توج راده طاااازة من تايلند تعالي ياقلبي فيدينااا وندعيلج

[ظروف الليل]

ان شالله بعد اسبوع انا طايرة تايلند اول مرة مع ريلي 12 يوم ياليت اللي توهاا راده تفيدناا
جم كلفج مصرفكم مع السوق ورحلاتكم؟؟
اذا كان السكن مو مع التذكرة جم ميزانيه السكن بروحه؟؟
شنو اكثر مكان استمتعي فيه ؟؟
خربطتي وايد وخميتي السوق؟؟ اشكر قطيتي علي السوق؟؟
بالعربي:krkrkr: جم احط ميزانيه حق سوقي وحق مصرفناا اخاف اتوهق كل ربع ريلي يقولون وخالتي 500 دينار او600 كافي ؟؟؟معقوله مومصدقه انا وخصوصا"موسم سفر وسياحه عندهم
ومشكورين:tek:

 

[ميسوره]

انا توني راده من تايلند
التذاكر والسكن انا وزوجي 630 دينار مع الطيران الداخلي
التذكره بروحها 110 + الطيران الداخلي 25 دينار
عالخطوط التايلنديه
4 ايام بوكيت
7 ايام بانكوك
اما المصرف 1500دينار تقريبا اكل تكاسي ومشتريات :klhfl:
رحت بجنطه وحده انا وزوجي رديت بسته اجناط الله لا يخسر :dddds:

 

[ظروف الليل]

مشكورة ياقلبي علي ردج بس انت رديتي بت جناط انا نفسج ام تخمط بس ناوي اروح تغير جوو ماراح اييب سوايق بس حقي وحق بناتي صغار انا تذكرتي 165 من غير السكن انتو وين سكتنووجم الليله اعتقد من غير تخمط يكفيني 600 صح يالله الله يسهل امورنا وامور كل اللي مسافرين

 

[عالمة_جيولوجيا]

انا وراج ب3 اسابيع والا اقدر افيدج فيه ان تكلفت تذكره مع السفر الداخلي 258لشخص(طيران تايلندي ودايركت لبانكوك) والاقامه ل13 يوم لشخصين بفندقين بوكيت ب252 وحجزنها من موقع booking.com ارخص من المكاتب وميزانتي لسفره 500دك والله يسهل علي وعليج السفر ويبعد عنا الامراض


متابعه معاج الاسواق ابي اسوقه بوكيــــــــــــــــت بليز

 

[ميسوره]

600 حلوين بس انا ماشريت سوايق
يالله بس لي ولزوجي وعيالي واكيد خالتي ام زوجي وامي

انا سكنت بفندق نوفوتيل سيام سكوير موقعه ممتازبوسط مراكز التسوق في بانكوك وما تحتاجين الى تاكسي
ويمج سوبر ماركت سفن ايلفن والبنوك وستار بوكس حيل قريب منه وهو 4 نجوم بس صج حلو ونظيف
والليله اطلعت علي 42 دينار حجزت من السفريات طبعا اغلى


هذا صورة الفندق

وهذا وشوفي هالمواقع

http://www.novotel.com/gb/hotel-1031-novotel-bangkok-on-siam-square/nearby.shtml

http://www.bangkok.com/novotelsiam/

قريب من سوق mbk وطوكيو
ومجمع ديسكفيري
ومجمع سيام بارغون ومجمع سيام لي يمه على طول
وسنترال وورد بلازا
مجمع زين
وسلوم نايت بازار تروحين له بالتك تك اسميه (طقطاقي احسينوه)
وهذا غير المحلات الي بالشارع يم الفندق

الي يعيبه شي واحد بس انه في مرقص بالسرداب ازعاج

 

[سينتيا]

اي والله ياريت تفيدوني انا بروح نص 7

 

[مترجمه]

خل اقولج اشياء تفيدج واايد :


اول شي انا رحت بانكوك وبوكيت . خل نبدا في بوكيت لانها محور السفره، غير ان بانكوك جنهم نمل ومكان مناسب لانتشار الامراض والانفلونزا.. فشلكم بعوار الراس

اول ما تنزلين المطار روحي عند الكاونتر وسئلي عن حجز بوكيت ، تلاقين اهناك كذا كاونتر دوري على واحد اسمه 123 مادري شنو لانه طيران داخلي رخيص ، حجزي روحه ورده مره وحده ، وقعدوا بالمطار الين موعد الطياره الثانيه ، نصيحه نصيحه لا تنزلون بانكوك العاصمه الحين خلوها بعد ما تستانسون بالمشترى والسياحه بالجزيره.

