توني راده من تايلند طازه

[((الزيــــن))]

السلام عليكم احلى كويتيات
والحمدلله على سلامتي :dddds:
توني رديت من تايلند طااااازه :ggdw:
خوشش سفره استانست واستمعت واااايد واول مرا اروح لها
وعندي لكم سوالف بقولها _03BA:






اولا قبل لا اروح قعدت اسال كويتيات حبيبتاتي اللي رايحين تايلند وماقصروا علي بالمعلومات
ربي لا يحرمني


بس صراحه بقولكم

اول ما طبينا رحنا بوكت
بصراحه كلش كلش ماعجبتني ولا حتى تستاهل العنوا والمطار الداخلي والحوسه اللي حسناها وتعبناها
اولا معاملتهم خايسه
ثانيا مو حلوه شوارعها مو ذاك الززود
ثالثا بحرها متروس مالج محط ريل
:0bee2e8d89:

قعدنا فيها 3 ايام
وبعدها رحت




باااتااايااا

صج صج صج




باتايا اللي اتينن
احلى من بوكت مليون مراااا
لا تقولولي باتايا مو عوائل وشباب وجذي
بالعكس
روحو الجهه اللي صوب العوايل اللي مجابل البحر مدري الجنوبيه او الشماليه بس كلها عوايل
وماكو سوالف تلوع الجبد
وبحرها ايينننن ومو زحمه كلش
ومجمعاتها اينن وبالاخص مجمع فيستفال شامل وكل شي فيه
وباتايا تجرين طراد وتروحين جزيرا جدامها عشر دقايق او ربع ساعه
الجزيره هذي ونااااااااااااااااااااااااااسه حد الونااااااااااااااااااسه
جت سكي
براشوتات
سباحه والعاب مائيه
وغوص بالاعماق تشوفون السمج
ولا زحمه ولا حتى خليجي واحد >> عشان صج تاخذون راحتكمم لان بصراحه عسى ما تشوفون خليجي بالسفره الا مقطعج تقطيع خز عما بعينهم )) بس طبعا مو الكل الا مارحم ربي


وقعدنا بفندق a-one
كلمه اينن شويه شكله سفينه من برا ذكرني بالمهلب :ggdw:
وعالبحر دااايرقت
والمعامله اتيينن الخدمه احلىىى

وقعدنا يومين وحسفنا لو مو اكثر بس عشان حجز الفنادق ما يصير نغرها

واخر شي ختمناها في بانكوك 5 ايام عشان ابي اتسوق

اول شي سكنا بنفوتيل حلو

وعلى طول رحت ركض لل ام بي كي

من كثر ما قريت عنه انه اينن وشي مو طبيعي وخياااال طرت بصراحه




بس اول ما دشيت












طلعت العافيه من عيني


يلوووووع الجببببببببببببببببد
وخااايس ومعفن

حشه جني رايحه امباركيه
لا والله امباركيه احلى

قديم ومحلاته مو ذاك الزود وخاايس
على طول طلعت حتى ما كملت لان ما احب الحوسه والزحمه
لان يايه ديرا ابي اشوف اسوقتهم الحلوه مو الاي شي


على طول رحت اللي يمهه اللي هو
مجمع سيام
فرق شحلاته وشحلات محالته معقول يفتح النفس شوي

وتمشيت وتسوقت شوي بس

وبعدها كملت ودشيت بالمجمع اللي يمه






هذا اللي صج عذاااااب ويسواااااااااااا الروحه والتعني


اللي هو






سيام براغون
شي شي مو طبيعي يا بنات
راااقي واينن وكبيررررررررررررررررررررررررررر
وكله ماركات وشي ايننن


ومحل محل براغون من الدور الارضي الي ال7 كل دور متخصص بشي
شحلاته


ومطاعمه اللي بالسرداب اتينن وقعدتها حلوه

وتعبنا
ردينا فندقنا عقبها من باجر
رحت مجمع سنترال هم حلو كل دور قسم

واخر ايام تنقعت بمجمع وااحد :dddds:
من حلاته وكل شي فيه وكبييييييييييييييييييييييييييييييييييييييييييير


اللي هو سنترال وورلد
شحلاته واينن كل شي فيه





وسلامتكم
كانت سفرا ممتعه وكل


:tek:

 

[بنت عبدالغني شربت]

حمدالله على السلامه وعليج بالعافيه وناطرين صورج

 

[منووور]

الحمدلله على السلامه
عسى الله يهنيييييج اكثر واكثر

 

[أميرة]

الحمدلله على السلامة




ناااطرين صوركم

 

[بطه فيها نطه]

الحمدلله على السلامة


عليك بالعافية

 

