1- طين البحر الميت أو بودي شوب او الهملايا
2- قطن طبي
3- اسكينول بالخيار او اي نوع عندج
4- ابرة التنظيف الخاصة للبشرة
تلقينها في البودي شوب .. او بأي محل تجميل
للمعلومية في منها انواع كثيرة
5-مقشر بالخوخ وفيه منه انواع
6- جهاز البخار ممكن استبداله بقدر
7- ملك منظف بالحليب
او ممكن مناديل مسح المكياج
8- زيت الاطفال من جونسون
9- ربطة شعر
10- منشفه (فوطه)
11- اسفنجة
وحطي زبدية صغيرة فيها ماي دافية ..
و حطي الاسفنجة داخلها
بتفيدج عشان ما تضطرين تروحين
كل شوي دورة المياه و تغسلين وجهج
نبدأ : :
1- اول شي .. قومي بتشغيل جهاز البخار عشان يكون جاهز وقت الاستخدام .
2- ارفعي شعرج بربطة .. عشان ما تحوسين الدنيا
3- خلي كل شي جنبج عشان ما تضطرين تروحين و تجين
و اذا ما كان عندج جهاز البخار .. انقلي الاغراض بالمطبخ .. لانك بتحتاجين الفرن
تحطين قدر فيه ماي وتحطينه على النار هاديه مع شوي من اوراق البابونج
4- يفضل تقفلين المكيف الين تخلصين <<<هذه النقطه مهمه
ربط الشعر إلى الخلف..
تنظيف البشرة من أثار المكياج
* بللي وجهج بالماء ( عن طريق الاسفنجة و الماي الدافي)
* ابدئي بالحليب الخاص للتنظيف
حطيه بوجهج الرقبة لا تنسوها .. و قومي بتوزيعه .. بررررررفق
يشطف الوجه بالماء ..
الحين حطي المقشر ووزعية على البشرة بدون تدليك .. فقط وزعيه
* بعدين يجي دور جهاز البخار
حاولي تقعدين فيه مو اقل من 10 دقائق و مو اكثر من 20 دقيقة
او على حسب الوقت اللي تتحملينه
مع وضع فوطة فوق الرأس حتى تستفيدي
من البخار قدر المستطاع في اثناء ووجهك
في البخار سوي تدليك خفيف لبشرتك
يعني سوينا بخار للوجه و المقشر موجود عليه
*تجنبي المنطقة المقاربة للعينين *
بعد 5 دقائق
وبسرعه أمسح الوجه باسكينول ..
وحطي بعدها زيت الاطفال وارجعي شوي على البخار
وارجعي امسحي وجهح بقطنه
* هاتي ابرة تنظيف الوجه .. و اضغطي على اماكن
تواجد الزيوان الوسخ يعني .. و اللي غالبا ما يكون
في الدقن و الانف و الجبين .. اضغطي الابرة برفق على هالاماكن
امسحي وجهج بالاسفنجة واذا خلصتي امسحي بقطنه فيها اسكينول
خذي الطين وحطيه في وجهج وممكن تستغنين عن الطين
وتحطين ماسك على الوجه : يا أما ماسك طبيعي
.لتغذية و نضارة البشرة اذا كان عندك خلطة تحبي تستخدميها
او ماسك جاهز
المهم حطي الماسك .. ووزعيه على وجهك ..
ما عدا المنطقة العيون و منابت الشعر و الحواجب
تقدري تحطين شريحتين خيار على عيونج
في انواع كثيرة للاقنعه نوع مثل الجل .. يجف و يزال بالسحب
بس حطي طبقة مناسبة .. لا تكثرين مرة و لا تقللين مرة
و المهم انج ا تقللي .. لانك لو قللتي بيتقطع و يصير صعبة ازالته
* بعدين خذي الثلج و مرريها على وجهج لن تذوب
في بنوتات حلوات يحطون ماي ورد
* حطي الكريم المرطب على الوجه مو معطر
ملاحظه :
لا تسوين تنظيف البشره وانتي توج متسبحه
أو بتتسبحين في نفس اليوم علشان لاتتفتح عندج المسامات
ان شالله أكوون أفدتج حبيبتي :tek:
