توني رادة

[FoOoShYaa]

مرحباااااااااااااااااا ياكويتيات
توني راده من ماليزايا ولنجاوي اليوم الفجر حيلللل استانست بس والله اشتقت لكم حيل
واي سوال انا حاضرة

 

[ميسوره]

الحمدالله على سلامتج
واهم شي انج استانستي
وقولينا عن الاوضاع اهناك لان البنات مترددين
وكلمينا عن لنكاوي لاحلاتها وياحلات ماليزيا واسوقتها

 

[FoOoShYaa]

الحمدالله على سلامتج
واهم شي انج استانستي
وقولينا عن الاوضاع اهناك لان البنات مترددين
وكلمينا عن لنكاوي لاحلاتها وياحلات ماليزيا واسوقتها [/quote

الله يسلمج يالغاليه
ليش مترددين ؟؟؟؟؟؟؟
علشان مرض انفلونزا الخنازير ماكو إلعافيه الوضع يطمن ولا تحاتون .
بالنسبه لنجاوي شئ خيالي سكنت في الويستن فيلا علي البحر فيها حمام سباحه قمه من النظافه والهدوء
والراحه و المعامله شئ مو طبيعي والمناظر الطبيعيه
العاصمه كله مطاعم وسوق

 

[ميسوره]

الله يسلمج يالغاليه
ليش مترددين ؟؟؟؟؟؟؟
علشان مرض انفلونزا الخنازير ماكو إلعافيه الوضع يطمن ولا تحاتون .
بالنسبه لنجاوي شئ خيالي سكنت في الويستن فيلا علي البحر فيها حمام سباحه قمه من النظافه والهدوء
والراحه و المعامله شئ مو طبيعي والمناظر الطبيعيه
العاصمه كله مطاعم وسوق

ماليزيا يقولون فيها 6 حالات واختي مسكينه حولت من ماليزيا واحجزت الامارات
صج لنكاوي تغيير وخيال وفعلا هدوء وخاصه فنادقها حلوه انا سكنت برجايا
وين سكنتي بكوالمبور واهم السوق انشاءالله جهزتي للعيد

 

[نادره الوجود]

الحمدلله على سلامتج الصراحة ماليزيا تهبل وحيل اشتقتلها

 

[FoOoShYaa]

ماليزيا يقولون فيها 6 حالات واختي مسكينه حولت من ماليزيا واحجزت الامارات
صج لنكاوي تغيير وخيال وفعلا هدوء وخاصه فنادقها حلوه انا سكنت برجايا
وين سكنتي بكوالمبور واهم السوق انشاءالله جهزتي للعيد

ما عندي خبر عن 6 حالات
لنجاوي عجيبه تصلح معاريس او شهر عسل او تجديد الحياه الزوجيه في فندق الفور سيزن مال الوليد بن طلال
حلو بس غاااااااااااالي حيل الفيلا تقريبا 400 دينار الليله
سكنت في مدرين اورينتال كوالالمبور راقي اخذنا غرفه رجال الاعمال اسم الغلافه (( كلب)) تتكون من صاله
وغرفه طعام وحمامين وغرفه نوم و مكتب و فاكس .
ولها مميزات مثل لالنترنت ببلاش الريوق مع رجال الاعمال مو مع اللي ساكنين الفندق المصبغه 6 قطع في اليوم
ببلاش محد يصعد الدور المخصص لرجال الاعمال يعني ماكو ازعاج او ناس تدرعم قاعه لعاب مثل بلياردو وغيرة
لج اكثر من وجبه غير الريوق مثل شاي العصر مع كيك وكلوب ساندوش طبعا بوفيه صغير وعشا خفيف مثل الفطاير
فطاير و معجنات وغيره وطبعا بوفيه راقي حيل مرة ردينا لقينا زحمه سالت قالوا شخصيات سياسه مو جودة
في الكفي شوب
من اسبوعين كان موجود الشيخ حمد شيخ قطر مع الشيخه موزة .
السوق سوريا حيل قريب من الفندق ما ابلغ اذا قلت خطوتين و بالنسبه للعيد خلصت من الكويت بس اخذت جواتي وجناط
وجناط حق سنه .