[أحلى همبه كويتية]

الحمد لله على السلامة
ناطرين السوالف والصور

 

[أثير الورد]

الحمدالله على السلاامه
ناطرين الصور

 

[أساور]

الحمد لله على السلامة ناطرين الصور واهم شي المشترى نبي نشوف خخخخ

 

[عقربة الكويت]

الحمد الله على السلامه....................... بس ترى بوكت اتينن احلا من بتايا الف مره بس انتي ماعرفتي لها انا رايحتها خمس مرات وماشبعت منها لي الحين :tomato2:

 

[((الزيــــن))]

بعد عمري كلكم الله يسلمكم حبايبي
والله ودي اعرف انزل الصور ما اعرف
بس اي استفسار انا حاضره لكم

 

[أحلى همبه كويتية]

عطينا تفاصيل عن رحلتك
الفندق
المصاريف
التذكرة والطيران والسعر
كم شخص
وين رحتي بالضبط
شنو شريتي
شنو عجبك واللي ما عجبك
ودك تروحين مرة ثانية وإلا اكتفيتي ؟

وناااااااااطرين

 

[katkooota]

الحمدلله على السلامة
ناطرين التفاصيل

 

[أحلى همبه كويتية]

الزين
وينك ؟
صارلنا 3 أيام بانتظار صورك وتقريرك

 

[عيد الفرح]

الحمدالله على سلامتج الزين وانا بعد توني وصلت من تايلند لي اسبوع والله والله اني مصدومة من هالديرة حدها وصخة وماتسوى رحت بوكت ونزلت بمالينيوم وبنكوك اسواقها لوعة المعلم والمحاميد نفس بضاعتهم وبالكويت ارخص بعد والله نصيحة لاتصرفون فلوسكم بنات بهالديرة روحو ماليزيا انظف وارقى حتى بالبضايع
انا البنات طيرولي تايلند السما وخاصتا اسواقها وتميت ادور وادور بسوقها شي زين مالقيت غير بارقون وهو ماركات يعني هم موجود عندنا الصالحية
الزين جان رحتي دسكفري يم بارقون الوحيد اللي خذيتلي جم قطعة نظيفة منه
هذا راي في تايلند حبيت انقلة لكم

 

[kandora]

انا بعد وياكم توني راده وصح بتايا تشوووق حدها اكثر وقتنا انا وريلي اهناك بس بوكيت هم ونااسه رحلاتها اتينننن يعني 3 ايام ما مداكم تسوون شي ؟؟ وبانكوك ماحبيتها وسكنت نفسج بنوفييتل بس بانكوك لوعه زحمه وخياس ويع ويع رحت البارقوون خذيتلي جنطه ماركه ليمتد اديشن بس حق شرق اسيا هذا الحلووو تطلعين بشي قيم وماراح ينزل بالخلييج صج اني استانست بس الحق ينقال الديره وصخه
ماليزها اتينننننننن صايره نظاااااافه وسنع وراحه

 

[dantella]

حمدالله عالسلامه ........ غريبه ماعجبتك بوكت ....... وايد حلوه ومرتبه وشرحه ورحلاتها عجيبه

 

[((الزيــــن))]

هلا وغلا ومرحبتين بكل من دش
افصلكم اشوي اسالت اختي بطه فيها نطه
1-اولا بخصوص الفنادق بوكت سكت ريسورت بس انغشينا بالصور - انصح بفندقين لا تعدينهم ببوكيت اذا انتي راعيت سوق مالينيوم اما انتي اذا راعيت بحر ووناسه هوليداي ان مو طبيعي عالبحر شرح واينن
وباتايا a-one لا تعدووونه اينن عالبحر ومووووطبيعي وهذا اللي سكنته ايننن شويه عليه من شكل من نظافه من استقبال من ريوق من شكله من برا جنه سفينه باختصار اينننننن
وبانكوك سكنت بنوفتيل وحلو - بس لو خيروني ما اردله مرا ثانيه - اللي حلو انتر كونتنيتال - بس نوفتيل اقرب للسوق

2- المصاريف - المصروف اليومي تقريبا ( من غير سوق ) من 3000 الي 5000 بات يعني بالكويتي 45 دينار تقريبا

3-الطيران - رحنا عالتايلندديه حلو وخدمتهم حلوه طبينا دبي نص ساعه - الي 40 دقيقه - وكانت سعر التذكره 198 مع الطيارن الداخلي لبوكيت واذا بتحجزين لبوكيت حجزي من هني اظمن عشان جناطج وشغلج ما اهما ينزلزنهم ويودينهم الطياره الثانيه وانتي تحوسين بالمطار
ويفضل تاخذين درجه اولى بطيارن داخلي لان السياحه مووووووووووووووووووت الروح على الروح كله اجانب وماتفرق وايد بالطيران الداخلي

