توهمتي انج حامل؟؟حسيتي بكل الاعراض وبعدين اندقرتي ههه تعالوا نضحك شوي

[بنت ذآك الأمير!]

شلونكم بنات شخباركم؟
طبعا الكل منا بهالقسم يتمنى الحمال اليوم قبل باجر الله يرزقنا يآرب..
المهم طبعا نحس بأعراض ونتخيل اننا في حوامل عقبها نندقر؟؟
اسدحيلني موقف من هالمواقف..
بقولكم موقفي انا مره تأخرت على الدوره وقالتلي اختي اذا دشتي شقتج وشميتي ريحه مو حلوه معناته حامل ..المهم انا دشيت شقتي واشم ذيج الريحه استغربت انا دايما الحمدلله ادشها ريحتها تهببببببببببببببل عاد بدت التخيلات واروح ابدل واتخيل عقب لما دشيت الحمام والا تكرمون المرحاض مسكر مت ضحك هههههههههههههههههههههه:krkrkr:
نبي نفرفش شووووووووووووووووي ..
سدحيلنا موقفج

 

[بطة رشيقة]

هاهاهاى يحليلج موقفج عجيب والله على قولتج كل شهرر نتخيل واخر شى الحمدلله لك يارب نندقر بس ان شالله بيى اليوم اللى ربى يفرحنا في الحمل الطيب ان شالله ويرزقنا شوفى انا حمالى بولدى الله يخليه والله يا وخيتى ما حسيت بولا شى يعنى كنت حامل شهر وشوى وانا ما ادرى وما كنت اتنسى ولا حسيت بشى غريب يعنى عادى تعب من الجامعه ونت اكل بندووول وعادى الوضع ما حسيت ولا حطيت ببالى انى حامل لانى كنت عروس وماكنت انطر الحمل من اول شى والحمدللهر بى رزقنى بس الحين ولدى عمره 5 سنين وان شاللهر بى يررزقنى له اخوان يارب .. ومن فكرت بالحمل وانا اتخيل كل ما قربت الدوره انى حامل تشوووفينى اشم روايح واتشهى اكل وريلى مسكين علىب اله انى حامل من اقول مشتهيه برد يركض يودينى ومن اقول بخاطرى كاكاو يقوول اى مبروووك واخر شى ماكو شى الحين لو اقول شنو ابى اكل ما يصدقنى يقول نهيؤااااااااااات :eh_s(10):

هاهاهاهاى

الله يروقنا ان شالله ويوفقنا يارب

 

[شموسة كيوت]

رد : توهمتي انج حامل؟؟حسيتي بكل الاعراض وبعدين اندقرتي ههه تعالوا نضحك شوي

ياحليلك هههههههههههه اللة يرزقنااا


انا مايضحك موقفي بس خلاص توهمت اني حامل وكل الاعراض فيني وحتى كتبت موضوع بالمنتدى وقلت للبنات هذي اعراض حمل وقالو اغلبهم اية

وخلاص بنيت الاحلام وحتى تخيلتهم تؤام بنات هههههه ياحليلي حددت النوووع بعد

وسميتهم وتخيلت نفسي وانا والدتهم وانظر لهم وارضعهم وااااااااااااااااااااااو انصدمت لما شرفت اللي ماتسماااااااش ههههههه

اللة يعطينا يارب

 

[مواصله]

رد : توهمتي انج حامل؟؟حسيتي بكل الاعراض وبعدين اندقرتي ههه تعالوا نضحك شوي

قبل شهرين كنت ماخذه وابر تفجير والدكتوره قالت لي ان شاءالله حامل خلاص

وانا قبل موعدها اشم روايح وكله دايخه وابي انام واشتهي ايسكريمات بعز الشتا وكل اعراض الحمل

حسيت فيه بس باقي بطني تكبر

وزوجي حييييل كان شافي وكل شويه يقولي شوي شوي عالبيبي:eh_s(16):

شرفت قبل موعدها وتحطم الحلم اللي كنت عايشته:eh_s(2):

 

[CheeSeCaKe]

اووووووه من صجج وايد سويت أفلام ))

ومن الطفاقة كنت اشتري تحليل الحمل المنزلي قبل حتى موعدها مرات اجرب 3 مرات لووول أدري استخفيت ...

ويا ما شميت روائح واخاف انام على بطني واقوم اشوي اشوي ..

وكل ما يكبر صدري وعوار ظهر حسبالي صاااارت ..

ويوم حملت اكتشفت اني ما حسيت بكل هالأمور الا بعد ما دريت اني حامل !!!!

لكن حسيت بشد عظلي في المبايض هذا كان غريب واني ما ارتاح بالبنطلون لازم افتح الزرار لما اقعد وهالشي خلاني اشك اني حامل فعلا ..

