تييكم فكرة التبني؟؟

[سينامون]

السلام عليكم
شلونكم بنات..
طبعا كلنا بهالمنتدى عندنا مشاكل بالحمال
في بعضنامشاكلهم مقدور عليها يبيلها علاج بسيط
و في بعضنا مشاكلهم جايده و انا وحده منهم
لحد الحين مو محصه دكتور يعالج الحاله لا بالكويت و لا بره
حتى منهم قالولي لا تحاولين ( بس اعتذر ماراح اقول سبب العقم)
بس انا مافقدت الامل برب العالمين
ان شالله راح يرزقني بالذريه الصالحه
بس بعض المرات تييني فكرة اني اربي طفل من اطفال الشؤون
عندهم مشروع اسمه الحضانه العائليه
اهوا مو تبني لان التبني محرم شرعا.
كل اللي الشخص يسويه انه ياخذ الطفل يربيه عنده في البيت
طبعا اهما يتكفلون بمصاريفه، و يحتفظ باسمه.
بس في اشياء تردني عن هالموضوع.
اول شي ماناقشت الموضوع مع زوجي لاني مادري راح يتقبل ولا لا.
و ثاني شي اهلي
هل راح يتقبلون اني اربي طفل مايندى من اهله
و ثالث شي مادري شلون راح يصير تعامل الناس معاه
اخاف لي كبر الناس يأذونه بكلامهم.
ابيكم تجاوبوني على هالاسئله:
1- ممكن انتي تربين طفل من اطفال الشئون؟وليش؟
2- ممكن تتقبلين ان طفل من هالاطفال يتخالط مع عيالج؟و ليش؟
3- ممكن تزوجين بنتج او ولدج حق واحد/وحده منهم ، اذا كان/كانت متربي ببيت زين و عنده شهادات عاليه و سمعته زينه؟و ليش؟
اتمنى انكم تجاوبون على اسئلتي بصراحه.
و اذا ماتبون تشاركون عالاقل شاركوني بالاستفتاء
و حياكم الله
و آسفه عالاطاله

 

[تمر حنا]

الله يرزقج ان شاء الله ومافيه شي مستحيل عند ربج بس عن نفسي اخاف هالطفل مااعطيه حقه او احد يجرحه بكلمه واهو بذمتى وهم اخاف من كلام الناس وسؤالج الثاني هل اخليه يتخالط مع عيالي؟ اذا الله كتب ورزقني اشوف عادي يلعب معاهم اهو شنو ذنبه انه من الرعايه وسؤالج الثالث طبعن مستحيل ازوج عيالي حق واحد منهم لاني مااعرف منو اهله وشنو عرجه/// ومشكوره عالموضوع

 

[زنوبة الحلوة]

والله سينامون انا مافكرت بالموضوع كلللللللللللش

بس اقولج انا الصراحة اخاف

اخاف مع المدة اني اييب عيال وافرق بينه وبينهم لو حتى ما ابين بس يمكن قلبي يميل لعيالي اكثر منة اهو ويصير تقصير مني ويحاسبني عليه رب العالمين

واذا على ان يخالط عيالي مو مشكلة يمكن احن عليه واخلي عيالي يحبونة ويلعبون معاه ويصير رفيجهم بعد لان الذنب موذنبة حرام والله

والله المشكلة النسب يعني الله يكون بعونهم لان الواحد من يبي يتزوج يشوف العايلة واهما من وين والاصل ومن السوالف ف يمكن الزواج ما اوافق عليه الصراحة

الله يكون بعونهم انشالله والله ينتقم من كل واحد و وحدة يتبرون من عيالهم جذي


اللهم ارزقني الذرية الصالحة يارب ياكريم وترزق كل البنات المحرومين معاي يارب يارب يارب

 

[سينامون]

اي وعليا اهلهم ذبحوهم بقطتهم و اهم صغار
و مجتمعنا بعد ما يقصر يكمل عليهم
ويحكم عليهم يتمون منبوذين طول عمرهم
علعموووم..
مشكورين عالمرور و عالصراحه

 

[$غــ(ز)ــل$]

فكرة انج تحضنين طفل ححييل حلوه..يكفي الاجر اللي راح تكسبينه من ورا تربيتج طفل يتيم تربيه صالحه
وهالفكره راودتني كذا مره وقلت لزوجي عنها وقالي يصير خير
بس هم اخاف اني اظلمه واكثر شي احاتيه نظرة الناس له وهل اهلي راح يتقبلون هالفكره
وطبعا ماراح ازوج عيالي منهم لان مثل ماقالوا البنات ماعرف اهله وصعبه بمجتمعنا
والله يصبرهم ويعينهم وينتقم من اللي كان السبب

