توفير مع برنامج (مسك التقاعد) لا يطوووووفكم

[مهندسة طموحة]

سلام عليكم
شلونكم كويتيات
اول شي مبروك على افتتاح القسم اليديد و انشالله الكل يستفيد منه
حبيت اقولكم عن شي بصراحة انا مشتركه فيه و مقتنعه انه مفيد واايد و خصوصا للاخوات الي توهم متوظفين و الي ما يبون يجازفون بفلوسهم

عند شركة تأمين الخليج برنامج اسمه (مسك التقاعد) و هو باختصار عبارة عن استقطاع شهري او سنوي من المعاش لمده (15 او 20 او 25 سنه) و تختارين الي يناسبج و الشركة تقوم بتشغيلها بالاسهم المحلية و العالمية و انتي تحطين النسبة الي تناسبج يعني مثلا (40% من المبلغ في صندوق الاستثمار المحلي و60 % في صندوق الاستثمار العالمي) و بعد نهاية مده العقد الي اهي (15 او 20 او 25 سنه) يردون لج فلوسج الي دفعتيها طول المده و فوقها الارباح من الاستثمارات و الحلو ان عندهم 3 طرق و انتي تختارين الي يناسبج و اهي
1) يعطونج الفلوس كلها دفعة وحده
2) يقسطونها لج حسب السنين الي تبينها
3) يقسطونها لج كراتب مدى الحياة

و طبعا الاشتراك يشمل تأمين على الحياه ( يعني لاسمح الله صار اي حادث او شي يعوضونج عليه)

و هذا البرنامج مضمون 100% ان فلوسج تزيد و ماراح تخسرين شي و كل ما زادت مده العقد و المبلغ الي تدفعينه كل شهر او سنه طبعا بالنهاية تزيد ارباحج

و الحلو في البرنامج هذا ان اقل مبلغ تدفعينه اهو 10 دنانير بالشهر و اذا بعد مده خلال فترة العقد حبيتي تزيدين المبلغ عادي او اذا كنتي في بداية الاشتراك تدفعين مبلغ كبير و حبيتي بعدين تقللين المبلغ هم عادي يصيبر ( يعني طريقتهم وايد مرنة و تقدرين تغيرين المبلغ الي تدفعينه حسب ظروفج خلال مده العقد)

ادري اني طولت عليكم بس اتمنى ان شرحي واضح و الي عندها اي استفسار انا حاضرة

 

[كويتيه كوووووووووووووووول]

مشكوووووووووووووور حبيبتي عالنصيحه بس حبيت اعرف شغلهم اسلامي ولا لا؟؟؟؟؟؟؟؟

 

[lolly]

خوش توفير

 

[كيوت_25]

مشكوره حبيبتي على النقل و ادري انه نيتج طيبه بس حبيت انبه البنات



يا بنات انا اشتغل بشركه تأمين و هالبرنامج حراااااااااااااااااااااااااااااااااااااااااااااااام

انا كنت مشتركه فيه و طلعت منه عقب ما عرفت انه حرام

و الله من وراء القصد

 

[BusinessWoman]

انا كنت اشتغل بلشركة الخليج وكان مديري الاستاذ جورس ابشرق

وكنت مسؤله عن هذا البرنامج

وبعدين طلعت بس البرنامج حرام وشكرا

 

[out of reach]

مشكورين بنات على التنبيه...... كله الا الحرام

الله مايبارك بالرزق

 

[cat^q8]

ليش حرام ؟؟ شنو فيه حرام بالضبط ياليت تقولون التفاصيل


يعني اهوه مو قرض ولا سلفة و لا ربا

اهوه فلوس يستثمرونها لي بدال ما انا استثمرها

 

[dndn.22]

ممكن تفيدينا اختي ليش حرام ؟

للاستفادة وشكرا

 

[بتبوتااا]

نفس السؤال؟

 

[مهندسة طموحة]

مشكوره حبيبتي على النقل و ادري انه نيتج طيبه بس حبيت انبه البنات



يا بنات انا اشتغل بشركه تأمين و هالبرنامج حراااااااااااااااااااااااااااااااااااااااااااااااام

انا كنت مشتركه فيه و طلعت منه عقب ما عرفت انه حرام

و الله من وراء القصد

انا اول مره اسمع ان الاشتراك بالبرنامج هذا حرام !!!!
اهو عبارة عن صندوق استثماري مثل الصناديق الاستثمارية الي في البنوك و مافي نسبه ثابته للارباح الي بيعطونج ياها .... ماني فاهمة شنو الحرام في الموضوع
يا ليت يا اختي تفيدنا و توضحين السالفه
و مشكورة

 

[^^نـــواره^^]

يمكن قصدها على شالفة التامين أنها حرام لان التامين على الحياة سمعت انه حرام من اكثر من شيخ سواء بالكويت أو من السعودية...