ونركب الحين طياره بوكيت ما تطول وايد ، وننزل مطار بوكيت ، الجو عجيب حزة الصيف رطوبه ما تحسين فيها لان فيها هوا ومطر .. سبحان الله.


وحجزي الفندق اللي يعجبج من ناحية السعر والصور والعروض من اهناك
لان اهناك العروض تتغير اول بأول - لا تشرطين عليهم فايف ستارز لان هناك اساسا فنادقهم نظيفه-
واهم اهم نصيحه في السفره كلها :

اعتمدي نظام المكاسر ولا تتفشلين (اهناك انا وريلي كنا نسوي افلام يعني : اهو مايعرف انجلش عدل فيقول نونو اكسبنسف غالي ، وانا اقولها ما تقدرين تنزلين - والله شاهد علي دقت على الفندق جان تقول لي الفندق وافق يسوي لكم خصم ونزل تقريبا لي نص السعر.)

لا تقعدون في بانكوك اكثر من 3 ايام والله مو حلوه ، روحوا استمتعوا بالجزر وبالجزر اساسا اسوقه وارخص وبالجزر ناس راقين مافي عرب وايد.

بعدين ، اللي ينهب فلوسكم اهناك التكاسي فارجع اقولكم اعتمدوا نظام المكاسر وبالذات في الممطار.
لااااااا تاخذون التاكسي من كاونتر المطار ، طلعوا من البوابه تلاقونهم مكودين وينزلون بالسعر .

ولا تضيعون كرت الفندق ابد لانه بيفيدكم وايد.

دقايق واكمل لكم النصايح ..

 

[مترجمه]

بالمطار بعد لمن تحجزون الفندق اخذوا خريطته، ساعات في فنادق تضيع ، وشوفوا موقع الفندق بالنسبه للبحر والسوق. يعني لا تاخذون فندق بعيد عنهم، لان الجزيره ما تسوى تكاسي كلها مشي ، اول فندق احنا حزناه كان عالبحر بس مشي 7 دقايق لي السوق ، ثاني فندق كان بنص السوق وعالبحر واسمه Seven seas كان حلو وسعره معقول ، طبعا احنا نحجز بدون وجبات ونراعي يكون في الفندق وايرلس بس اغلب الفنادق لازم تدفعين فلوس مقابل النت .
- الحين نطلع من المطار ونركب التاكسي .. بس تاكسي المطار بياخذ منكم مبلغ من 500-900 بات لا تتجاوزون هالسعر وكاسروا وعصبوا لانهم صج نصابين ، تخيلوا اول سعر قاله لنا الف وشي ، جان اهده واروح وظل يلاحقني ينزل بالسعر ، جنهم هنود المباركيه.


وصلنا الفندق ريحنا بدلنا خذينا شور ، الحين شنسوي مع مشكلة اليوع؟؟؟؟

نزلوا من الفندق واستكشفوا المكان ، اذا يمكم سوبرماكت اسمه 24/7 قزروها حلاو وبطاط على ما تلاقون مطعم عربي بالسوق ، المطاعم العربيه حيل حيل منتشره والقهاوي والشيشه ،، اختاروا المطعم بس لا تنسون تاخذون كرت المطعم عشان اذا يوم مالكم خلق تطلعون تاكلون يوصل لكم لي الفندق . خلوا الرسبشن يعطي العنوان حق المطعم.

احنا قعدنا بشارع الباتونغ بيتش Patong وقزرناها اكل بمطعم وقهوة " دبي " ريلي حب شيشتهم ^_^

بالنسبه للسوق سئلي اي احد يدليج، السوق عباره عن شارع طويل طويل مستحيل تخلصينه بيوم واحد ، عباره عن بسطات ومحلات كل شي تلاقين فيها ، ورخيصه حدها يعني بوك مثلا 200 بات ما يكلفج دينارين ، بس مهما تهيأ لج ان السعر رخيق كاسري كاااااااااااسري وكاسري ، راح تاخذينها بنص السعر دينار ^_^.

وبالذات ان كنوا محجبات اهني يرفعون الاسعار عليكم ، انا لقيت جنطه عجبتني خذيتها 2500 قبل لا اعرف نظام المكاسر بالسوق، مشيت شوي والا الاقيها نفسها اهي اهي بـ 500 بات ، بذمتكم مو فرق !!

