توني شاريه قطوه شسوي؟!

[fictorya]

سلالالالالالالام بنات شلونكم

ابي استفيد من خبرتكم

توني شاريه قطوه وعمرها تقريبا 3 اسابيع

شنو الاغراض اللي لازم اشتري لها؟
وشلون اعودها على نظام معين؟!
وابيها تنام بوقت محدد شلون؟
وشنو اوكلها انا اوكلها ويسكاس زين لها واهيا صغيره؟
اي ومن ويين اشتري اغراضها ​

 

[kAmMoOnH]

رد : توني شاريه قطوه شسوي؟!

يالغلا

اتمنى غيري يفيدونك

اب لعيونك

 

[shayo0oma]

مبيه حرام هذي وايد صغيره وشلون انفطمت ع العموم شوفي لازم تشرب حليب في حليب خاص للكيتنز او حليب المراعي تخففينه بماي
وثاني شي ويسكاس وخري عنه اصلن ريحته خايسه اشتري رويال كانون احسن
وع الحمام ما اعتقد اهيا متعلمه بس اذا متعلمه يكون احسن واي شي تبينه انا جاهزه

 

[غــلآ]

رد : توني شاريه قطوه شسوي؟!

بسم الله الرحمن الرحيم

هذي واااااااااااااااااااااااااااااااااايد واااااااااااااايد صغيره

يبيلها اهتمام وايد واكثر


ع العموم اعتقد بمحلات اللي يبيعون اغراض القطاوه اكو مرضعه مخصصه لهم

عطيها حليب على طول

واعتقد تو الناس على الاكل

حتى ضروس ماعتقد عندها

 

[Velvet Girl]

رد : توني شاريه قطوه شسوي؟!

قوه حبيبتي اي شي تبينه عن تربية القطوه لا تحاتين كلميني وانا اعلمج كل شي تبينه

 

[Velvet Girl]

رد : توني شاريه قطوه شسوي؟!

بسوي موضوع عن اغراض القطاوه وانشاءالله افيدج

 

[Velvet Girl]

رد : توني شاريه قطوه شسوي؟!

حبيبتي نصيييحه من اخت

امنعي عنها الويسكاااس ولا تفكرين تشتريييينه كللللش

لانه يسبب ديدان بالمعده و يسبب تساقط الشعر و يسبب لها اسهال

قطي الي عندج

واذا تبين احسن نوعيه اشتري

ٌRoyal Canin

OR

Friskies

وفيه بعد جم نوع اقولج بعدين بس هذولي انصح فيهم وايد

 

[lojeeen]

مبروووووووووووك على القطوه تتربى بعزج ان شاء الله

بس انتي متأكده انه القطوه عمرها بس 3 اسابيع

هل عمر يعني القطوه تقدرين تكورينها و تصكين عليها بيدج الثنتين @@ لو اكبر من هل حجم يعني عمرها اكثر و يكون احسن لو كان عمرها اكثر من شهر و 3 اسابيع

و كلام البنات عدل الويسكس ثقيل على القطاوه الصغار ابدي لها بفريسكس و لو حصلتي الرويال كانون يكون تمام

و ديري بالج عليها من الجو الحين موسم امراض فشيكي عليها عند البيطري

 

[fictorya]

رد : توني شاريه قطوه شسوي؟!

مشكوريين بنات على ردودكم وتفاعلكم

يمكن قطوتي اكبر لان عندنا ضروس بس صغار يمكن عمرها 40 يوم بس وصج ويسكاس ريحته خايسه بس ما اعرف غيره بس زين قلتولي على غير ماركه

اي بنات انا قطوتي ما يحلالها النوم الا يم راسي احطها بسريرها تحت سريري واكتشف لما اقوم الا اهيا يمي بعرف صج شعري ممكن يطيح؟! خو انا من الله قرعه لووووووول مابي اقرع اكثرر

 

[Velvet Girl]

رد : توني شاريه قطوه شسوي؟!