أو يمكن قصدها ان انتي ما تدرين اهما وين قاعدين يستثمرون فلوسج يمكن في مشاريع زينه ويمكن في مشاريع ربوية فالأحس ان الواحد يبتعد عن الشبهات والله يبارك له بالرزق

 

[^^ROSE^^]

شوفوا بنات انا بقول لكم اللي اعرف
الشركة او البنك اذا كانت تعاملاتهم ربوية يعني مو على النهج الاسلامي
اذا اي اسثمار او وديعه او صندوق يطرحونه حتى لو كان صندوق اسلامي بيكون حرام
لان تعاملاته واجراءاته تتم عن طريق شركة ربويه
يعني لما البنك الوطني يقدم صندوق اسثمار اسلامي 100% هم مايصير نستثمر فيه لانه يدار من قبل بنك ربوي ومثل ماراح يدخل لكم ارباح هم بيدخل للبنك ارباح
وارباح البنك ماراح يستثمرها كلها بالصندوق الاسلامي
بتلقونه يستعملها بأمور ثانية فيها ربا واشياء محرمة

فجذي بتكون الفلوس مافيها بركه كلش
انتي تقدرين مثلا تروحين شركة استثمارية اسلامية مثل دار الاستثمار او اعيان او اصول وهم عندهم صناديق استثمارية بعوائد وااايد حلوة
وتقدرين تبدين الاستثمار من 1000 دينار وطالع وزيديهم متى ماقدرتي
هالفلوس يصير فيهم بركة لانه مافيهم شبهة
والمهم البركة بالفلوس مو مهم المبلغ جم لان ممكن يكون مبلغ كبير بس ماتتهنين فيه لان الله سبحانه وتعالى مو مبارك فيه

ولا يسوى علينا نتحاسب ونستاثم بسبة جم ألف ماراح ينفعونا بالآخرة

انا ادري صاحبة الموضوع ماقصرت وودها تفيد والموضوع حده مغري
بس هم لازم نوضح الامور دام دخل فيها شبهة وتحريم لان مانرضى على خواتنا اللي مانرضاه لنفسنا
والله يوفقكم جميعا ويبارك لكم في مالكم وعيالكم

 

[OM3YAL]

ممكن رقم تلفون الشخص المسؤل والأسم لو سمحتي وعنوان الشركة غلى الخاص

 

[كيوت_25]

شوفوا بنات انا بقول لكم اللي اعرف
الشركة او البنك اذا كانت تعاملاتهم ربوية يعني مو على النهج الاسلامي
اذا اي اسثمار او وديعه او صندوق يطرحونه حتى لو كان صندوق اسلامي بيكون حرام
لان تعاملاته واجراءاته تتم عن طريق شركة ربويه
يعني لما البنك الوطني يقدم صندوق اسثمار اسلامي 100% هم مايصير نستثمر فيه لانه يدار من قبل بنك ربوي ومثل ماراح يدخل لكم ارباح هم بيدخل للبنك ارباح
وارباح البنك ماراح يستثمرها كلها بالصندوق الاسلامي
بتلقونه يستعملها بأمور ثانية فيها ربا واشياء محرمة

فجذي بتكون الفلوس مافيها بركه كلش
انتي تقدرين مثلا تروحين شركة استثمارية اسلامية مثل دار الاستثمار او اعيان او اصول وهم عندهم صناديق استثمارية بعوائد وااايد حلوة
وتقدرين تبدين الاستثمار من 1000 دينار وطالع وزيديهم متى ماقدرتي
هالفلوس يصير فيهم بركة لانه مافيهم شبهة
والمهم البركة بالفلوس مو مهم المبلغ جم لان ممكن يكون مبلغ كبير بس ماتتهنين فيه لان الله سبحانه وتعالى مو مبارك فيه

ولا يسوى علينا نتحاسب ونستاثم بسبة جم ألف ماراح ينفعونا بالآخرة

انا ادري صاحبة الموضوع ماقصرت وودها تفيد والموضوع حده مغري
بس هم لازم نوضح الامور دام دخل فيها شبهة وتحريم لان مانرضى على خواتنا اللي مانرضاه لنفسنا
والله يوفقكم جميعا ويبارك لكم في مالكم وعيالكم

الله يعطيج العافيه وفرتي علي و كتبتي الي كنت بكتبه بالضبط هذا قصدي


و شي ثاني يا بنات انا كنت مشتركه فيه بس بشركه ثانيه مو الخليج و سوولي خصم خاص لاني موظفه بالشركه بس يوم دريت انه حرام صفيتها و قلت خلاص ما ابيها و لما دروا اني ما ابيها طبعا من شروط التصفيه انه يخصمون مصاريف ادراريه وووو الخ

المهم خصموا مني شئ و شويات و اخر شي طلعت منهم يا الله يا الله براس مالي يعني حتى ما استفدت اي ربح من وراهم (( هذا و هم متوصين فيني و واسطه على بو موظفه عندهم !!!! ))

بس لا تيأسون بنات لانه في مثل هالصناديق بالشركات الاستثماريه الاسلاميه مثل ما قالت اختي روز

و شكر خاص لصاحبه الموضوع لاني متأكده انه نيتها صافيه و تبي لنا الفايده و ما عندها علم انه حرام
يزاج الله خير حبيبتي و الله يبعدنا بحلاله عن حرامه :eh_s(8):

 

[فافى2]

ليش حرام ؟؟
اهوه فلوس يستثمرونها لي بدال ما انا استثمرها