 

[سينامون]

فكرة انج تحظنين طفل ححييل حلوه..يكفي الاجر اللي راح تكسبينه من ورا تربيتج طفل يتيم تربيه صالحه
وهالفكره راودتني كذا مره وقلت لزوجي عنها وقالي يصير خير
بس هم اخاف اني اظلمه واكثر شي احاتيه نظرة الناس له وهل اهلي راح يتقبلون هالفكره
وطبعا ماراح ازوج عيالي منهم لان مثل ماقالوا البنات ماعرف اهله وصعبه بمجتمعنا
والله يصبرهم ويعينهم وينتقم من اللي كان السبب

مشكوره ياقلبي علي ردج الحلو
الله يرزقني و ياج ياعمري
انا قاعده افكر بالموضوع جد
اذا ما ظبط معاي العلاج ان شالله بتوكل على الله و اقدم على هالخطوه
ادري وايد ناس بيهاجموني
بس على قولتج اجر هالسالفه عظيم
و هالطفل محتاج ام مثل مانا محتاجه طفل
و اللي خلقه ما ينساه الله بيرزقه و بيعطيه الزوجه الصالحه
كلش كلش ازوجه لبنانيه شقره عطره عيونها زرق ولا سوريه عشان تقولي مرت عمييي:dddds:.
والله كريم يكتب اللي فيه الخير و الصلاح.

 

[$غــ(ز)ــل$]

حبيبتي سيناموت عسى ربي يرزقج ويفرح قلبج عاجلا غير آجل

ههاااااي ضحكتيني على سالفة شقره وعيونها رزق

انا اعرف وحده زوجها عقيم تبنوا بنت عمرها شهرين والحين سمله عليها عمرها 14
بس واجهوا مشكله لما كبرت البنت لازم تتغطى عن الاب
يعني بالبيت تلبس حجاب جدام ابوها

فاللي تتبنى ولد خل وحده من خواتها ترضعه
واللي تتبنى بنت تخلي وحده من حمواتها ترضعها
عشان مايواجهون مثل هالمشكله

والله يرزق كل محروم الذريه الصالحه عاجلا غير آجل

 

[سينامون]

اللهم آمين..
بس قوليلي شلون اقنعت زوجها؟؟

 

[عالي مستواها]

اسمحيلي اختي انا مو متزوجه بس شاركت بتصويت

اعتقد أكبر عقبة بــ " التبني " مشروعيتها بالدين

يعني مثلاً نسب الطفل بعدين وأسمه يتسجل فمنو ؟ إذا بالأبو اللي تبناه فهذا خلط للأنساب ومايجوز

نفس الشي حرمت الطفل " سواء كان ذكر أو أنثى " بعد ما يكبر على أمه أو أبوه أو أخوانه بالتبني .. يعني واحد يتبنى بنت ويربيها بس بعد ما تكبر مايكون لها محرم وواجب تتغطى عنه

بعد سالفة الورث .. إن المتبنى ما يرث عن أهله اللي تبنوه

كل هالأمور بتخلق مشاكل الواحد في غنى عنها .. سواء على نفسية العائلة أو نفسية المتبني فالأفضل في نظري الإبتعاد عنها

والله يرزقكم ويرزق كل محروم ان شالله

 

[غربــــة اِحساس]

اذكر قريت بالنت قصه سعوديه احتضنت طفل مجهول الوالدين

طبعا الطفل كان رضيع وخلت اختها ترضعه : )

عجبني تصرفها وشلون فكرت بالمستقبل يعني اصبح الطفل ابن اختها بالرضاعه : )

الله يرزقج الذريه الصالحه عاجلا غير اجل

 

[ام كتكوت]

وحده من عايلتنا ربت يتيم وكبر ماشالله الحين عمره بالعشرينات
وعلى فكره هي ربته لانها تأخرت بالحمل ولمن خذته تربيه حملت ماشالله

 

[ام كتكوت]

نسيت اقول الله يرزقج يارب الحمل وتيبين اولاد وبنات من صلبج ورحمج يارب
ويشافيج ويعطيج على قد نيتج.....................

