توقيع التاجرات وتأخر الانجاب

[ازرع وهم]

بنات ما ادري انا طبيعية اولا والسبب بعض التاجرات اللي بقسم تأخر الانجاب ينرفزني توقيعهم

اذا انا مو طبيعية واتنرفز من توقيعهم لاني احسهم يدخلون علشان يردون بحرفين ويعرضون بضاعاتهم ويشتتون ذهني وانا اقرأ فإعذروني

اما اذا كنتم مثل تفكيري فياريت نكتب بعد كل موضوع رجاء من التاجرات عدم عرض توقيعهم واللي تبي البضايع تدل الاقسام


اشرايكم بنات ؟

 

[tbola]

تصدقين كلامج صح وان شاء الله يااختي ربي يرزقج الطفل السليم المعافا اجل غير عاجل وان شاء الله ربي مايضيع صبر هالسنين

 

[LeeMa q8]

مـآآآدري مآ انتبهت .!

عسى الله يرزقنا يارب ويفرح قلوبنا يارب

 

[جنان ام عزوز]

ممكن


ربي يرزقج ويعوضج عن هالسنين ب4 تواائم يارب

وان شاءالله هالاذان يشهد على دعوتي يارب

 

[متى افرح]

صح كلامك حنا ندل مكانهم لو فكرنا نشتري وهم بعد لهم مكان خاص

وبعض التاجرات مرو بنفس مشاكلنا لامانع من مشاركاتهم معنا

حبيبتي توقيعك اثر بقلبي وحزني يارب الله يرزقك عاجل غير اجل

بس اذا ماكو احراج ممكن تقولي سبب تاخيرك؟

لان انا خمس سنين متاخرة والسبب عدم علاج زوجي

 

[ام الشوامس]

ما لاحظت

الله يرزقج الذريه الصالحه اللي تنسيج كل التعب و الهموم ياارب

 

[shmooo5]

يارب الله يرزقكم من أوسع أبوابه .. يارب

 

[ابدا يالغالي مانساك]

قصدج حبوبه التاجرات اللي بقسم الإنجاب خاصه مالحضت شي او قصدك بالمنتدي عامة علي العموم حبيبتي جعلي اسمع خبر حمالج يارب بهالجمعه الفضيله يارب

 

[AVE.NJ]

خليج قويه ولا تنسين رحمة رب العالمين
انشالله تحملين وتفسفسين فلوسج على التاجرات والمحلات

 

[ام دليار]

أذا أنتي قصدك أنا لأني أكثر شي بشارك بهذا القسم
أنا مثلك عقيمة ألي 6 سنوات وشغلت التوقيع شغلة شخصية مابتقدري تمنعي من وضع التوقيع أو لأ
أذا ماعجبك رد التاجرة لاتردي عليها

 

[ازرع وهم]

تبولة شكرا لمرورج وجزاج الله خير

LeeMa q8 شكرا لمرورج ودعواتج

 

[ازرع وهم]

جنان ام عزوز شكرا لمرورج

متى افرح صحيح كلامج ممكن تكون من التاجرات متاخرة بالحمل بس بعضهم توقيعها يشتت الذهن وبكل موضوع تقريبا احصلها مشاركة بكلمة وبالكثير كلمتين

 

[ازرع وهم]

ام الشوامس جزاج الله خير

شموخ شكرا لدعائج

ابدأ يالغالي ما انساك شكرا لج

ave.nj شكرا لدعائج

 

[ازرع وهم]

ام دليار

احترمج واحترم كل تاجرة وهذه حرية شخصية ما اقدر اتدخل فيها وانا ما اقصدج وتوقيعج ما يختلف عن تواقيعنا مافيها تشويش او فلاش او حجم تضيع المسافة

يمكن انا متنرفزة وسؤالي واضح هل تتنرفزون مثلي او انا متنرفزة حتى كاتبة بالموضوع الرئيسي اذا انا مو طبيعية اتنرفز فأعذروني

اكرر اعتذاري لج والله يرزقج ويرزق الجميع

 

[ام دليار]

عادي حبيبتي بس خفت تكوني متضايقة مني :eh_s(7):

أنا دايما توقيعي صغير مع أني عندي منتجات كثير بس قبل ما أكون تاجرة كنت أتضايق من يلي توقيعها كبير

الله يرزقك الذرية الصالحة وتشتري من عندي مشاية:eh_s(22):

 

[تميميه]

يالله ياكريم يامن رزقت ززكريا من بعد يأس وطول انتظار بيحي انت ترزق ازرع وهم وكل محرومه بذريه طيبه من عندك انك القادر على كل شيء عاجلا غير اجلا اللهم ااامين

 

[^^كرستالة^^]

اي امبله انا ملااااحظتهم
اشكره تدخل تكتب جم حرف بس عشان يطلع توقيعها
سوي اللي تبينه بس مو بهالقسم، عرضي بضاعتج بمكان ثاني
اهني اللي يبونه مساعدة، حلول ، دعاء ، مو وحدة اتيي توقيعها ثلاث امتار!!
مشكورة حبيبتي والله يرزقج يا عمري ويعوض صبرج بتوائم ياااااارب