توقعــون أحتـاج طبيب نفسـي...

[شريفه الحنونه]

مساء الخير



بدون مقدمـات أنا وايد مريت بأزمات نفسيه صعبه حيل من وفاة عزيزين علي وصدمات بحياتي الخاصه وايد وخصوصا من ناس قريبه مني حيل ..


مشكلتي يا بنات صاير فيني عشق مو طبيعي للحزن يعني أدور علي الحزن وأدور علي الدمعه دواره أحب أبجي علي أي شي يمكن صارلي من زمان علي حالتي وتخيلوا أذا مالقيت شي يبجيني دشيت اليوتيب وقعدت أدور شغلات تبجي بس لازم أبجي و عسي ماأشوف كبير بالسن جدامي أقعد أبجي أو مره كبيره بالعمر أو أحد يمدحني أو أحد يدعيلي تقدرون تقولون حساسه أحط نفسي دايم بمود الحزن أستسلمت لهالوضع...











وسلامتكم وعسي حياتكم سعاده بسعاده..































































































​

 

[FsForya]

حبيبتي انتي مافيج شي وانتي بنفسج قلتي اذا مالقيت شي يبجيني ادور اشياء ! ليش تدروين الحزن والبجي ؟؟

استغلي وقتج اقري قران واستغفري ربج ومافيج الا كل خير

 

[nora al]

رد : توقعــون أحتـاج طبيب نفسـي...

حبيبتي اول شي اعتراضي على عنوانج !!!


ترا انتي قاعده تينين نفسج بنفسج وماراح تحسين الا موديه نفسج مستشفى الميانين !!!


اول شي اكبر غلط تقولين هالشي جدام الناااس


كلنا مريناا بمصايب ماقلنا كلامج ؟؟؟


بالعكس هالمصايب تعلمج وتصقل شخصيتج ماتخليج مينونه او بحاجه الى طبيب نفسي !!!



انتي مافيج شي ولا حتى حاله نفسيه انتي احس عندج وقت فراااااااااااااااااااغ كبير ومااثر عليج وايد عشان جذي تدورين شي يضايقج




تبين الحل ؟؟؟



متى ماافضيتي رووحي توضي وصلي ركعتين واستغفري واقري قرااان وادعيلي معاج انه الله يحقق اللي ببالي


وبس مافيج الا العافيه ان شاء الله

 

[شريفه الحنونه]

رد : توقعــون أحتـاج طبيب نفسـي...

حبيبتي اول شي اعتراضي على عنوانج !!!


ترا انتي قاعده تينين نفسج بنفسج وماراح تحسين الا موديه نفسج مستشفى الميانين !!!


اول شي اكبر غلط تقولين هالشي جدام الناااس


كلنا مريناا بمصايب ماقلنا كلامج ؟؟؟


بالعكس هالمصايب تعلمج وتصقل شخصيتج ماتخليج مينونه او بحاجه الى طبيب نفسي !!!



انتي مافيج شي ولا حتى حاله نفسيه انتي احس عندج وقت فراااااااااااااااااااغ كبير ومااثر عليج وايد عشان جذي تدورين شي يضايقج




تبين الحل ؟؟؟



متى ماافضيتي رووحي توضي وصلي ركعتين واستغفري واقري قرااان وادعيلي معاج انه الله يحقق اللي ببالي


وبس مافيج الا العافيه ان شاء الله

جزاج الله خير ويارب يعيني وأرتاح وأن شاء الله بستقل وقتي بشي يفيدني ان شاء الله..​

 

[عهود الوفا]

رد : توقعــون أحتـاج طبيب نفسـي...

بسم الله الرحمن الرحيم
اختي كل انسان يتأثر بما يحصل حوله اهم شي يقوي نفسه نصيحتي لك اكثري من قرأة القران وستجدي فيه كل الراحه

 

[Model Look]

باختصار انتي عايشه بفرااااااق كبير

استغلي وقتج وحاولي تضيعينه بصله الرحم ولا زياره اصدقاء ولا عمل تطوعي

 

[كوكيية]

رد : توقعــون أحتـاج طبيب نفسـي...