لا وهم ما بين بالبيت ما بين الا بفحص الدم ..

الفال للجميع .. وآنا كنت أقول تصرفاتي سايكووو ) اكتشفت أن الرغبة تطغي على العقل احيانا

موفقين ومشكوره حبيبتي على الموضوع

 

[tbola]

رد : توهمتي انج حامل؟؟حسيتي بكل الاعراض وبعدين اندقرتي ههه تعالوا نضحك شوي

ههههههههههه الله يرزق الجمييييييع

واااي اشواااه مو بس انا اتخيل :d

لا انا كله اقوله مادري اشفيني مشتهيه المطعم لفلاني يوديني حسباله حااامل تكون ماشرفت الدوره

الحمدالله على كل حااال يارب

 

[نكهةالبرتقال]

كل شهر قبل الدورة احس بأعراض نفس اعراض الحمل اللي يقولون عنها

آخر شي اكتشفت ان الجسم تتغير هرموناته - حتى حق المرا اللي مو متزوجة هم راح تحس بتغيرات قبل الدورة لأن الدورة تعفس فوق تحت

 

[ام دليار]

رد : توهمتي انج حامل؟؟حسيتي بكل الاعراض وبعدين اندقرتي ههه تعالوا نضحك شوي

يارب ترزقنا أجمعين:eh_s(7):

 

[خاطر مذبوح]

لووووول خوش موضوع . . .
والله انا حسيت باعراض الحمل شهر واحد
ياني عوار اخر الظهر فظيع كل ما اقوم لازم انسدح اريح ماقدر امشي
و الصداع كان حيل قوي اذكر مرة دخلت السينما مع ريلي والا يصكني عوار ودوخة فظيعه اللي ما اقدر افتح عيوني
وبطني انتفخ حيل و كنت اشتهي اكلات اول ما افتح عيني من النوم اتيي فبالي شغله مشتهيتها حيييييييييل واكون بسمالله توني فاتحة عيني على مشتهاه أكله معينه
و كنت كلما بروح انام اتييني سخونه دقايق و تروح
و صدري كبر وطلع علي عروج خضرااا وتكرمون وايد ادخل الحمام
و كل هذا حسيت فيه بوقت ما كان وقت دورة عشان اشك انها اعراض دورة
بالعكس كان لي اسبوع غاسله منها
و يتني نغزات قوية بالمبيض اليسار و مرات بالرحم
و بعدها نزل علي دم مدة يومين و انقطع والمفروض ينزل 8 ايام
انا قلت خلاص حامل لانها صارت برفيجاتي ينزل يومين و يوقف وقت الدورة
وووو كرهت اللحم و الدياي كلما اشوفهم احس اني برجّع :eh_s(2)::eh_s(2): والمطبخ ما كنت اقدر ادشه كلما ادخل ابي اطبخ اقعد ابجي ما اتحمله لوووووول :krkrkr:
والمااااي ما كنت اقدر اشربه كلما اروح لامي اييبولي ماي ماقدر اشرب امي تقول شفيج اتنسين بالماي وللحين صارلي شهر و نص ما يدخل الماي حلجي ما اقدر اشربه كلما اشربه اتييني لوعه
مع اني ما كنت جذيييييييييي كلش كنت احب اشرب ماي على طول عشان جذي شكيت
بس طبعا سويت تحليل عقب الدورة باسبوعين و طلع سلبي :eh_s(2): وانصدمت ان شلون حسيت بكل هالاعراض واخر شي مافي حمل
والحين ناطره الحمل هالشهر انشالله يرزقنا اجمعين :eh_s(17)::eh_s(2)::eh_s(2):

 

[jaaanooo]

والله يا بنااات خو انا بس تتأخر الدور علي يووم البالي يروح ويرد .. حوالي 3 مرات تتاخر على الدور حوالي 9 ايام وبعدها انصدم بالحجية يايه .. وتعالوا وشوفوا العصبية والحاله حاله .. واففف شنو هالريحة الخايسة .. وياربي مشتهيه آكل جذيه .. وبعدها من الفشله ما اتكلم خير شر .. ويالله ما بقى شئ على الدورة وشكله بيصير نفس الحال لكل شهر

 

[فانتا ستروبري]

امبيييه ذكرتيني بموقف ما انساه

كنت اخذ ابر تفجيرية

وضابطين الشغل انا وريلي على اللي تقوله الدكتورة

وفعلا سبحان الله حسيت باعراض الحمل

كانوا المبايض حدهم يعوروني وظهري وكله لايعه جبدي

ومرات اشتهي اكلات معينة اقول حق ريلي البيبي يبي مو انا :eh_s(22):

