تونـي متـزوجـه و أجهـضت =(

[Om 3abas.]

انا صغيره عمري 21 و متزوجه صارلي شهر !!
و قبل اسبوعين قالولي حااامل
بالبدايه نزل علي دم بني غااامج جان مره وحده عقب جم يوم نزل دم احمر جنه دم الدوره
المهم رحت المستشفى ولا الدكتور يحط ايده ويسحب جيس الجنين :'((
طبعا مت من البجي و نفسيتي مو شي !!
بس الحمدالله
وطبعا قالولي السبب لاني ضعيفه و ضهري ما يتحمل !!

ادري طولت عليكم بس الي ابيه انكم تساعدوني
اشلون اهيئ جسمي حق حمل يديد؟ امي سوتلي حسو بس حدي ما احبه
يعني شنو تنصحوني فيه؟
ومشكورين

 

[بيلسـان]

الحمدالله ع السلامة
ربي يكتب لك الحمل السليم عاجلا غير اجل
وعن الموضوع وربي مااعرف
تحياتي

 

[Om 3abas.]

رد : تونـي متـزوجـه و أجهـضت =(

الله يسلمج ويسمع منج
انشالله يفيدوني البنات

 

[أميرة بحرينية]

انا بعمرج:rerrerek:

وصارلي ثلاثة اشهر متزوجة

والاسبوع الي فات اجهضت:lkmnkl:

نفس حالتج بالضبط بس انا قالولي حمل كيميائي

اتوقع انتي نفس الشي

والله يعوضنا ثنتينا الشهر الياي:aha:

 

[روعه الأحساس]

رد : تونـي متـزوجـه و أجهـضت =(

عادي يالغاليه شكثر بنات يجهضون بس إنتي إهتمي بنفسك هذي فتره مهمه والأجهاض أقوى من الولاده والله يعينك

 

[Om 3abas.]

رد : تونـي متـزوجـه و أجهـضت =(

بحرينيه الله يعوضنا انشالله
حبيبتي بس انا سمعت ان مايصير تحملين بعد الاجهاض على طول
لازم تنطرين على الاقل ثلاث اشهر على ما الرحم تتحسن حالته

روعه الاحسااس مشكووره اختي
بس اشلوون اقوى من الولاده؟
و شنو لازم اسوي ؟؟؟
انا حاليا كله منسدحه و الكمبل علي و كليت جم قفشه حسوو وبس!!!
مااادري شسوي والله مو عارفه شي !!

 

[أميرة بحرينية]

يحوووشج عوااار بظهرج اذا تحركتي واييد؟؟

 

[Om 3abas.]

رد : تونـي متـزوجـه و أجهـضت =(

اييي يحوووشني!!
انتي يحوووشج؟

 

[مناوووي]

الله يعووووووووضج ويعوض كل من اجهضت

 

[أميرة بحرينية]

انا على طول ظهري يعووورني


ما اقدر اوووقف واايد


كله منسدحة

 

[خليفة العظماء]

محد يحب الحسو بس ناكله
لازم تزيدين وزنج حيل اكلي مرقوقه وقبوط وعيوش لازم مايمر يوم والا تاكلين عيش لأن يمتن

 

[noorq8]

الحمد لله على سلامتج.
حبيبتي العجايز عندنا يقولون العوار قاظب ايد اخوه ,يعني ان شاء الله سهالاات تحملين وراه ,بس اللي عليج الحين تتنفسين وتسمعين حجي أمج وتاكلين الحسو واللهوم وتمنعين الحمل (سواء بالعزل أو الكوندوم ) 3 شهور عشان رحمج يرتاح لأن لو حملتي على طول مو زين عالرحم واحتمالات الأجهاض راح تكون عاليه .

 

[ملكه الحطب]

الله يعوضج ان شاء الله

 

[ktkota_we9we9]

انشالله ماعليج الا العافيه واايد اول زواجهم يسقطون
بس انتي اهتمي بنفسج شوي وسوي اللي قالولج عنه البنات

و انشالله نسمع خبر حمالج بس مو الحين عقب مايشد عودج عشان تحملين بصحه وعافيه يارب
و لاحقه انشالله توج عروس استانسي مع زوجج بدون ويق واق

 

[Om 3zo0oz_2011]

رد : تونـي متـزوجـه و أجهـضت =(

ماله شغل صغيره ورحمي مايتحمل

انا حملت بعمر 19 سنه واجهضت بس السبب مو من رحمي ولا ظهري ربج موكاتبه لي

وعااادي تقدرين تحملين لمن تغتسلين
الي يقولون نطري بعد 3 شهور هذا حق الحمل الكبير الي بالشهر الخامس والسادس لان البيبي يكون كبير

ومن هالدكتور البطل الي سحب الجيس جذي بدون عمليه ولا شي لوووول
ديري بالج
والله يعوضج

 

[!! شوق !!]

الله يعوووضج بالذريه الصالحه

 

[كتكوته ورديه]

اكلي قبوط

 

[V!P G!RL]

انا جذي شهر وحملت بعدين سقطت وحملت على طول والحمدلله الحين لي رابع والله يسهل ويرزقج توج صغيره استانسي بزواجج

 

[MONY--87]

الله يعوضج ان شاء الله ...

و يرزقج بالذرية الصالحه عاجلا غير آجلا يارب ...

 

[noo7a]

الله يعوضج و يعوضنا معاج خير

بس شلون يعني سحب الجيس ؟؟؟؟