حبيبتي لا تسوين بنفسج جذي!
ترى الدنيا ما تسوى!
ابتسمي
كلنا نمر يمشاكل و نفقد اعزاء علينا بس هذي منو نهاية الدنيا!
عيشي حياتج طلعي استانسي سافري
و انسي الطبيب النفسي انتي ما فييج شي اسم الله علييج

 

[Miss Cherry]

ياقلبي كلنا مرينا بمواقف صعبه وماتوا لنا ناس عزيزين علينا بس هذا حال الدنيا كلنا بنموت منو باقي .. المشكله انا انصحج وانا ام الدميعه _shh_: بس لاني حاسه بمعاناتج .. انتي اشغلي نفسج دوري شي تحبينه واهم شي لا تقعدين بروحج

الحزن يمرض ويجيب الامراض النفسية ويقصر العمر الواحد شماخذ من الدنيا

 

[قطوه دايخه]

رد : توقعــون أحتـاج طبيب نفسـي...

والله الدنيا ماتسوي أنا مره سمعت دكتور نفسي أنه فيه ناس تستمع بلحضات الحزن لأنها مكبوته من الداخل وتبحث عن الدمعه ياأختي أعلمي أن الدنيا دار فناء وليس دار بقاء وبني أدم مبتلي وحاولي تبتعدين عن الشغلات أللي تكدرج

 

[! هُوْ وِينِه !]

حبيبتي آخذي كلمتيني هذي قآعدة
آلحزن يجر حزن
وآلفرح يجر فرح
حبيبتي كثري إستغفآر وتصدقي وقومي آلليل ومآفيج إلآ آلعآفية
هذآ بليس يوسوس لج ويكرهج بكل شئ عشآن مآ تعيشين
حآولي تخآلطين آلنآس
آي شئ يكتم على صدرج روحي لآي آحد قوليه وإذآ مآ عند آحد جيبي ورقة وقلم وآكتبي إلي تحسين فيه
وبعدهآ صلي ركعتين وآقعدي آقري آي جزء من آلقرآن
وبعد مآ تخلصين قرآية وصلآة آفتحي آلورقة بتلقين آلسآلفة تآفهة
وآدعي ربي
قولي يآرب آبدل هذآ آلحزن بهذآ آلقلب بفرح يآلله يآ آلرحم آلرآحمين

 

[Diva-Q8]

رد : توقعــون أحتـاج طبيب نفسـي...

من رايي اللي تمرين في مو شي عادي مافي انسان طبيعي يدور الحزن إلا اذا كان في خلل اذا كانت حالتج هذي من مدة طيله يعني اكثر من سنه وبهل سنه مامر عليج بحياتج شي وخلاج تبطلين هل عاده يعني في شي غلط مو معقوله يعني الحيات مشاغل وانتي تقولين من زمان بس مادري اشكثر من زمان اللي تقصدينها

اذا اكثر من سنه مو خسرانه زوري طبيب نفسي للاستشاره على الاقل

هذا رايي وانشالله البنات يفيدونج اكثر

 

[Beautiful soul]

رد : توقعــون أحتـاج طبيب نفسـي...

بقولج شي بس مابي اخرعج انا قريت ان من مداخل الشيطان والجن الحزن الشديد
يعني انتبهي حق عمرج وارقي نفسج وابتعدي عن هالمود نهائياااااا
اشغلي نفسج مب زين ادورين الحزن والدموع كلنا عندنا مشاكل وعندنا هموم ومرت علينا مواقف وأزمات بس ماسوينا مثلج حرام اللي قاعده تسوينه انتبهي حق نفسج ولاتضيعين حياتج وانتي عايشه بهالطريقه
احنا مانخلقنا في هالدنيا عشان نكون تعساء وحزينين حطي هالنقطه في بالج ^_^

 

[عذآب إلـ أنآ]

من حقج تروحين طبيب نفسي وهالشي صعب تتأقلمين معاه
انآ الغريبه بجيت على قصة وفاة امج الله يرحمها ويسكنها فسيح جناته ويغفرلها يارب،
فـ مآبآلج انتي بنتها ؟؟

وعسى الله يفرحج دنيا وآخره يارب

 

[ياليل مااطولك]

قال تعالى وننزل من القران ماهوا شفى ورحمة ================اشغلي نفسك بحفط القران وسوف تكوني اسعد الناس

 

[اصيله بنت البدو]

رد : توقعــون أحتـاج طبيب نفسـي...

