+++ ثوره على اوزانا +++ للقضاء على الثلاث ارقام :)

[.Zara.]

حياكم الله



وبالاخص رفيقة دربي "لمن أكون"

قررنا مع بعض نفتح هالتجمع للقضاء على الثلاث ارقام

لأن اوزانا مقاربه وإن شاء الله من نخلص من الثلاث ارقام نطمر لمرحلة التسعينات :eh_s(9):

وهكذا وان شاء الله تكون قدها وقدود ..

راح نتحدى بعض ونشجع بعض ......... وان شاء الله انتو ما تقصررون




لحظه خلوني افرش لها الورد مستحيه لوول

اتمنى من كل قلبي تكون قدها :eh_s(11):
وتوقف معاي


ان شاء الله من باجر الصبح لما اقعد

بشوف وزني واخذ قياساتي واكتب لكم الرجيم اللي راح اتبعه

وان شاء الله تكون 2012 سنة الثوره والتغير لحياة صحيه افضل :eh_s(7):


لمن اكون لازم تاخذين قياسات جسمج و وزنج ولو تقدرين صوري جسمج بعد

عشان تشوفين التغيرات لأني بسوي جذي

 

[لمن اكون]

ع بركه وان شاء الله هناا قدهاا
اليوم العصر بحط وزني وطولي والهدف

زارا شنو رجبم الي راح نتبعه

 

[لمن اكون]

و هذي صور مشجعه


وفي ناس قبلنا انجزو المهمه وبكل فخر راح نصير احسن منهم

 

[لمن اكون]

ابشرج
وزني ١٠٤،٧٠٠

وهيااااا

 

[.Zara.]

حبيبتي والله ونستيني

الللللللللللف مبروووك بس يالخاينه راح تروحين عني

لان انا شفت وزني 110
شدددددددددي حيييييييييييلج ابيج توصلين التسعين قبلي
خذيتي قياسات جسمج ؟؟

شوفي طريقتي شمسويه .. شريت دفتر صغير بو 60 ورقه

وكتبت تاريخ اليوم .. وشنو كليت وشنو سويت رياضه

ونفس الوقت خلطاااااااات جسمي لان لازم نهتم بالترطيب والتفريك

عشان ما يتهدل الجلد .. انصحج في بيبي اويل او بالمرز .. شريته من صيدلية بوتس حييل عجيب

لا خطوط ولا ترهل

وبين كل 7 صفحات معلمه ( يوم الوزن والقياسات ) .......

جربيهاا والله تعطيج دافع تستمرين يوميا

انا محتاره بين رجيم بوعباس او وجدان :/

هذا عجبني

http://www.q8yat.com/t80141.html

وللحين قاعده اسوي سيرج بعد

 

[.Zara.]

شوووفي هالصور عشان تشجعنا اكثر

 

[.Zara.]

هذي قتلتني

 

[لمن اكون]

وااي حده عجييبه الصوور
وان شاء الله راح نصير احسن منهم

اعجبتني فكره الدفتر الصغير
انا عندي دفااتر اشكثر مااابيهم وبحط واحد منهم حقناا

انا يمكن اتبع هل رجيم عاجبني
http://www.q8yat.com/t1314.html#post150
وعندي مناسبه باخر شهر 3 فقبل المناسبه راح اسوي رجيم التمر لاسبوع واح
اليوم شوي هاده ايدني >> الاخت مستانسه ع الوزن
من باجر وراح اسوي نظاام الدفتر جايزلي وااجد

 

[.Zara.]

شدعوه ليش بالصفحه الثانيه ..

المهم السلام عليكم ورحمة الله وبركاته

لممممممممممممممممممممممممممممن
لااااااااااااااااااا ما اتفقنا تهدين ايدج !!!!!!!!!!

