تيفال ولا ستيل

[تاتيه]

شنو احسن جدور التيفال ولا الاستيل والتيفال اي واحد احسن في انواع في السوق يعني درجة الالوان ومن وين اشتري مشكوورين

 

[سلوى هانم]

شوفي حببيتي انا عندي وعن تجربه اجدور الستيل وايد احسن من التيفال اول شيء صحيا احسن ويدوم عندج مده اطول و

مو نفس اجور التيفال مع المده الماده السوده اتروح من داخل و اجدور الستيل تتنظف بسرعه بسفنجه ما تحتاج السيم و اذا خفت لمعته انقعه بماي

وخل ابيض ترد جنه يديده بس على فكره اجدور الستيل انواع مثل الايطالي والتركي و المصري و احسن نوع فيهم وانا

اللي اتكلم عنه واستخدمه الايطاي اهوصج غالي بس سعره فيه يكون اثقيل مو نفس التركي والمصري من انا اول ما

تزوجت عندي طقم اجدور استيل ايطاليه وما

شاء الله سار لي اسنين استعملهم عمي بو زوجي الله يخليه يابهم هديه حق مطبخي اول ماتزوجت ( اهو يحب سوالف

المواعين :dddds: ) اذا تبين اجدور استليل او حتى تيفال النوعيه الزينه الايطاليه روحي شركه المضيان محل موجود بمجمع الرحاب حولي او الشويخ ز

 

[زهقآنه]

استخدمي ستيل 18 على 10 هذا احسن شي وموصين فيه للي يبي يحافظ على صحته

وترا هو مو بس قدر لا يحفظ الاكل حار كأنه حافظه

وغير هذا شكله روعه ويلق لق واسعاره بمتناول الجميع

تلقينه بالتركي

والله اغلب الدكاتره ينصحون فيه ولاتستعملين التيفال وغيرهم ترا امراض والله

الحمد لله من زمان واحنا على الستيل الاصلي شكل ومضمون وصحه

هذا رد لي توني قبل شوي رديت على وحده تسأل نفس سؤالج

 

[قبلة البيت]

مثل ما قالوا البنات
الستيل افضل شي واخذي 18 \10 اصح شي
انا مرتاحه حيل عليهم التركي زين واسعارة حلوة ماادري عن الايطالي
بجربه ان شاء الله واقارن

 

[عرموشة]

انا استخدم التيفال لان ما عندي خدامه يعنى اغسلهم بسرعه لكن الاستيل احسن مليون مره

 

[العسل اللذيذ]

الاستيل زينين حق الشوربة والمرق لأن يبيلهم مدة طويلة بالطباخ
عشان جذيه ماينصح باسخدام جر الألمنيوم في الطبيخ الطويل