توني حامل وعندي مشكله .. وخااايف وابي رايكم..

[كوكيتي]

السلام عليكم ..

خواتي .. انا توني حامل
راجعت عند دكتورة سكينه عباس.. المهم على حجيها المفروض انا بالشهر الثاني الحين
قبل امس لاحظت دم خفيييييييييييييييييييييييييييييييف (مااعرف شلون اوص لكم..
بس كان مع الافراز عزكم الله (نفس الخيط يعني خفيف حيل


جان اروحلها وسووت سونار عادي وقالتلي (حجم الجيس اللي فيه البيبي صغير مو نفس مالمفروض يكون بالاسبوع السابع..
وان مومبيين شي بالجيس وان احتمال يطييح..
(وخلاص عييشتني الجو اني بطييح البيبي...
وقالت ان طاح خيرة وان ماطاح راجعيني الاسبوع الجاي...




مااااقدرت اصبر جان اروح المواساه د. فرجينيا... سووت لي سونار خارجي وداخلي ..
وريحتني اللله يرييحها دنيا واخرة
وقالتلي انتي بالاسبوع الرابع(يعني عادي حجم الجيس...
بس ان الرحم مافيه دم..
والدم اللي ينزل معاي طبيعي لانه أول حمل لي...
وعطتني مثيت وتحميله.. وقالت التزمي فيهم اسبوعين .. وعطتني مووعد...

المهم بالسونار مبيين(قطعة صغيير..) هذا اهو... البيبي؟؟؟
انزين شكل البيبي بالاسبوع الرابع شلوون يكوون..؟؟؟


وشنوو يعني الرحم مافيه دم..؟؟

 

[باربي لكويت]

انتي الدوره متأخره عليج والا للحين ؟؟

 

[باربي لكويت]

تاريخ آخر دوره عندج جم ؟

 

[كوكيتي]

دورتي تاريخ 12\28
أخر دورة..


وكل تجيتي تاريخ 28.. بس شهر11 جتني 26..

 

[باربي لكويت]

حبيبتي انتي الحين المفروض دشيتي الاسبوع الثامن

وهذا الرابط تأكدي

http://camc30.tripod.com/weeks.html


هذا الرابط يحسب لج باي اسبوع المفروض تكونين ..

 

[باربي لكويت]

وبعدين المفروض الدكتوره تسويلج تحليل حمل هرموني وتعيده لج بعد 4 ايام اذا ارتفع معناته الحمل سليم وماشي تمام واذا انخفض معناته ان الحمل كان ضعيف ونزل وصار اجهاض الله لايقدر انشالله ويتمم عليج حملج بس انا فعلا مستغربه من هالدكاتره احنا صرنا نعرف شنسوي اكثر منهم مادري على شنو ماخذين شهاداتهم ؟:eh_s(14):

 

[really cat]

والله صاجه باربى
دكاترة هالوقت يخوفون الواحد صاير ما بثق بكلامهم

 

[نـور الكويت]

عسى الله يرزقج ياقلبي يمكن التبويض عندج متأخر ..؟؟

 

[كوكيتي]

مرت اخوي تقول لما كانت حامل قالولها نفس الشي بس ماصارفيها شي

والحمدلله عندها بنتين وماصار شي


مشكورين

بس اللي ابي اعرفه شلوون يكون شكل الجنين بالاسبوع الرابع..؟؟
عشان اقارنه بصورة السونار اللي عندي...؟؟

 

[Mednight Rain]

رد : توني حامل وعندي مشكله .. وخااايف وابي رايكم..

ماله شكل قطة صغيرة حيل
اهم شي تتأكد من جيس البيبي

 

[ملكه الحطب]

انزين لما سوت لج سونار كان فيه نبض ؟؟

لانه النبض يبين بالشهر الثاني يعني الاسبوع الثامن

 

[دمثة]

الله يثبته لج يارب

 

[ღ TőOőma ღ]

القطعة اهو البيبي يكون داخل جيس يبين شلون يتحرك داخل بسرعه

يكون مثل شي صغيير اكبر من النقطه وفيه ذيل صغيير مايبين وايد

والي صار وياج عادي مايخوف دام مو نزيف الله يبعده عنج

يمكن يكون افراز او من التعب انا اول اشهر لمن ماكنت ارتاح ينزل علي شي بني خفيييف

وغيري دكتورتج انصح روحي عند ليلى اشكناني راح ترتاحيلها واايد حيل حبووبه تخليج تحسين براحه نفسية حتى ولادتها خفيفه وحلوه وخياطها هم حلو

والله يثبته انشالله وتولدين بالسلامة

ماعليج شر حووبي لاتخافين

 

[Petite]

رد : توني حامل وعندي مشكله .. وخااايف وابي رايكم..

واي ياعمري

الله يثبته يارب

 

[روعة خيال]

بلا سكينة بلا فرجينيا بلا بطيخ

روحي حق خالدة متخصصة بالاجنة

و قبلها سويلج تحليل حمل هرموني يطلع بعد ساعتين

و شوفي النسبة

بعدها بيومين سوي تحليل ثاني و شوفي النسبة اذا تضاعفت حطي تحت تضاعفت خطين
مو زادت

لا تضاعفت معناته حملج سليم ان شاء الله

و الله يتمم عليج يا رب

 

[دآنة آلرشآيده]

الله يثبت لج الحمل
وان شاء الله ماكو الا العافيه

 

[الاحساس والطيبة]

رد : توني حامل وعندي مشكله .. وخااايف وابي رايكم..

الله يثبته يارب

 

[ام قدووور]

اذا مو نزيف لا تخافين عادي يكون من التعب والحركه الزايده
ريحي نفسج حبيبتي وروحي حق دكتوره ثقه اكثر
اخذيلج لفه بالقسم وشوفي منو الاحسن

والله يثبته لج :yaaaaaarb:

 

[@ام يوسف@]

رد : توني حامل وعندي مشكله .. وخااايف وابي رايكم..

حبيبتي انتي نفسي حملج متأخر انا فبنتي سويت سونار وقالوا لي منو قالج انتي حامل الرحم نظيف وسويت تحليل هرموني وارتفع وانتي سوي تحليل هرموني والله يطمنج ويتمم عليج :yaaaaaarb:

 

[أم عبود 2011]

رد : توني حامل وعندي مشكله .. وخااايف وابي رايكم..

حبيبتي آنا دورتي منتظمة كل 28 يوم الحمد لله كانت المفروض تنزل 26-9 -2010 بس ما نزلت
على طول ثاني يوم سويت تحليل منزلي طلعت حامل المهم بتاريخ 5-10 -2010 سويت سونار عند دكتور بدار الشفا ناسية اسمه صرقعني وقال لي ميييييييييييييييين آآآآآآآآآآآآآآآآآآآآل إنك حامل آنا شايف نقطة بالرحم بس مش عارف هي إيييييييييييييييييييه؟؟؟؟؟؟؟؟؟؟؟

تخيلي شنو حالتي بهاللحظة
المهم على طول رحت سويت تحليل دم هرموني وبين معاي الحمل
وبعدين الحمد لله سمعت النبض بالأسبوع السادس وكملت مشواري بعدها مع الدكتورة الأكثر من روعة خالدة المجيبل
يعني لالالالالالالالالالالالالالالالالالالا تعتمدين على كلام الدكاترة استشيري أكثر من دكتور أهم بشر مو ملايكة علشان ما يغلطون