ومسكين امطاوعني كله في سبيل البيبي يهووون

وسويت تحليل بالبيت وطلع خطين بس واحد غامج والثاني فاتح شوي

واستانست وكتبت رساله وطبعتها بالكمبيوتر حق ريلي اشطولها

بس مضمونها اني حامل اخر شي

واستانس وشوي ونبجي انا وياه من الفرحة عيونه دمعت :eh_s(2):

وقلنا خنروح نحلل دم احتياط وبخش الورقة ذكرى لاني حملت واخيرا

رحنا متشققين وسويت تحليل دم وانا مستانسة حدي

وقعدنا ننطر النتيجة واحنا مستانسين وسوالف عن البيبي وانا صرت فجأة

حياوية ومستحية عشتووووو لووووووووووول

جان ينادون اسمي قلت حق ريلي انت ييب الورقة

راح وخذا الورقة وانا ناطرته ورحت له واللا ويهه مصفوق جنه معطينه طراق

قلبي قام يرقع جان يقول لي ما في حمل

جان امشي جدامه واطلع اندقرت وطول الوقت بالسيارة ساكتين

ودموعي اربع اربع :eh_s(11): بس بدون صوت

جان يقول لي وين بتروحين الحين قلت له البيت

رحنا البيت ومنسده نفسي ومالي خلق شي جان انام

وبعدها من هالموقف ما قمت اتخيل اني حامل كلش مابي اتفشل مرة ثانية

وريلي لي الحين كل فترة يتطنز عليي يقول آآي ظهري يعورني وبطني يعورني

احس في شي ببطني البيبي ويضغطني ويموت من الضحك وانا بس عاد بسسس :eh_s(4):



ومشكورة عالموضوع الحلو :eh_s(17):​

 

[بنت ذآك الأمير!]

رد : توهمتي انج حامل؟؟حسيتي بكل الاعراض وبعدين اندقرتي ههه تعالوا نضحك شوي

خوووش مواقف
الله يرزقنا جميع يآرب ونغادر هالقسم

 

[بنت ذآك الأمير!]

رد : رد: توهمتي انج حامل؟؟حسيتي بكل الاعراض وبعدين اندقرتي ههه تعالوا نضحك شوي

امبيييه ذكرتيني بموقف ما انساه​

كنت اخذ ابر تفجيرية ​

وضابطين الشغل انا وريلي على اللي تقوله الدكتورة​

وفعلا سبحان الله حسيت باعراض الحمل ​

كانوا المبايض حدهم يعوروني وظهري وكله لايعه جبدي​

ومرات اشتهي اكلات معينة اقول حق ريلي البيبي يبي مو انا :eh_s(22):​

ومسكين امطاوعني كله في سبيل البيبي يهووون ​

وسويت تحليل بالبيت وطلع خطين بس واحد غامج والثاني فاتح شوي​

واستانست وكتبت رساله وطبعتها بالكمبيوتر حق ريلي اشطولها​

بس مضمونها اني حامل اخر شي​

واستانس وشوي ونبجي انا وياه من الفرحة عيونه دمعت :eh_s(2):​

وقلنا خنروح نحلل دم احتياط وبخش الورقة ذكرى لاني حملت واخيرا​

رحنا متشققين وسويت تحليل دم وانا مستانسة حدي​

وقعدنا ننطر النتيجة واحنا مستانسين وسوالف عن البيبي وانا صرت فجأة ​

حياوية ومستحية عشتووووو لووووووووووول​

جان ينادون اسمي قلت حق ريلي انت ييب الورقة ​

راح وخذا الورقة وانا ناطرته ورحت له واللا ويهه مصفوق جنه معطينه طراق​

قلبي قام يرقع جان يقول لي ما في حمل ​

جان امشي جدامه واطلع اندقرت وطول الوقت بالسيارة ساكتين​

ودموعي اربع اربع :eh_s(11): بس بدون صوت​

جان يقول لي وين بتروحين الحين قلت له البيت​

رحنا البيت ومنسده نفسي ومالي خلق شي جان انام​

وبعدها من هالموقف ما قمت اتخيل اني حامل كلش مابي اتفشل مرة ثانية​

وريلي لي الحين كل فترة يتطنز عليي يقول آآي ظهري يعورني وبطني يعورني​

احس في شي ببطني البيبي ويضغطني ويموت من الضحك وانا بس عاد بسسس :eh_s(4):​

ومشكورة عالموضوع الحلو :eh_s(17):​

الابره تعطيني اعرااااااااااااااض حمال والله:eh_s(11):
تعبت منها والله
الله يفكنا منه ونحمل بدون علآج:eh_s(11):

 

[كـــادي !]

