توني واصله المانيا تعالو تابعو يومياتي اول بأول2012

[music_teacher88]

قوة بنوتات
انا صارلي يومين واصله المانيا
وقلت اصورلكم اول باول
احنا رايحين المانيا بروحنا وعقب 5 ايام راح نروح فرنسا وميلان بس مع قروب

اختي ضبطت الحجز للفندق بالمانيا من النت بالكويت
واحنا ساكنين بدزلدورف
منطقه هاديه وحلوة لنا فيها مطاعم تركيه حلال وفي مطاعم اعشقها تبع السوشب والصيني وهلطقه

اكيد تحبون الصور اكثر من القرقه ف خل نبلش بلصور والشرح
وعذروني اذا تاخرت بالرد و اي استفسار لان ماعندي نت الا بلفندق

هني واحنا رايحين المطار انا والاهل
انا ام جنطه فوشيه عليمين

ومن الكويت نزلنا ترانزيت لدبي مدة ساعتين طيرانا كان الاماراتيه
واخذتلي برد من نستله

وعقب صعدنا الطيارة والرحله المؤلمة 7 ساعات ماعرف انام بلطيارة ولا ادخل الwcوانتو بكرامة حدي تأزمت

 

[music_teacher88]

بشووف تشجيع وردود بشحن ايفوني بيطفي
والي يدل امااكن حلوة واوت ليتات بالمانيا وفرنسا وميلان يفيدني

 

[ام مهاوش]

هيااااااااااااااااا وناااااسه انا اول وحده ارد عليج ياحلو السفر عليكم بالعافيه وان شالله تستانسون وتردون بالسلامه وهالله هالله بالصوغه هههههههه
يالله ناطرينج لايوقف لايوقف

 

[ام مهاوش]

باريس الاوت لت اللي يم ديزني وايد حلو

 

[رمانة الكويت]

عليكم بالعافية

ناطرين باجي التقرير

بس ياريت تقرير مفصل وممل هههههه

وبليز اسعار الرحلات اذا ممكن

 

[نياره]

ترجعون بالسلامه ياارب
متاابعه

 

[قدساوية 99]

ميوووونخ عجيبة اختي راحت لها

 

[أم حمودي**MALL**]

عليكم بالعافية

 

[جكورة]

بداية موفقه ومشوقه

متابعينـــــج

 

[showq]

موفقين تااااابعي

 

[aem...]

عليكم بالعافيه

كملي متابعين ؛)

 

[غزلان-2]

وناااااااسه تتهنون انش شاء الله

وتردون بالف سلاااااااااامه

لاتطولين متاااااااااااااااااااااااااااااااااااااااااااااااااااابعه

 

[أم سيف وسلطان]

تردون بالسلامه يارب

 

[randomy]

متابعينج

انا لاحقتكم بعد اسبوع ان شاء الله

 

[music_teacher88]

يسلمووو بنات عالردود
ان شاءالله بفصل لكم كل شي واصور كلشي
بس مرات اطلع من الصبح وايفوني يطفي فتطوفنا لقطات حلوة للاسف
بس ان شاءالله افيدكم :*


حجزنا عن طريق النت فندق مش حالك مو واااو موخمس نجوم بس نظيف ومرتب
ليلته ب٢٤ دينار
اسمة batavia hotel
في ديسزالدورف


والسعر يشمل الريوق
وهم عادي وااايد بسيط

طبعا مانقدر ناكل براحتنا كلشي مخلط معاه خنزير
جبن وخنزير بيض وخنزير نقانق وخنزير.....

بنات عذروني اذا تقريري مومرتب لاني قاعدة انزل اول باول

 

[music_teacher88]

اغلب الخدمات يمنا
مطاعم يابانيه وصينيه عشقي
وبقالات
والنهر قريب منا
مشي تقريبا ١٠ دقايق

وفي نقطة ماكنا نعرفها
كنا نشتري بطل الماي العادي من اي كشك صغير ب٢يورو يعني ٧٠٠ فلس تقريبا
فنبهنا واحد مصري الله يعطيه العافيه ان السوبرماركت ارخص من الاكشاك

ولما رحنا السوبر ماركت البطل يطلع تقريبا ٤٠ فلس كويتي ؛)
*

 

[music_teacher88]

سوبرماركت ومحل كبير طقه ماركسبنسر عندنا
اسمة كوفهوف
مالفت نظري ملابسهم ولا اكسسواراتهم
بس العطور اسعارها وايد فرق عنا @@
تعالو تمشو معاي ؛)

 

[music_teacher88]

One million يطلع تقريبا ١٧ دينار
وبالكويت عندنا ب٢٨ ؛)

وكل العطووور جذي اسعااارهم فرق

 

[نياره]

اب اب

 

[بنت الاجواااد]

تردوون بالسلامه حبيبتي