 

[$غــ(ز)ــل$]

سينامون..والله مادري شلون اقنعته
ويمكن اهو اللي قالها عن هالفكره والله اعلم

بس انتي اذا تبين تقنعين زوجج جيبيله كتب عن التبني وعظم اجرها

 

[Featured Lady]

حبيبتى
انا اعرف وحدة الله يرحمها تبنت وحدة وهى صغيرة وكبرت البنت واحنا نسمى الام ((( ام فلانه ))) وكلنا نعرف انها موبنتها وسبحان الله الشبه يبين انها موبنتها (( شبه البنت من لبنان او سوريا ..... )) وعشان جذى محد يخطبها لما كبرت واللى يشوفها بالعرس لابسه وكاشخه والذهب كاسيها ينهبل عليها ويجون يخطبونها ولما يعرفون انها موبنتهم يهونون
وعاشت عند الام وماقصرت معاها وحتى بنات اخو الزوج يسمونها بنت عمنا لانها انشات معاهم
ولما كبرت الام خافت ان اخوان زوجها يظلمون البنت بعد موتها وموت زوجها وياخذون البيت من البنت ....... فشنو سوت الام ؟؟؟؟؟؟ فكرت انها تكتب نص البيت لبنتها اللى متبنيتها ..........
وراحت لوزارة العدل اهى والزوج واكتبوا نص البيت لها هبه ........... وشوفو الصدفه...... انعجب بالبنت موظف كويتي ابا عن جد وتقدم وخطبها وطبعا قالت لهم الام ان البنت تبنيتها وهى صغيرة وتزوجت البنت وعاشت فوق عند بيت اللى ربتها بالدور الثانى وسوت لها عرس باكبر الفنادق وكل العايلة والمقربين رقصوا بعرسها (( يحشمون الام لانها اهى تحشمهم وترقص بنتها فى عروسهم ))) وجابت عيال ونفستها الام ومات الاب وثم الام وصار نص البيت للبنت والنص الثاني لاخوان الاب ولما بغوا حقهم شرته البنت والزوج بالسبعين مالت التسليف وصار البيت بيتها اهى وزوجها والبنت الاولى سمتها على اسم امها اللى ربتها والولد الاولد سمته باسم الاب اللى رباها وماشاء الله عليها لين الحين واصله عمانها اخوان ابوها اللى رباها وخالاتها وبنات عمها تزور معاهم
وانتهت الحكاية
وطبعا انا اقول هالكلام لان اختى اذا مفكرة انج تتبنين ترى ربك سبحانه مقدر لكل شىء ......... فلا تفكرين بالمستقبل ..... بس نصيحه ليش ماتاخذين بنت من خواتك او اخوانج او بنت من اخوان زوجك وتربينهم وتكون من دمك ولحمك وتاخذين فيهم اجر لان مصاريف البنت وايد
وهذا راي انا والراى لج

 

[كويتيه مذهله 87]

تم التصويت

لا

ما ادري الفكره مو داشه براسي

يعني اذا كبر الولد راح اتحجب عنه

واذا كبرت البنت راح تتحجب عن زوجي

 

[@@@ام حمووودي@@@]

بالنسبة لي آنا مااااااااااااااااافكرت ابد فيها بس مرة طرت في بالي وقلت لزوجي امبيه ياريتني ماااا قلت عصب حده وقال اذا فتحتي هالموضوع يا ويلج ,,,,,,,,,,,,,,, عموما الله يكون بعونهم اهما ما لهم ذنب مساكين ,,,,

 

[سينامون]

اسمحيلي اختي انا مو متزوجه بس شاركت بتصويت

اعتقد أكبر عقبة بــ " التبني " مشروعيتها بالدين

يعني مثلاً نسب الطفل بعدين وأسمه يتسجل فمنو ؟ إذا بالأبو اللي تبناه فهذا خلط للأنساب ومايجوز

نفس الشي حرمت الطفل " سواء كان ذكر أو أنثى " بعد ما يكبر على أمه أو أبوه أو أخوانه بالتبني .. يعني واحد يتبنى بنت ويربيها بس بعد ما تكبر مايكون لها محرم وواجب تتغطى عنه

بعد سالفة الورث .. إن المتبنى ما يرث عن أهله اللي تبنوه

كل هالأمور بتخلق مشاكل الواحد في غنى عنها .. سواء على نفسية العائلة أو نفسية المتبني فالأفضل في نظري الإبتعاد عنها

والله يرزقكم ويرزق كل محروم ان شالله

يعطيج العافيه على مشاركتج و الله يجزاج خير.
بس شكلج انتي ماقريتي كلامي عدل.
انا مو قصدي تبني تبني.
في مشروع اسمه الحضانه العائليه كل اللي تسوينه انج تربين الياهل
مالج شغل باسمه ولا تنسبينه حق الزوج و ماله شغل بالورث.
و بالنسبه حق حرمة اني انكشف عليه. اتوقع وحده من الخوات قالت الحل. اني اخليه يرضع من وحده من خواتي
و عالعموم ماقصرتي عالمرور و شاكرتلج مشاركتج

 

[سينامون]

حبيبتى
انا اعرف وحدة الله يرحمها تبنت وحدة وهى صغيرة وكبرت البنت واحنا نسمى الام ((( ام فلانه ))) وكلنا نعرف انها موبنتها وسبحان الله الشبه يبين انها موبنتها (( شبه البنت من لبنان او سوريا ..... )) وعشان جذى محد يخطبها لما كبرت واللى يشوفها بالعرس لابسه وكاشخه والذهب كاسيها ينهبل عليها ويجون يخطبونها ولما يعرفون انها موبنتهم يهونون
وعاشت عند الام وماقصرت معاها وحتى بنات اخو الزوج يسمونها بنت عمنا لانها انشات معاهم
ولما كبرت الام خافت ان اخوان زوجها يظلمون البنت بعد موتها وموت زوجها وياخذون البيت من البنت ....... فشنو سوت الام ؟؟؟؟؟؟ فكرت انها تكتب نص البيت لبنتها اللى متبنيتها ..........
وراحت لوزارة العدل اهى والزوج واكتبوا نص البيت لها هبه ........... وشوفو الصدفه...... انعجب بالبنت موظف كويتي ابا عن جد وتقدم وخطبها وطبعا قالت لهم الام ان البنت تبنيتها وهى صغيرة وتزوجت البنت وعاشت فوق عند بيت اللى ربتها بالدور الثانى وسوت لها عرس باكبر الفنادق وكل العايلة والمقربين رقصوا بعرسها (( يحشمون الام لانها اهى تحشمهم وترقص بنتها فى عروسهم ))) وجابت عيال ونفستها الام ومات الاب وثم الام وصار نص البيت للبنت والنص الثاني لاخوان الاب ولما بغوا حقهم شرته البنت والزوج بالسبعين مالت التسليف وصار البيت بيتها اهى وزوجها والبنت الاولى سمتها على اسم امها اللى ربتها والولد الاولد سمته باسم الاب اللى رباها وماشاء الله عليها لين الحين واصله عمانها اخوان ابوها اللى رباها وخالاتها وبنات عمها تزور معاهم
وانتهت الحكاية
وطبعا انا اقول هالكلام لان اختى اذا مفكرة انج تتبنين ترى ربك سبحانه مقدر لكل شىء ......... فلا تفكرين بالمستقبل ..... بس نصيحه ليش ماتاخذين بنت من خواتك او اخوانج او بنت من اخوان زوجك وتربينهم وتكون من دمك ولحمك وتاخذين فيهم اجر لان مصاريف البنت وايد
وهذا راي انا والراى لج

يزاج الله خير على هالقصه الحلوه، صراحه شجعتيني.
و بالنسبه حق سالفه اني آخذ من عيال خواتي مادري شلون احسها كبيره
ما اتوقع انهم بيفرطون بعيالهم
و بعدين اخاف اطلب و انرد وقتها صج راح ينكسر خاطري
يعني انا بمجرد الفكرة تييني البجيه.
و الله كريم

 

[سينامون]

اذكر قريت بالنت قصه سعوديه احتضنت طفل مجهول الوالدين

طبعا الطفل كان رضيع وخلت اختها ترضعه : )

عجبني تصرفها وشلون فكرت بالمستقبل يعني اصبح الطفل ابن اختها بالرضاعه : )

الله يرزقج الذريه الصالحه عاجلا غير اجل

يزاج الله الف خير عالمرور و عالدعوة الحلوه

 

[سينامون]

:eh_s(14)

بالنسبة لي آنا مااااااااااااااااافكرت ابد فيها بس مرة طرت في بالي وقلت لزوجي امبيه ياريتني ماااا قلت عصب حده وقال اذا فتحتي هالموضوع يا ويلج ,,,,,,,,,,,,,,, عموما الله يكون بعونهم اهما ما لهم ذنب مساكين ,,,,

ياشينهم اذا عصبوا مايتفاهمون:eh_s(14):