 

[FoOoShYaa]

الحمدلله على سلامتج الصراحة ماليزيا تهبل وحيل اشتقتلها

الله يسلمج ماقصرتي

 

[ArEEj]

الحمدلله ع السلاااااااااااامه
يلاااا سولفي لنا شسويتى هناك
شلون الجو عندهم مطر ؟؟؟

 

[أحب كويت2]

الحمدلله على سلامتج حبوبة

ياحلو ماليزيا وطاريها

 

[*peace*]

الحمدلله على سلامتج حبيبتي

بنرد بإذن الله الكويت بعد ثلاث ايام وحدي ضايق خلقي

واللي تسأل عن المطر مااااااااااااااااااااااكو مطر تعبنا واحنا ننطر المطر ماكو

بس بكاميرون هايلاند مطرت خمس دقايق وبس

 

[أم عزيـز]

الحمدالله على السلامه يالغاليه
وتو ما نور المنتدى برجوعج

 

[شباصه ريش]

الحمد لله على السلامه

 

[FoOoShYaa]

الحمدلله ع السلاااااااااااامه
يلاااا سولفي لنا شسويتى هناك
شلون الجو عندهم مطر ؟؟؟

الله يسلمج يالغاليه
والله استاتست حيل بس تعبت في جنتج بغيت اموت التلفريك يخرع ووقف في نص الطريق بسبب الهواء
والله لما وصلت تشهدت , والمكان مرتفع حييييييييييييل الارض تحت ولاشئ حسيت التنفس بدا يقل عندي
وانا صالي 3ايام ما اكل دواء الجلطه , انا كان كل تفكيري شلون ارجع انا حاجزة تذكرة رايح جاي
بس وصلت دقيت علي التكسي يجي واعدناة عند ستاربوكس ورحت الفندق .
رحت لنجاوي شئ عجيب رومانسيه اخذت فيلا علي البحر فيها حمام سباحه في منتجع ويستن
قمه النظافه و الهدوء , رحت المناجروف اول مرة اشوف جذي وناسه ,
بالنسبه للمطر حاشنا تقريبا 3 مرات .

 

[FoOoShYaa]

الحمدلله على سلامتج حبوبة

ياحلو ماليزيا وطاريها

الله يسلمج يابعد راسي

 

[FoOoShYaa]

الحمدلله على سلامتج حبيبتي

بنرد بإذن الله الكويت بعد ثلاث ايام وحدي ضايق خلقي

واللي تسأل عن المطر مااااااااااااااااااااااكو مطر تعبنا واحنا ننطر المطر ماكو

بس بكاميرون هايلاند مطرت خمس دقايق وبس

الله يسلمج يالغاليه وعساني ما انحرم منكم
ليش ضايق خلقج روحي وستنانسي .
المطر حاشني 3 مرات الله يرزقكم بالمطر بس لا تنسين اختج بالدعاء ؟

 

[TooT*BaRri]

الحمدلله على سلامتج
وعليج بالعافيه دووم مرتاحه ان شالله

 

[FoOoShYaa]

الحمدالله على السلامه يالغاليه
وتو ما نور المنتدى برجوعج

الله يسلمج يا ام عزيز الله لا يحرمني منكم
والنور نوركم ياكويتيات

 

[FoOoShYaa]

الحمد لله على السلامه

الله يسلمج من كل شر يالغاليه
اشكر من سالي عني وتحمدلي بالسلامه

 

[FoOoShYaa]

الحمدلله على سلامتج
وعليج بالعافيه دووم مرتاحه ان شالله

الله يسلمج يابعد عيني
والله يعافيج ويخليج ويكبر حظج انشالله

 

[maryam_q8]

الحمدلله على سلامتج حبوبة
بجنتنق ضروري نركب التلفريك علشان نوصل --------جبانه
وين اسواق حلوة بشتري حق اليهال حق العيد من هناك