توحمت على خدامتى ):

[سما الكويت]

السلام عليكم..

بنات ايام القرقيعان وصلت خدامتى الجديده..نيباليه واول مره تشتغل وتتكلم انجليزى ومبين عليها خووووووووووووش مره..استانست عليها..

بس يافرحه ماتمت...

بعد شهر ونص حملت وصرت اشم فيها ريحه..واكره اشوف وجهها..تقلب جبدي من تمر قدامى..ولما اوديها بيت حمولتى ارتاح..

والحين مابيها..بوديها المكتب وماراح اجيب خدامه لين تخف النساة عنى شوى..بس مابي اوديها مكتبها اللى طلبتها منه..ابي احطها عند مكتب ثقه وتمشي الخدامات عندهم بسرعه..احس مكتبها بيطبب عليها ويرجعها لها..وانا ماااااابيها...

شورو على..ويين؟؟؟

 

[Beverly Hills]

غريبه
والله مادري
بس ان شاالله البنات يساعدونج

 

[شيــوخه]

الله يعينج

صراحه الحين ماتلاقين خدامه زينه وتبي تقعد عندج

عادي ياختج استحملي شتسوين بعد

لانه ان راحت بتاذين ولا تنسين انه بطنج راح يكبر وراح تبتلشين بعدين

واذا منتي مقتنعه شوفي اي احد ياخذها منج لا تودينها مكتب حرام يمرمطون فيها كل اشوي ابيت

 

[روقاء]

حبيبتي اذا شغلها زين انا ابيها ضروري محتاجتها حيل لاني ما عندي خدامه
ع الخاص دزيلي رقمج

 

[@ الجوري @]

الله يعينج تحملي صاجين البنات تحملي

والله إيتمم عليج

 

[سما الكويت]

جزاكم الله خير بنات..

وكلامكم بالضبط نفس كلام امى وخواتى..

روقا..جيكي عالخاص..

 

[سما الكويت]

وينكم بنات؟؟

 

[شذى الياسمين]

حبوبه اذا انتي مرتاحه منها ليش تردينها حرام شكلها فاهمه عليج وماتنعوض

لاتردينها المكتب ولا تبيعينها خليها عند حمولتج لين ربي يهون عليج

بعد شنو تسوين هذا افضل شي برايي

 

[ساندريلا]

الله يعينج حبيبتي
بس حرام تودينها ترى بعدين لمن تولدين انشالله راح تحتاجينها