شوفي يا قلبي اذا تبين اتعودين القطوه اتنام بسريرها لعبها لعبيها ليما اتحسينها اتعبت وتبي اتنام شيليها وحطيها بسريرها
وقعدي عندها ومسحي عليها و ليييما اتنام , عاد بعدين عيدي هاذي الحركه كل يوم ليما اهيه اتعود اتنام بسريرها

واذا على سالفة يطيح شعرج لازم اتطعمينها اتروحين حق الطبيب البيطري عشان التطعيم و بعطيج بعدين جدول حق تطعيمها
عشان لا قطوتج بعدين يحوشها امراض ولا انتي يحوشج امراض

 

[Velvet Girl]

رد : توني شاريه قطوه شسوي؟!

واذا تبيني اقولج انواع التطعيمات الي مفروض تاخذها ما عندي مانع

 

[fictorya]

رد : توني شاريه قطوه شسوي؟!

اقووووووووووول جنه مصروف تربيه القطوه لووووووووول احم احم جني توهقت؟!

 

[Velvet Girl]

رد : توني شاريه قطوه شسوي؟!

اشرايج حبيبتي انتي مو شاريه كتكوت شاريه قطوه

القطوه جنها ياهل لانه يبيلها امجابل دايما

اسأليني خخخخخخ بس الصراحه استمتع بتربية القطاوه وناسه

 

[shayo0oma]

لا حرام عليكم القطوه ما تصرف وايد يعني اول ما تشترينها تشترين اغراضها بنفس اليوم
واكلها شنو اصلن الجيس الواحد يقعد اسبوعين يعني قولي بشهر مشتريه جيسين
يعني قولي كل شهر بس تشترين اكل وشامبو بس هذا يمكن بعد الشامبو يطول الشامبو الي عندي يقعد اوف شهووور وما يخلص
وع التطعيمات الحين اساسا قطوتج ما تطعم لانها صغيره تطعم لمن يصير عمرها شهرين او شهرين وشي
وتطعيم اهوا بالبدايه 3 بعدين كل سنه وشنو عاد سعر الابره اذا طار 7 دنانير انا ما اذكر اباسعارهم بس اعتقد جذي يعني ما تكلف

 

[fictorya]

رد : توني شاريه قطوه شسوي؟!

اصلا حتى لو تكلف مابي اردها حبيتهااااااا وصج انا وقتي كله بالدوام واغلب الوقت اهيا عند امي بس احبها دلوعه وياهل تكسر الخاطر والله .........كاهي نايمه بحضني مو راضيه تنزل كل مانزلتها ردت

 

[Velvet Girl]

رد : توني شاريه قطوه شسوي؟!

حبيبتي انا ادري القطوه ما تكلف بس انا قصدي انه يبيلها امجابل اول اب اول

 

[manhattan girl]

واو شوقتيني اشوفها نزلي صور لها بالموضوع

 

[bnt^q8]

بنات انا قطوي عمره سنه وشوي وما طعمته كلششش ,, وقبل فتره مرض علينا وعليا وو وديناه الطبيب يتعالج بس ما طعمناه ,,


اولويز يو .. ما عليج امر حبيبتي قوليلي عن التطعيمات

 

[NooN XD]

اول شي وديها الطبيب يفحصها يجيك اذا فيها فطريات أو اي مرض ثاني ،
ثاني شي الأكل عطيها حليب حطيه بممية الصغار تلاقينها بالصيدليه وخلطي لها مح البيضه (صفار البيض) مع الحليب عشان تاخذ بروتين منه
اكو ناس يحطون مع الاكل بروتينات ومنشطات ، بس مو زينه تسبب تساقط الشعر
واهم شي عوديها ع الليتر بوكس من اهيا صغيره كل ساعتين حطيها فيه لين تحفر عشان ما توصخ بغرفتج

 

[نيــلــوفــر]

تتربي بعزج يارب