توقعاتكم بالدوام

[kokah]

مرحبا يا ابلاتي الحلوين بما ان اليوم احنا انصدمنا راح ندرس خبرة روضتي على طول نبي نعرف توقعاتكم هل الاطفال راح يداومون ولا لأ مع عدم توفر العيادات الصحية في الرياض​

:krkrkr::krkrkr::krkrkr::krkrkr:

 

[* @ * كرستال * @ *]

إذا هذا استبيان فأنا أقول نعم

بداومون خاصة أن بزمنا أصبحت الأم يهمها امتاع الطفل باللعب مع أقرانه أكثر من صحته

ولا يدرون هل داخل الرياض استعدادت حقيقية أم عشوائية وتحصيل حاصل

لا يفتكرون بترتفع حرارته شوي وبس ـ المرض هذا صعب يطيح الكبير والصغير بالفراش ​

 

[ترتر زري]

عن نفسي بنتي بتداوم إن شاء الله طلع لها قرووووون من قعدة البيت .... مابقى إلا تصرف لها الحكومه بدل بطاله هههههههههه

 

[شيري]

سبحان الله اول سنه من اشتغلت وانا اصير فاقده الاحساس وماعندي اي توقعات الله يستر بس احاتي لو واحد من الاطفال يكون فيه انفلونزا الخنازير وينتقلها لي وانا انقلها لعيالي الصغار اللي اقل من 3 سنوات @ الله الحافظ

 

[عهود الحب]

2000 % بيداوومون

مافيها كلام

وانا ايدي على قلبي والله كلنا خايفين

 

[لطائف]

ياربي مافي ممرضين والاستعدادت فقيرة حدها شلون يخلونهم يداوموووون بهالبرد ولا الصف فييه 20 طفل وكلهم يم بعض شالمصخرة:0bee2e8d89:

 

[راقية باخلاقي]

حبيتى هالامهات مساكين
بيودون عيالهم الروضه
لانها مسكينه
حدها
والله لو اموت ما اخلى بناتى يداومون
شحقه بايعتهم
حبيبتى تحت 5 سنوات ماله علاج لو صابته الافلونزا

يعنى اسمله عليكم القبر
واي هالامهات بايعين ضناهم صج مسخرة
والروضه

ماكو اي استعداد
زوليه كلهم يتغافصون عليها يم بعضهم واعطس كح بويه رفيجك الامر عادى
يا سلام
الصف من سنة جد جد جدى

مغبر والفراشه بس تدش تغسل الحمام الصبح ونهايه الدوام
الاركان مستحيل تمشها
واذا اشتكيتى للادارة قالوا
سوري يا ابله الشركة ما تعطيهم معاش
وهم يشتغلون على قد فلوسهم:tomato2:
والله :eh_s(14):

واليهال يمتون عادى

والله اذا ما عندكم استعدادات للتعقيم ليش تخلون اليهال يداومون
ومسؤلية منو
لمات واحد منهم
حسبى الله ونعم الوكيل

فاقولكم اللى بايعه ولدها تودية الروضه

ماكو اي استعداد
معقم لطعوه عالطوفه

داخل الصف الزبدة لا تعقيم اركان وصخة احتكاك قوى بين الاطفال :krkrkr:
امبيه والله انا ودى اغيب خايفه حدى :krkrkr:

وخوخه
راح تشوفين امهات غر مسؤلات جارين عيالهم للروضه

:0bee2e8d89:

 

[miamy]

لا والله كاهم الحضانات دوموا

وماعليهم اللا العافيه

المرض مو خطير لي هالدرجه

بس الاعلام هولت الموضوع

والله يحفظكم ويحفظ عيالكم يارب

 

[غير كل الناس]

مافي الا العافيه تفائلوا

المطر طيح الفايروس

 

[المرام]

هذا احنا نتجمع بالزوارات والمجمعات وووووالخ ,,,وما كو الا العافيه
خلاص خلوا العجله تدور والحياة تمشي ,,,وهذي المدارس بدت وما كو الا العافيه
عموما انا مدرسة رياض اطفال وراح اخلي ولدي يدخل من اول يوم ان شاء الله ,,,مع اني في اجازة حج
انتم بس ودعوهم الله كل يوم صبح والله كريم

 

[قهوه وشاهي]

المرض بأسوأ حالاته والأن هو بحالة التمحور للحاله

الثالثه اللي مالها علاج كما يحصل باسبانية وهذا الهدوء اللي يسبق

العاصفة ديروا بالكم على اعماركم ولاتستهبنون بالمرض

وتذكروا في ارواح زهقت بسبب هذا الوباء ولازالت

بالنسبة للدوام بسبب التكتم الاعلامي وبقاء اولادنا بعيدين عن اماكن الانتشار

وتحذيرنا المستمر لهم ظن البعض وحس الوضع مطمن لكن بعد اسبوع

او اسبوعين اتوقع وزارة التربية تعطل اطفال الرياض بسبب خطورة الوضع

وعدم جهوزيتها لمكافحت هذا الوباء

والمعلمات الحوامل ديروا بالكم ديروا بالكم( العمر مش بعزأه )على قولة المصريين

 

[kajool_80]

انا عن روضتي ..... يوم الخميس وفي نهاية الدوام شفنه الممرضة يايه عشان تستلم غرفتها والمشرفة قالت لنه ال3 أيام الأولى ما راح تقدمون شي بس راح يكون مجرد تهيئة وانا وحده أقول خل يقعدون راحه احنه يبي لنا مو أقل من 3 أسابيع عشان نضبطهم

 

[روند]

ماكو دوام
المرض يصير مميت اذا اشتد البرد

 

[*أم*خالد*]

لووووول كلامكم ضحكني

بالعيد ما تيمعتو ؟ عيالكم ما لعبو مع عيال خالتهم ولا عمتهم ؟

ماكو الا العافيه ان شاء الله

اليهال راح يداومون من قلب وبتمشي السنه وعقب سنين راح نتذكرها وراح تصير حالها من حال سنة الغزو

قبل الغزو وبعد الغزو .. بنقول لااا هالشي صار قبل الانفلونزا وعقب الانفلونزا لووووووول

وانا متفائله

 

[كويتية ذهب]

بيداومون
الفروانية
خص
نص

 

[بنت الحوت عنابى]

انا اقول اول يومين يداومون بعدين لى حسو بالبرد ما راح يداومون ===

 

[غزلان الكويت]

واالله العظيم انا صفي اربعين طفل اللي مسجلين عندي والله العظيم لاتعقيم ولا شي

احنا مومعترضين على دوام الاطفال لاوالله الواحد يتخذ لاسباب ويترك النتائج على الله سبحانه وتعالى بس التربية مومتخذه الاسباب ولاموفرة ممرضة ولامعقمات مايصير جذي الله المتعان ربي يحفظنا يارب

يحز بالخاطر دولة غنية وجذي حالنا

 

[kokah]

الله يعينك يا غزلان الكويت انا اطفالي 30 و ضايق خلقي و المصيبه بعد ماخذين زميلاتي حك الدوره و نزلولي ابله من مستوى ثاني و حاسه بضغط مو طبيعي الله يصبرنا ونقدر نسيطر على الاطفال

 

[ضحـاوي]

مافي الا العافيه ان شالله ,, وانا اتوقع نسبه الحضور بتصير 100%

 

[ياسمينا]

اكييييييييييد مليون بالمية يداومون
والحافظ الله