مـرحبا بنات انا تو يديده
وعجبني المــــــــــــــــوووووضوووع:eh_s(7):
بصراااحة انا وااايد تخيـلت :eh_s(16):
اخخخخخخخخخخخخخ
ع الله ... يالله يارب انكـ تعوضنا خير ع هالصبر:yaaaaaarb:

 

[عطر الدوحه]

رد : توهمتي انج حامل؟؟حسيتي بكل الاعراض وبعدين اندقرتي ههه تعالوا نضحك شوي

هههههه عجيبه مواقفكم


اووووووووف انا ياككثر ماتخيلت اني حاامل وكل ما يقرب موعد الدوره احووس بهالمنتدياات واكتب الاعراض الي احس فيها هي حمل ولالا

الموقف الي ماانسااه

دورتي الي بالرمضاان كنت اتحراهااا وكان موعدهااا بالعشر الاواخر

المهم ماجت وانا ماعمري دورتي تاخرت يعني دايم في موعدهاا اول مره تتاخر اربع ايام انااا شنوووووووووووووو طاايره من الفرحه وكل مااشوف انها ماانزلت استاااااااااااااانس حيييل


وربي كل اعراض الحامل جتني حتى صدري غمج لوونه وهم زوجي كان ملاحظ

يعني عشنااا احلام ولا اروع

المهم بثاني ايام العيد او الثالث

قلت خلاص الدوره تاخرت اربع ايام ولازم نحلل علشان نرتاح

يوم حللت تحليل هرموني طلعت النتيجه 0.300 عااد قاال الدكتووور هذا حمل ضضعيف وحتى ماينسمى حمل خلينا ننطر يومين وتعالي حللي

المهم يوم جاء باجر وهي تجي


بنات ماتلاحظون الدوره ماتنزل الا بعد ماتسوين تحليل حمل ههههههههههه احسها تبي تخسرني

 

[مواصله]

رد : توهمتي انج حامل؟؟حسيتي بكل الاعراض وبعدين اندقرتي ههه تعالوا نضحك شوي

هههههههههههههههه :krkrkr:فانتا ام الاحباط


معوضين بنات

 

[BiiShOoO]

انا حاشتنني هالحالة الشهر الي طاف و عقبها نزلت الدورة و هالشهر حاسة و ان شاء الله ياااارب اكووون حااامل


الله يرزقني و يرزق كل محرومة ياااارب

 

[الزيـــــ^^ـــــن]

مواقف ولاروع هههههههههههههههههه


من ناحيتني انا بس اتشهون عالاكل ولايعه جبدي ومصدقه عمري اني حامل

وواحاول ماجهد نفسي ومااشتغل بالبيت وايد واذا تعبت امسك خواصري لووووووووووووووول

عايشه الدوور الاخت

وعقب هذا كله تشرف الاخت :krkrkr:

 

[ScarletteO'Hara]

امبي ذكرتيني في ما مضى
الذكريات هذي تعور قلبي و تحسسني بالكآبة
و اقوى نرات صارت فيني لما سويت تلقيح صناعي ثلاث مرات
الم بالظهر
المبايض
الصدر يعورني ما ادري ان هذي اعراض الابرة التفجيرية مو شرط حمل و اعيش الدور و افرح الاهل
و انصدم بالدورة بوقتها ياية و تبدأ المأساة
و لما صارت الصجية
و ياتني اعراض شكثرها من غير لا تلقيح و لا شي
طنشت طنشت طنشت
و لا فكرت اني حامل
حتى لما تأخرت علي فوق الاسبوع محد يدري غير امي و ريلي
و سبحان الله طلعت حامل
و فرحت اهلي الي اساسا ما كانوا يدرون انها متأخرة علي

 

[حرم عبدالله]

هاهاهاهاهااااهههااااا وانا اقول اشفيها لايعة جبدي وبموت وصدري وارم...!!! اثاري هذي سوالف الابر التفجيرية زين عشاان لا اعشم روحي:eh_s(2): المهم احد الموا قف اول مرة اكل كلوميد انا ورفيجتي. حلو.. والا جان تبشرني بحمالها:eh_s(9): جان يصكني مغص ولوعة وما اشتهي اكل مو رفيجتي احملت خلاص انا 100%حامل جان وانا رادة بيتنا عالساعة1وشوي والا يالله ابي احلل انا اكيد حامل بالغصب رحنا.. احم احم تنادينا الدكتورة انا فبالي خلاص بوزتف ولا الصدمة نييييقققتتتتتتتف
وع وع وع وع وع كرهت هالكلمة جاااان اصك حلجي ومن يومها وانا مستحيل احلل وبس اندقرت دقرة محترمة بس عسى ربي يعوضنا خييير:yaaaaaarb: