توزيعات المواليد

[m&ms2]

السلام عليكم
هل تعتقدون توزيعات المواليد مهمه الحين ..
الحين قاعد اروح كذا استقبال مولود ما اشوف حاطين توزيعات
خصوصا اذا كان اول:eh_s(10): بيبي
​

​

 

[بنفسجيه_Q8]

وعليكم السلاااام

بصراحه مالها داعي سويت بجري
كله ينقط وفوق هذا في اسمه بنتي كلن يقطه مايحطونه ذكرى الا النادرين
نصيحه كافي الحلو والموالح والضيافه


والله يتمم عليج ويرزقج كل خير

 

[نور دنياه]

راحت موضته ويكلف وبالاخير ينقط. اذا بخاطرج سوي توزيعات شي ينوكل خخخ خو ربعنا يحبون الاكل انا جذيه سويت ، وزعت قوديفا وعليها ربطه ورديه.
رفيجتي طلبت من النت ( اوراق النوت وعليها اسم البيبي+ معقم يدين وعليها ستكر باسم البيبي+ وحلاوه) وبالاخير قطتهم الخدامه بدون ماادري يعني مامنه فايده

 

[.:lady bug :.]

لاا حده عتيج

توزيعات كاكو اي حلوو اذا كنتي مشتهيه

بسس قديمه التوزيعات

 

[زبــــــــدة]

لا شكوو قديمة !!!

اصلا الحين قامو يطلعون فناتق بالتوزيعات

انا اشوفه شي لازم ...

 

[مزآجيه!]

مدري ، أنآ مآ أيد هالفكره


حلآ وفطآير وقهوه وشآي وكآن الله غفور رحيم..

تفسفس الفلوس والهمبكه مآ أحس لهآ دآعي ، البيبي اولى بهالمصآريف اللي بتنقط

وجهة نظر

 

[m&ms2]

بنفسجيه_q8..نور دنياه .. lady bug ...مزاجيه

نفس راي امي تقول ماله داعي التفسفس حطي حيلج بالمواعين و قلاصات الجاي والحلو احسن لج

 

[m&ms2]

زبده

الاستقبالات الي رحتلها وشفتها مافيها توزيعات الي اخر شي ..بس ورود وديكور

 

[كويتيه بنت قناص]

فبجري سويت توزيعات بالثاني ماسويت قلت اقط فلوسي علا نفسي ابرك من اتخسر علا الناس

طلبت فطاير ووحلاو وورق عنب لاتوزيعات ولابطيخ

 

[يتيمة جابر العز]

عمري ماحضرت استقبال مافيه توزيعات !!! وين صارت هذه !!

لازم توزيعات كاكاو او فناتق أي شي

انتي انتي مو مسوية استقبال موضروري توزيعات

 

[Aloe Vera]

انا ضد التوزيعات السخيفة اللي اخرتها تنقط بالزبالة و لا نعطيها الخدم

وزعي كاكاو راقي او كوكيز احسن شي قبل طلعه الزوار

و انا ما اييد تحطين اسم البيبي لان بالنهاية راح ينقط بالزباله

 

[M!SS.LOBY]

بالعكس ضروري الاستقبال

 

[مسؤولة تعيين]

إلي عندو قرش محيرو يشتري حمام ويطيرو

 

[Mrs.H]

الحين الهبة ان يكون توزيعات كاكاو بعلبة وتكون علبة المحل.. مثل فيفيل ولادوريه وارماني

 

[حمامة صالح]

ما أأيد هالشغلات
حلو الشي يصير مومبالغ فيه

 

[مشتطـه]

شوفي وسمعي رااااييييي



اذا فلوووسج راهيه وبتقطين بدون حسافه سويه عادي مو غلط ولا عيب



بس اذا مثلي مثلا كنت طالبة وريلي كاره الفكرة

والتوزيعات تكلف اقل شي 100 دينار


تأزمت وقعدت احن

وبالاخير انقطوووو بالزبالة على قولتهم


ماله داعي

محد بيفقد التوزيعات


هال100 خليها لج انتي اولى


بس اذا عندج خير سوي واستانسي و ونسي الناس

بس لا تصكين على نفسج وتتكلفين مثل الاغلبية

 

[m&ms2]

قررت ما اسوي اهم بس شكل
والحين ما اشوفهم كثر اول !!
واخش فلوسي حقي استانس فيهم :eh_s(9):
واخلي هالجم 100حقي وحق جنيني :rerrerek:

 

[Mariam bh]

الفتره الاخيره اشوف عندنا بالبحرين التوزيعات كله شوكلت عاد والتفنن في تزيينه بطريقة كلش ناعمه

يعني شي ينوكل

وانا ناويه على جذي

 

[حشمه]

ماشوف له داعي وانتي على راحتج

 

[jaaanooo]

انا حضرت هالسنة 3 استقباﻻت وﻻ وحده حاطه شئ كله موالح وحلو وكاكاو وعصاير وشاي وقهوه وسلامتكم ...