوقيعات مختلفه نفس اللي بالمحل الاصلي
و كل عباة ب 20 دينار !
يعني خذيت 3 عبايات بسعر عباة وحده من المحل الاصلي !
بنات !
اشلون تضمنين انج تروحين لمشغل محد يقدر يقلد توقيعه !


صاحبات المشاغل الزباين صارووو اذكى من ان ينقص عليها راعوا الناس في مقدرتهم الماديه و لا تحسبون ان كم كرستاله الباكيت منه ب دينار و نص يرش العباة رش
و تقطيعات عاديه بتضمن ان يكون عليها طلب البنات في هالزمن صارووو اذكى و السوق يعرض و الكتالوجات تعطي الفكره و الخياطين على قفا من يشيل

 

[كويتيه فرنسيه]

صح كلامج تواقيع الشوارفسكي سهل تقليدها الدبووس يقلد شادو والشرقيه وكل الي تبينه


الحين اغلب مشاغل الحريم هابين بتوقيع الي يجي على خشب او حديده وهذا صعب تقليده وبعد هابين بالتوقيع الي يكون كلمه كبيره مطبووعه نفس عبي هارودز وهالطقه

 

[! يكفيني انت !]

صح شفته هالمحل وقالت لي عنه رفيجتي بس توقيعها حيل نازل مو نفس شادو مرتفع شوي

كنت بسوي بس ترددت

والصراحه العبي قامت تغلا والواحد يدور الرخص

 

[غـلآوي ّ ~]

إييييي صآآجـه

انا لما فصلت عبآيتّي قلتلهُـم يسوون توقيـع زخرفه وحرف m :*
شحلاتهاا تهبببببببل

 

[وحيدة امى]

حياتي عيون الله يعطيج علي قد ماتحبين االخير لخواتج
جزاج الله خير عبي صراحه الاسعار بالهبل وطايره
بمر هل محل والله يوفقج​

 

[manoooram]

وين مكان المشغل ؟؟

 

[عيون ملكيه]

بنات والله نسيت اسم المحل بس اهو بالفحيحيل الدبوس
تعرفون مجمع اجيال

الدبوس عندهم دخله تصير مقابله اجيال و البنك

بالضبط مقابله

عند هالدخله في محلين اذا صار المدخل بويهج و ممر العبي بظهرج يصير المحل على اليسار

و تلقون المنيكانات كلها مسطره و كل الموديلات موجوده وعليهم التواقيع

و في بنات حطووو التوقيع عالكتف و توقيع عالزند و في عالكم و في بنات عالطرف من تحت و عالجنب


و بنات قولوله اذا ماكان عنده احد طلع التواقيع اللي عندك

و اذا قال مافي او ماكوو او شنووو او استعبط قولوله طلع انا يجي من طرف ام عبدالله بس قولوله جذي

يطلع الاكو و الماكووو عاد انتو و حظكم اذا البنات استلمووو العبي راحت عليكم
و انتوو يبووو العباة و اهو يسووو عليها نسخ للتوقيع و للقصه و بربع السعر

مسوين عبي البلاك بيري و الايفون اللي هبوووو فيهم البنات
و توقيع مثل كتبه كبيره ما عرفت شنووو مكتوب ولا فهمته


والله يابنات ما ابي من ورا هالموضوع الا الدعاء ان الله يتمم علي حملي ويثبته

 

[ام الدرر]

ياعمري عيون ملكية
عسى الله يتمم عليج ويثبت حملج
ويرزقج الذرية الصالحه​

 

[عيون ملكيه]

ياعمري عيون ملكية

عسى الله يتمم عليج ويثبت حملج

ويرزقج الذرية الصالحه​

تسلمين ام الدرر ما قصرتي يالغاليه :eh_s(17):

 

[الدلوعه2008]

الله يجزيج الخير حياتي شكلي بروح بس

اذا رحتيله ياليت تصورين المحل من براا بدون فلاش

عشان الكل يستفيد

 

[عيون ملكيه]

من عيوني يالدلوعه

 

[* ياعين أبوووي*]

جزاج الله خير

 

[manoooram]

ماقصرتي على الشرح يا قلبي
وعسى الله يتمم عليج حملج ويثبته ونسمع خبر عن ولادتج بالسلامه يارب

 

[ناتشوو]

الله يتمم حمالج
ويهون عليج
بخاطري اشوف ذوقج باللبس عبي وبدل ياعيون ملكية
نبي موضووووووووووووووووووووووع بالصور

 

[-Elle-]

نبي صور

 

[عيون ملكيه]

الله يتمم حمالج
ويهون عليج
بخاطري اشوف ذوقج باللبس عبي وبدل ياعيون ملكية
نبي موضووووووووووووووووووووووع بالصور

وي بعد عمري ناتشووووو فديتج

انا ما اصور شغلي و لا لبسي :eh_s(7):

اغلبه اكون متكلفه فيه و مثلا موديلات مشاغل تعب المصممه حرام اعرضه بالنت و تنسخ الصوره و عند اقرب خياط هههههههه مجربه انسخ من المواضيع و اروح افصل



ايام تجهيزي نزلت موضوع عن الموديلات و القصات و الخامات و خلاص بعد ما كررت الموضوع

 

[النوري نور عيني]

توسعة الدبوس شكثر محلات تقلد توقيع العبي ...بس الفرق بالخامه ... اشوف توقيع العبايه بعدين اشوف الخامه ...خامة شادو معرفه وهم خامة حناين معروفه .. وهم المشعل والحلوه ...وبعد القصه تبين ان كان محل غالي والا عادي ...

 

[ناتشوو]

وي بعد عمري ناتشووووو فديتج

انا ما اصور شغلي و لا لبسي :eh_s(7):

اغلبه اكون متكلفه فيه و مثلا موديلات مشاغل تعب المصممه حرام اعرضه بالنت و تنسخ الصوره و عند اقرب خياط هههههههه مجربه انسخ من المواضيع و اروح افصل



ايام تجهيزي نزلت موضوع عن الموديلات و القصات و الخامات و خلاص بعد ما كررت الموضوع

ايه اذكر الموضوع عزيزتي:eh_s(7)::eh_s(7):

 

[وآحشنــي زمآنـك]

أنا شفته بالدبورس فوق جنه اسمه بانوراما ان شاء الله مابدع ..


بس ماحبيت فكرة اني أقلد التوقييع ..

لأني أحب خآمه شدوو وقصته

 

[أحمرجوري]

وشنو فايده التوقيع داشه بنك انا بوقع علي شيك يامعوده قاعدين يقصون علي العالم عبايه بسعر 240 دينار والله حرام والله عباياتي 15 12دينار واذا ابي اكشخ علي 20 و25 دينار