توني حامل ووايد احاتي ..

[unknown1988]

قوه بنات ..


انا الحمدالله توني حامل .. بس عندي مشكله مأثرة فيني حيل


وايد احاتي وافكر وكله اخاف يصير شي بالجنين اسم الله عليه ويارب يثبته .. بس كله احاتي اخاف شلون اقعد ولما اتقلب بالليل او اسوي اي شي اقعد احاتي .. واخاف ان اسم الله عليه يطيح او شي احس تعقدت من كثر ما سويت سيرج :"(

وطبعا غير التحلم اللي احلمه وافز مخترعة ..

ابي نصايحكم لأن صارلي اسبوعين من دريت اني حامل و مو مترقعة كله دايخة وابي انام بنفس الوقت صعوبة بالنوم بسبة التفكير والاحلام ..

و متى الوقت اللي لازم اروح فيه الطبيب ضروري ضروري في بداية الحمل ؟؟

تكفون نصايحكم و انا اراجع بدار الشفا بس للحين محتاره اي دكتورة ارسي عليها .. بس رشحولي اسامي

و قاعد ينزل افرازات احيانا تكون صفره بس لا ريحة ولا حكه عادي ؟؟

و متى لازم ما اخاف على الجنين او اتطمن احس ودي تطمنوني هذا اول حمال لي و بعد معاناة مع زوجي يالله وافق اني احمل فأحس هالشي مأثر على نفسيتي ومخليني متمسكه فيه وايد ..


ومشكورين مقدما والله يعطيها اللي ابالها اللي ترد علي او تدعيلي الله يثبت جنيني ويقر عيني فيه :*

 

[حشمه]

كل شي بكتبه ربج لاتفكرين الحمدالله حملتي والحين ابدي ريحي بالج

انتي الحين متوتره من الحمال بعد لان ياثر على النفسيه

حاولي تشيلين من ببالج اي شي سلبي عن الحمال وخلاص وقفي

السيرج بالنت لاتدورين عن شي كل شي بكتبه الله

ومن تكملين 6 او 7اسابيع راجعي عشان تسمعين النبض

وتاخذين فوليك اسيد

 

[طيبة83]

وي لا تحاتين الحافظ الله بس لازم تاخذين فوليك اسيد مهم جدا جدا اول شهر

 

[M!SS.LOBY]

الله الحافظ

 

[ABEER FLOWER]

ربي يتمم عليج ويثبّت مافي رحمج

كل شي بأمر الله سبحانه
توكلي عليه وابعدي الوساوس من راسج
وشغلي سورة البقرة على طول واقرأيهااااا

ابدأي استخدمي الفوليك من الحين اشتريه من الصيدلية بدون وصفة عادي

وبالنسبة للمراجعة راجعي في الأسبوع السادس أو السابع حتى لو تأخرتي للثامن مو مشكله
منهااا يبيّن الجنين وتسمعين نبضه هذااا أهم شي في البداية
لو رحتي الحين ما راح يبيّن

وموفقة
: )​

 

[ام الحلوااات]

فـــوضـــي امـــررج لــربــج وخــلــي عــنــج الــوســـاااوس
وحــافــي عــلـى اذكـــااارج وشــغـلـي ســـــوره الـبـقــره
وارتــاااحـــــي
عــســى اللـــه يــثــبـت حـمـلـج ويــتـمـم عـلـيـج ويـقـومـج بـاالــســلامــه​

 

[ككوته]

حبيبتي كل مايتلج هالافكار اقري المعوذات وايه الكري ودفعي صدقه حبيبتي ترا قله النوم تاثر عليج لازم ترتاحين هالفتره وماكو الا العافيه ومثل ماقالو البنات لمن يصير لج ٦اسابيع راجعي الله يقر عينج بشوفة ضناج ان شاءالله

 

[أمونيتا ~]

قل لن يصيبنا الا ما كتب الله لنا .

حبيبتي كلنا نحاتي بس انتي دربالج على نفسج لاتشيلين اشياء ثقيله ولاتجهدين نفسج
وماكو الا كل خير ان شاء الله

والله يثبته ويقر عينج وعين ابوه بشوفته بصحه وعافيه ياااااارب

 

[أأأميرة الورد]

الله يثبته ويرزقج شوووفة البيبي بصحة وعافيه


لاتحاتين وااايد موزين راح تتاثر نفسيتج وتتعبين وايد

استودعي جنينج والتزمي بالاذكار

 

[أنفاسي دخون]

استودعي ما برحمش والله خير الحافظين ورددي ان كان فيه خير تتم حملي على خير وان كان فيه سوء عوضني باحسن منه

 

[Ga6waah83]

الله يثبته يارب وكلي امرج بيد الله والله خير حافظ

وحاولي تشغلين نفسج حبيبتي

 

[عسل حدي]

الله يثبته لج ويقر عينج ويفرح قلبج يارب

 

[unknown1988]

مشكورين بنات وايد ،، الله يريح بالكم ويرزقكم اللي تتمنونه ؛**

 

[هنا22]

الله الحافظ

 

[Ya7aLaTY]

سالفه النومه والقلبه وانج تخافين الحبل السري يلتف على الجنين هذا بالشهور الاخيره مو الحين


الله يثبت مافي الارحام

 

[Nokia N95]

الف مبروووك الحمل
والله يتمم عليج

شوفي الدكتورة زينات
ويمدحون الدكتورة مي بس ما جربتها