توبة يالخطوط الجوية الكويتية

[brettey]

رفيجتي راحت صيف 2007 امريكا على الكويتيه تبهدلت معاهم تاخير ومعامله زفت وهوايل
والسنه الي طافت وحده تصير لي راحت ماليزيا على الكويتيه هم بهدله ونفس خايسه جنج طاره منهم
ومره وحده من خالاتي راحت العمره على الكويتيه الحمام وصخ مو منظفينه وهم معامله زفت
شي يقهر

 

[عاشقة الجنة82]

امبيه حدي اخترعت راح اسافر فيها بعد 10 ايام الله يحفظنا ويعينا عليها

 

[Catherine zeta-jones]

كانت رحلتنا الاردن
احنا حجزنا الاردنيه صج صج ملكيه
اما اختي حجزت الكويتيه فيرست كلاس ... كان سعرها حيل غالي و فوق هذا اي فيرست كلاس .... و لااااااااا شي و الكراسي متعبه و بنتهم بحظنهم.
تحسفت ما حجزت معاناَ!!!


و لا تو كاتبين بالجرايد عن الكويتيه تأخير بمصر

و كلها بلاوي

و اكلها وصخ

لا و باسها قوي .... غاللليييه عالفاضي

الله لا يحدني عليها .... الحمدلله و لا مره حجزت عليها و لا ناويه اصلا !!!

 

[bambena]

حبيبتي هذي حركات بس عشان الخصخصه

عاد تصدقين على اللي اسمعه ولا عمري صارلي موقف معاهم

دايم تطير على الوقت والمعامله ممتازه

حظي حلو

 

[بنت الأصايل]

الكوتيتة انا حاطه عليها اكس من زمااااااااااااااااااااااااااااااان

والسبب ان من قبل 6 سنين كنا مسافرين تركيا نجهز لأختي وتدرون بعد اختي عروس وتجهيز كامل من كل شي وكل شي من الزين وماركات ويوم وصلنا الكويت ولا الجنطتين اللي حاطين فيهم تجهيز اختي كله ظاعوا !!!!

وقالونا راجعونا باجر وهالباجر صار سنه والله وكيلكم عوضونا بس ب 200 دينار اللي ماتيي قيمة فستانين

والمصيبة يقولون لنا ماعندكم فواتير عطونا الفواتير

طيب انا شدراني ان بتضيع اغراضنا من وين اييب لكم فواتير

ماقول الا حسبي الله عليهم اهمال فيهم موطبيعي

 

[remoo_007]

انا ولا مره سافرت فيها ومن كلامكم شكلي ماراح اقرب لها هههه

 

[جوك احلى جو]

ما افضل الخطوط الجويه الكويتيه

 

[طوق البنفسج]

انا ما اركبها الا مظطره و باخر سفرتين كنت مضطره من قلب و ريحه الطيااره زفره مو طبيعيه و قرقعتها الي ما اسمع الي يمي شيقول من قرقعه الطياره ..

 

[om-rayan]

والله شي يقهر احنا من زمان غاسلين ايدنه من الكويتيه شكثر صارت فينا مواقف من تاخير و كل شي و واحد من مواقف كانت بنتي عمرها 2 سنتين كانت عطشانه وعييييييييزت وانا اقول ابي ماي يقولولي انشاالله و يكشتوون تخيلووالوضع وعقب ما طفرت حدي قمت وعصبت جان اييون لنا الماي احس ان مو رايحين نستانس رايحين انتعذب ونحرق اعصابنا.... حسبي الله عليهم عورت قلبي بنتي

 

[kingq8q8]

تكفون يابنات منو اللي يروح عالكويتيه

والله من زمان ماسحتها من الطيران

بس والله حرام صج فشيله جدام طيران الدول الثانيه

 

[jazooia]

عاد انا مسافره عليهاا يوم الثالثه الياي رايحه دبي عسى مايسووولنااا بعد بلوه يديده بس انااا عن نفسيي افضل الإماراتيه بواايد مره كناارايحين ماليزيااا على الاماراتيه و نزلنا ترانزيت بس خدمه vipحقهم كلهم الدرجه السياحيه جنهاا درجه اولى و لا تاخير و لا شي احلى طيرااان