تيبس الرحم ونزوله..ساعدوني بنات

[أحب ربي]

السلام عليكم بنات بليز شنو تعرفون عن تيبس الرحم ونزوله عفيه خبروني وشنو علاجه
أنا مسحتني حرمه اليوم وقالتلي عندج تيبس ونزول بالرحم
مسحتني وحطتلي تحميله وقالت بتعطيني دواء هي تسويه ..ومطلوب وايد حسب كلامها
بس صدمتني بالسعر ماعرف جم يطلع بالكويتي هو ألف درهم اماراتي
أشربه لمدة شهر وعشرة أيام وكل مافيني بيروح حتى حبوب الويه وانا متردده آخذ دواها والا لأ

المشكله اني أعاني من عوار فظيع بالبطن من فترة شهرين تقريبا وويهي امتلى حبوب حسبالي من القولون وكل ما اروح عياده نسائية يقولون لي مافيج شي الرحم طبيعي بس يمكن من قولونج

احترت القولون أبد ما يسويلي هالعوار الفظيع :eh_s(16):ونفسيتي تعبانه
والحرمه هذه مدحولي اياها وفعلا شفتها اوكي بس صدمتني بسعر الدواء استغلال فظيع ع دواء من الأعشاب :bbbiu:

 

[أحب ربي]

أرفعولي بنات ولو بدعوه أن الله يشافيني
ولكم بالمثل ان شاء الله

 

[نـعـومـه]

تيبيس ماعرف

بس تنزيل

يعني رحمج نازل ! من الله ولا توه صارلج جذي !?

واي اسبوع حمل لج
عشان افيدج

 

[أحب ربي]

لا حبيبتي أنا مش حامل
ووالده من زمان عندي بنوته الله يحفظها وعقبها تطلقت

كنت لما تستويلي مشاكل أروح لعيادات نسائيه وماعمرهم قالولي عندي نزول في الرحم
وهذه اول مره أروح عند حرمه خبره بهالسوالف وقالت لي جي مشكلتي تيبس في الرحم ونزول
ماعرف من متى عندي بس قالت لي بتعطيني دواء يحل لي هالمشكله كلها
وأنا محتاره لأن دواها وايد غالي

 

[نـعـومـه]

لااااا لاتسمعين كلامها روحي عند دكتوره وقوليلها هالكلام وبعدين شوقي شتقولج

سمعي بأكثر من دكتوره

وانا خابره نزول الرحم خلقه من الله !!!

 

[أأأميرة الورد]

حبيبتي نزول الرحم من قلة الاهتمام وقت الدورة الشهرية
لازم تشربين اشياء ساخنة وترتاحين ولا تشلين اشياء ثقيلة
والرحم سبحان الله بعد الولادة يكون نازل وما يرد مكانه الطبيعي الا بعد 6 شهور
فماله داعي تاخذين الدواء
خليج على الحبة السودة والرشاد مع التمر
واشربي شاي أعشاب من الحواي خاصة للدورة الشهرية
وما تشوفين شر

 

[أحب ربي]

يعني تقولون جي ما آخذ دواها ..
والله يابنات صليت استخاره مرتين وكنت متردده
وع أساس اليوم الصبح أروح لها
بس ياني صداع فظيع قلت ما اقدر أروح لأن مكانها بعيد
وأجلت لين باجر ودقيت عليها
وقالت لي دواج عطيته وحده ثانيه واذا تبين باجر بسويلج غيره
بس بعد كلامكم أقول أروح للطبيبه واشاورها أحسن

مشكورات حبيباتي الله لا يحرمني منكم
بس بغيت توضيح شو هي الاعشاب اللي اييبها للدوره معندي خلفيه عنها
والحبه السوداء وحب الرشاد اشلون آكلهم ومتى