ومن النصايح في بوكيت ديروا بالكم في شارع ماكدونالدز وقت الليل تفتح البارات والديسكوات والتفصخ يبدا ، فديروا بالكم على رياييلكم *_*

ونكمل بعد شوي ...

 

[ام محمد الشمري]

لا تــــــــــــــــــــنــــــــــــــــــــــــــــــســــــــــــــــــــيــــــــــــن

الهدايا حقي

تروحين وتردين بالسلامه

 

[مترجمه]

الحين نبدا السياحه الصجيه في بوكيت :

في السوق في اكشاك (جمع كشك) تلاقون عليهم صور جبال وبحر من اهني نجز شي اسمه الرحلات tours .
نختار الرحله اللي تناسبنا ، اذا تبون سفاري : فيله وغابات وطيور - او جيمس بوند يودونكم المكان اللي صور فيه جيمس بوند بنص البحر وبين المغارات في الجبال طبعا رحله بحرية- والا تبون تروحون الشلالات - والا رحلة الحداق وتصيدون سمج الخ الخ

لا تخلون راعي التاكسي الي بييبكم الجزيره يوديكم حق مكتب بيعرفه لان من الكشك يكون ارخص وهم كاااااااسروا كااسروا.

الناس اهناك بحال سبيلهم ، تلاقوون خليجين توهم متزوجين ، وهم ممكن تلاقون شوية مناظر غلط .

احنا قعدنا اهناك 10 ايام و3 في بانكوك تمنينا انا ما طبينا بانكوك ، ماكو مقارنه بين الاثنين.


طبعا فيه جزر وااايد ، بس لا تطبون بتايا لانها حق العزابيه والخرابيط تقريبا .

بعدين نكمل عن بانكوك .

 

[مترجمه]

الحين بنروح المطار بنرد بانكوك ، طبينا فندق حجزناه من مطار بوكيت ، واهناك روحوا شارع العرب

شارع العرب اسمه ( نانا ستريت ) كله اسوقه ومجمعات من كل الاسعار ومطاعم عربية. بس حاشنا تسمم وحراره

والزحمه تلوع الجبد ومجلوره تستخدمين التاكسي والجور ملوث حيييييييل حييييييييل.


رحنا بجنطتين ردينا بسته مع وزن زايد ودفعنا سعر الوزن الزايد 180 دينار .

ميزانيتنا طارت على السوق بس بالمقابل وفرنا بالتكاسي والفنادق بفضل نظام المكاسر ..

تقريبا 2000 كلفتنا السفره ^_^ والحمدلله استانسنا ..

 

[om MaRyooM]

هلا حبوبة ..

انا العام رحت مو توه .. واقولج ان تايلند ان رحتيلها ادماااان .. انا كل ماأروح ماأمل منها

المهم . .
التذاكر والسكن تقريبا كلفتنا 800 .. لمدة 10 ايام
قعدنا في بانكوك يوم وباجي الايام بوكيت .. والمصروف ترا 500 مايكفي !! . .انا قبل رحت لبوكيت بس خمس ايام خذينا معانا 500 وبصراحة في اشياء بالسوق كانت عاجبتني ماقدرت آخذها لأن لاتنسين احتمال يطلعلج وزن زايد و ايضا كل فندق ياخذون السيرفس زائد التأمين .. يعني لازم تحطين مبلغ زائد عن الحاجة للاحتياطات
بهالسفرة (10 ايام ) خذينا تقريبا800 دينار وكانو حلوين .. ورحنا كل الرحلات ووناااسة . .
لاتطوفين رحلة الsnorkeling والجزيرة اللي توكلون فيها الشواذي هذي كلها برحلة وحدة...حدها تونننس
جزيرة جمس بوند مو حييل عجيبة ..
ولاتطوفين رحلة ال ATV بالبانشيات عجيييييييييييييييييييييييييييييبة شوية عليها


وانشالله تتهنون بالسفرة

 

[الزين نجدي]

خواتي ...للعلم فنادق تايلند 4 او 3 نجوم تري وايـــد حلوة وحدها نظيفة وراقية
طبعا انا استغربت وسألتهم طبعا ((بلاغة جف )) :dddds:

ليش اوتييلاتهم راقية حدها ونظيفة والاسعار حلوة و4نجوم
ردوا انهم ما يستودون اي شي من الأثاث وكله شغلهم وفنادقهم يعني اهي اوتيلات تايلندية عشان جذيه ما تصير غالية

وبالنسبة للمطاعم لاتاكلون بالمطاعم الصغيرة واللي بره بالشوارع مثلا لانها مو نظيفة واعتمدوا علي المطاعم المعروفة مثل sea food market
حده حلو وكله اسماك.... او المطاعم العربية اللي صوب غريس هوتيل بنانا ستريت

وانا من عشاق هالديرة والله ابو الأدمان :wqedqw:

وكل ما اروح لها الاقي مباني واشياء يديدة ما شاء الله عليها هالديرة متجددة دائما ...والله ما ينلامون حتي الاجانب متولعين فيها :s142:

 

[حقوقيه زوغه]

وااااااااااااااي تايلند حلووووووووووة


بس الله يعينج على الرطووبه..وماعندي كلام زايد على اللي قالوه البنات ماقصروا ..بس صج مطاعم ال sea food market حدها مووووووووووووووووووووووصج

تنقين اللي تبينه بسله السي فود ويطبخونه وااااااااااااااااو صج عجيب ومايطلع اكثر من عشر دنانير ..وجناطهم روووووووووووووووووووعه وحتى ملابسهم هناك تهبل على ثلاثه واربعه وسبعه واحلى من هني بوووووووووووووايد نفس اللي يبيعونهم بزارا ومانجو ..

وجواتيهم اتيييييييييييييين ورخاااااااااااااااااااااااااااااااااص على ثلاثه تقريبا والله عندي جوتي صارله سنه عندي ويهبل لما الحين الكل يقولي من وين لووول صج مشاء الله حلوو ..

وااااي صج ونااسه اياااااااااااااام حلوووة ..عندهم بعد مايوهات حلووة ..

وديربالج من الجلاب في بوكيت ..مايسوون شي ولا يقربون صوبج بالعكس عادي مايعضون ومتعودين على الناس ..

بس بكل مكان مقططين لووول

 

[ضيعت إسمي]

أنا من شهرين ببانكوك راايحة تسوق .... وقبل سنة وشوي كنت في بوكيت 6 أيام وبانكوك 10 بس نصيحة لااتتسوقين من بوكيت نفس معروضات أسواق بانكوك ومدبولة خلي التسوق من بانكوك وهناك بتلاقين خيارات أسواق (ماركات ..فخمة)وأسواق جملة (رخيصة مرررة).
بالنسبة للأسعار صراحة ماتكلفنا شي يسوى لأننا كنا بضيافة القنصل السعودي هناك حتى الشحن (رجعت ببانكوك )كلها والشحن على الإتحاد وجاء فيه زياادة بس القنصل فديته ماقصر طلع يعرف مدير طيران الإتحاد وشحنوها free

 

[رووووعه]

يااااااااااااااااربي ....

ابصراااحة حدي متردده بعد ما حجزت للسفره ... خاااايقه ع اعيالي صغار (من المرض ...) .... يقولون تايلند انتشر بصورة سريعة وتسكرت المدارس ومنع التجول وتوزيع الأقنعه... اشرايكم بنات ؟؟؟؟ والله حدي متضاااايقة ....

 

[noorq8]

اختي مترجمه بصراحه وصفج وشرحج يهبببل ,بس عندي سؤال ببانكوك التاكسي عالعداد يصير تكاسرين ؟؟ يعني أحنا كنا نركب ويشغل العداد واشكثر يطلع ندفع فاذا انتي مجربه المكاسر حتى لو في عداد معناته قصووووووا علي :0bee2e8d89:

 

[كولوراديه]

ما عندي فكره لان بعد شهر برووح بس الكل يقول كاسرو بس للاسف اذا كاسرت بطيتها ضحك

 

[g6awi]

انزين وين محلاتهم الماركات ؟؟ وهل صج الماركات الاصليه عندهم ارخص ؟لان بخاطري جنطة قووتشي

ووين محلات اللفات و الجناط التقليد وسوالف البضايع ؟ بخاطري اييب بضاعه من وين تنصحووني اشتري ؟ وشنو اشتري ؟

وشنو عندهم من فناتق ؟؟

 

[منانا]

قوة حبيبتي شلوونج ؟؟؟




لا تقولين مو عااارفتني ولا مو عارفة نكي اذبحج ههههه


يالله تروحين وتردين بالسلامه ان شاء الله واحنا ويااج وضروري نشووفج هنااك