4 - رحنا شخصين انا وريلي
5- عجبتني باتايا استمتعت وايد من بحر جي تيسكي وسباحه وسياكل وحتى مجمع بس واحد فيستفال وشاااامل كل شي حلو وارخص من بانكوك

6- السوق تسوقت من بانوكوك بسيام سنتر وباكثر شي فيستفال وورلد او شي وورلد والله نسيت بس يم سيام براغون . شريت ملابس لخواتي الصغار ايينوون تمنيت عندي بنوووته من كثر الشبابيص تعور القلب والنفانيف شريت حقي جنطين وبوك وجم جوتي تكرمون وملابس بلايز بجامات -
والصوايغ شريت جناط جواتي صابون اشكاله غريبه من باتايا وملابس يهال وكاكاو تايلند اللي بمطار بس حلال طبعا 0
واي استفسار انا حاااااضره

 

[إستبرق]

حمدالله على سلامتج وعاد انا حبيت تايلند اكثر من ماليزيا الي حبيته بماليزيا حيييل لنكاوي
وبوكيت بالعكس حلوه رحلاتها تهبل بس انا ماسكنت بالهوليدي لاني ما احب المكان الي على طول عنده لويه سكنت بمنطقه ابعد وهدوء وجدامنا بحر بس لما ابي الجتسكيات رحت صوب الهوليدي ولما المطاعم ومجمعات بوكيت تهببببببببببببببببببببل انا تسوقي اغلبه من بوكيت مو بانكوك
فبانكوك الي عجبني طوكيو الي داخل ام بي كي طوكيو حلو ومرتب ومولويه وخذينا منه شغلات حصلناها بالكويت دبلات خاصه ماركه جي لاروش
والشباصات واي يهبلوووووون حصلت بتايلند شغلات احلى من ماليزيا بوايد مو شوي

 

[أحلى همبه كويتية]

هلا وغلا ومرحبتين بكل من دش
افصلكم اشوي اسالت اختي بطه فيها نطه
1-اولا بخصوص الفنادق بوكت سكت ريسورت بس انغشينا بالصور - انصح بفندقين لا تعدينهم ببوكيت اذا انتي راعيت سوق مالينيوم اما انتي اذا راعيت بحر ووناسه هوليداي ان مو طبيعي عالبحر شرح واينن
وباتايا a-one لا تعدووونه اينن عالبحر ومووووطبيعي وهذا اللي سكنته ايننن شويه عليه من شكل من نظافه من استقبال من ريوق من شكله من برا جنه سفينه باختصار اينننننن
وبانكوك سكنت بنوفتيل وحلو - بس لو خيروني ما اردله مرا ثانيه - اللي حلو انتر كونتنيتال - بس نوفتيل اقرب للسوق

2- المصاريف - المصروف اليومي تقريبا ( من غير سوق ) من 3000 الي 5000 بات يعني بالكويتي 45 دينار تقريبا

3-الطيران - رحنا عالتايلندديه حلو وخدمتهم حلوه طبينا دبي نص ساعه - الي 40 دقيقه - وكانت سعر التذكره 198 مع الطيارن الداخلي لبوكيت واذا بتحجزين لبوكيت حجزي من هني اظمن عشان جناطج وشغلج ما اهما ينزلزنهم ويودينهم الطياره الثانيه وانتي تحوسين بالمطار
ويفضل تاخذين درجه اولى بطيارن داخلي لان السياحه مووووووووووووووووووت الروح على الروح كله اجانب وماتفرق وايد بالطيران الداخلي

4 - رحنا شخصين انا وريلي
5- عجبتني باتايا استمتعت وايد من بحر جي تيسكي وسباحه وسياكل وحتى مجمع بس واحد فيستفال وشاااامل كل شي حلو وارخص من بانكوك

6- السوق تسوقت من بانوكوك بسيام سنتر وباكثر شي فيستفال وورلد او شي وورلد والله نسيت بس يم سيام براغون . شريت ملابس لخواتي الصغار ايينوون تمنيت عندي بنوووته من كثر الشبابيص تعور القلب والنفانيف شريت حقي جنطين وبوك وجم جوتي تكرمون وملابس بلايز بجامات -
والصوايغ شريت جناط جواتي صابون اشكاله غريبه من باتايا وملابس يهال وكاكاو تايلند اللي بمطار بس حلال طبعا 0
واي استفسار انا حاااااضره

انا اللي سألتك مو بطة :krkrkr:
بس يالله كلنا خوات ماكو فرق

 

[@ Om Ali @]

حمدالله على السلامة