حبيتي سيري الحياه عيشها بحلوه ومرها امشي جداام لاتلتفين ورج
انتي بنفسج تخلين نفسج سعيده او تعيسه لما تصحين من النوم انتي مخيره من شيئن يااكوان طول اليوم سعيده
او تعيسه ابعدي عنج الافكار السودويه عززي نفسج بالافكار الايجابيه انا مبسوطه ان سعيده من البدايه حكمتي على نفسج
وعطتي عقلج اللا وعي باانج حزين وديركت كله اثر عليج وغيري من روتين البيت اخلقي لك اي شي اشغل نفسك
بس لاتظليين جذي فاضيه الخ دوري على موهبه استثمريها اشتركي بالاعمال التطوعيه حضري دورات واخر شي الابذكر الله تطئن القلوب مافي اقوى من الايه هذي اذكري ربج ويعسى ربي
يسعدج وبيعد عنج الحزن وانتي الحمدالله مافيج شي ولاتحتجيين طبيب نفسي

 

[ستانلي]

رد : توقعــون أحتـاج طبيب نفسـي...

اشغلي نفسك بحفط القران وسوف تكوني اسعد الناس والله يرزقج بالزوج الصالح اللي يسعدج آمييين

 

[lolayasmeen]

البنات ما قصروا بالردود ونصيحتي لج تشغلين وقت فراغج وحاولي تشوفين الجانب الايجابي
بحياتج وتركزين عليه مو عيب ولا غلط لما تبجين بالعكس ابجي طلعي اللي في داخلج
بس في نفس الوقت لاتنسين ان رب العالمين سبحانه وتعالي عطي الانسان نعمه النسيان
وكلنا لنا يوم وينتهي وجودنا في هالدنيا ولا تنسين رب العالمين رحيم بعباده
شوفي ابي اقولج شغله في بعض ناس الازمات تقويهم وتطلعهم ناس ثانين
وناس الازمات تكسرهم وتهبط عزيمتهم وتلاقينهم ضعاف وبسرعه يستسلمون
للافكار والوساوس اللي يوسوسها لهم الشيطان وتلاقينهم فاشلين في حياتهم
بعكس اللي يتخذون من ازماتهم موقف قوه وما يعترضون علي حكم رب العالمين
ويقعد يقظي حياته نياح وبجي والعالم تتطور وترتقي للاعلي وهو ماكنه ساكن
ومعتفس ومتعومس ومضيق خلقه وخلق غيره ربي يرزقج ان شاء الله راحه البال
و الله ما اخذ منج الا ليعيطيج:denya:
ويعوضج

 

[عهود الحب]

رد : توقعــون أحتـاج طبيب نفسـي...

انتي محتاجة طبيب فعلا ً
بس طبيب روحاني

القرآن
التقرب من الله اكثر
الدعاء
التضرع لله
الصلاة
اليوتوب فتحي فيه قراءات لمقرئين واستمعي
احسن من الاغاني لأنه تسبب الهم للقلب
وتمرضه
بينما القرآن يشفيه ويعالجه
وصدقيني عن قريب راح تلاقين نفسج ارجعت لج ضحكتج وفرحتج
ودوام الحال من المحال
يومين نبجي الثالث نضحك
عادي
والحي ابقى من الميت
ولو بيدهم قالولج اضحكي وافرحي بحياتج
واتركي عنج الهم
و صدقيني الي قريبة من ربها تلاقين قلبها مطمئن ومرتاح وحياتها سهلة كل شي يصير لها
تقول الحمدلله والشكر على نعم ربي وفضله
و لازم تتقبلين القضاء والقدر وتآمنين فيه لأنه جزء من الايمان

و الله سبحانه هو حبيبج فالجئي له وصدقيني ربي سبحانه
ما يخيب رجائنا لما نرتجيه

 

[ام سعود ديكسون]

ليش حبيبتي تشوفين الدنيا بسلبية بدال لا تدورين شي يضيق الخلق شغلي سورة البقرة باليوتيوب موجودة علي اجزاء تركي عنج إبليس وتقربي حق رب العالمين راح ينزل ربي بقلبج السكينة

(( الا بذكر الله تطمئن القلوب ))

والدكتور النفسي مو عيب

بس المؤمن ما يحتاج دكتور نفسي

لان المؤمن لا يجزع

القران والدعا رياضة روحية بحد ذاتها

حاولي تشغلين وقت فراغج بالنادي والهوايات والتطوع عشان لا يتسلل الحزن لتفكيرج وقلبج