توني باديه رجيم و حبيت أسألكم ؟؟!!

[حـــواء]

شلوونكم حبايبي


انا صارلي 5 أيام امبلشه رجيم مع دايت سنتر

و الصراحه أكلهم روعه

و خصوصاً انا اعاني من حساسية السيلياك ( حساسية القمح )

لأنهم يوفرون نظام رجيم خاص حق اللي يعاني من هالحساسيه

المهم

لا حظت شغله أني من بديت الرجيم ثاني يوم و أحس (( كأني ما كله ملينات ))


علماً أن قعد يعطوني 2 سلطة فواكه باليوم ؟؟!! و مستغربه من هالشي ؟؟

هل تعتبر ملينه للبطن ؟؟


أو يمكن عشان من الرجيم ؟

لأني صج تأذيت من الشي

و إختي تقولي هذا شي زين عشان تضعفين بسرعه

يريت تفيدونا

مشكوووورين و ما قصرتو​

 

[ميوما]

مادري والله حبوبه

بس حسب خبرتي ان الفاكهه تكون مره وحده باليوم كـ سناك عرفتي

والله اعلم

ان شاء الله البنات يفيدونج

 

[ام سلمان 2007]

انا صارلي خمس شهور اسوي رجيم ونزلة 22 كيلو بس الصراحه من اول ما بلشت وآنا اعاني من الامساك ليومج مع اني آكل خضار وفاكهه بس انتي موضوعج غريب اخاف يحطولج شي ملين بالاكل ترى عادي يسوونها على بو تضعفين ويستفيدون من وراج وبعدين الفواكه مو ملين عموما اكيد عندج مراجعه عندهم بلغيهم بمشكلتج ونشالله يفيدونج موفقه حبيبتي حواء وانشالله تضعفين بصحه وعافيه

 

[Q8stylle]

up up

 

[ام ليوونه]

بالعكس الفواااكه علاج للامساك وخصيصا انواع معينه
مثل التفاح . الكيوي . الاناناس . الرقي ....
بس انتي غريبه يمشي بطنج حيل يمكن حاطيلج شي بالاكل

 

[أحلى عيون]

رد : توني باديه رجيم و حبيت أسألكم ؟؟!!

اختي الغاليه يمكن يحطون لج مع الفواكه عصير البرتقال يمكن اهو الي يسوي لج جذي

بالعكس افضل انه يكون عندج تكرمين اسهال ولا امساك

 

[zomby]

رد : توني باديه رجيم و حبيت أسألكم ؟؟!!

لا عادي مو حاطين شي بالأكل بس هذي السموم تطلع من جسمج لأن الفواكهة معروفة تنقي الجسم وتصفيه من البلا اللي فيه
بس لمى تكملين بيخف شوي شوي أنا صار معاي جذي ومرت أخوي أخصائية تغذية واستفدت منها وقالتلي هالكلام
واحسن ريجيم اللي فيه فواكهة بسرعه تضعفين لأنه طبيعي ولا تقولين سكر ماسكر هذي سكريات طبيعية يستفيد منها الجسم حتى لو كثرتي منها..
تقبلي مروري حبيبتي
أتمنى اني افدتج واذا تبين أي شي تقدرين تراسليني ع الخاص....

 

[سفيره الهم]

انا بعد اول ما سويت رجيم صار لي سهال لمدة اسبوع بعدين وقف

 

[missnohaa]

يمكن من الفاكهه كل شىء جايز
عند المراجعه ساليهم
موفقه حبيبتى

 

[Mona Lisa]

لا تحاتين حبيبتى الفواكه مفيده بس زياده حرص سئليهم ليما تروحين المراجعه وان شاء الله تنزلين بصحه وعافيه

 

[LuLiTa]

الفواكه زينة و مفيدة وفيها الياف اتقوي الجهاز الهضمي و تنظفه يعني اهي ملينات طبيعية ,,, يمكن انتي يصير معاج جذي لانج مو مواظبة عليها ف احتمال اتخف معاج الشغلة بعد شوية وقت بس للاحتياط كلمي الدكتوور عن هالشي ,,