صدقيني ما ضيعنا الا هالشي .. بالاسبوع لج وجبه وحده فري بس

وخلي هدفج المنااااسبه حطي اباااااالج الكل بيشووفج

ديري بالج

بالنسبه لي الحمدلله مستاانسه حيل من نفسي واكلي ..

قطعت البيبسي لان هم علي الدوره ف مو زين

وان شاء الله بقطع العصاير المعلبه

حيييييل عجبني الرجيم سجلته

انا نظامي حالياً

الصبح .. تمر وماي او نسكافيه او كابتشينو لايت طبعاً

الظهر همبرغر ولا دياي مشوي وسلطه
او صمونة امريكانا
او بيض

العصر جاي اعشاب او اخضر او نسكافيه عشان يسد شهيتي مع بسكويت بذرة الكتان ماخذتها من الجمعيه صوب الدايت

والعشا بيض
او نسكافيه
او جاي اعشاب
احاول ما اتعشى بس لان دوره ماقدر لازم اكل :/

والرياضه موقفتها لنفس السبب

انتي تسوين رياضه ؟؟

انا ناويه رابع يوم ابدي اروح الممشى .. واشوف لي تمارين باليوتيوب

وبعد ناويه ابدي كل يوم اقرا البقره والله يصبرنا ياااااااااااارب وننزل هالوزن على خير ان شاء الله :**

 

[لمن اكون]

اليووم تماام رزاراا
الريوق حليب خالي
ضحى كاملو مع بيبسي دايت
والغداا صدر دجاج مشوي مع شويه فقع ولبن وسلطه
المغرب كاكاو وحليب خالي دسم
والعشا بمكن ويمكن لا
روب ومع بذرة الكتان
الرياضه كنت اسوي بس الحين وقفتها
موقت لاسباب صحيه

 

[.Zara.]

السلاام عليكم

برافووووووو عليج
حتى انا يومي الحمدلله تماام

ريوقي كان الساعه 10
بسكويت بذرة الكتان
وبطلين ماي صحه
والغدا متاخر فقلت اخليه 2×1 غدا وعشا لوول
كان بيض
وجاي اخضر
واللحين اشرب نسكافيه
والحمدلله على النعمه
متشوقه اشووووف وزني ><
اليوم لبست عبايه شوي قديمه عند الزنود احس وسعت شوي < مدااج هههههههههه
حتى احس نفسي خفيفه .. ورقعة القلب راحت :/
قبل من اصعد جم عتبه جني راكضه ساعه .. هالشي نوعا ما خف
الحمدلله الله يصبرنا يارب

 

[algamar]

بطلات وواااااصلوواا

توني شفت مقطع لوحده منزله من ونه 205 كيلو بسنه

وانتم يبيلكم اقل منها بكثير لا توقفون

 

[لمن اكون]

الجماار مشكووة حبيبتي ع الدعم وان شاء الله تقدر مع الاراده

اليوم ال يوق حليب خالي ديم
والدوام شربت عصير برتقال
والغدا روب مع بذر الكتان نع صدر دجاج وخلطه الروب مع للمقدونس وشويت بطاط بالفرن
العشا يمكن اي ولا والله ماادري

عفيه علييج زارا اهم شي انج حاسه انج ضعفانه

 

[كيكه توفي]

بالتوفيق

 

[فخـــر ظفـــار]

موفجااااااااااااااااااااااااات يارب....... المهم الصحة اولا واخيرا....والتخفيف لازم..اهم شي ابعدوا عن الحرمان...يعني ممكن لو شي حدش مشتهيته كلي منه ملعقة بسسسسسسسسسسس....عشان مايتم في خاطرش...وهالشي سمعت انه سر رشاقة الفرنسيات.....

 

[لمن اكون]

زارا سوري ماقاعدة اكتب يومياتي
لان عندي ظرووف
وببتعد عن المنتدئ ظرووف
سموووحه والله لو موظرورف جاان

 

[لمن اكون]

زاراا ويينج
انا ببدا من جديد
من هل لحظه العشا راح يكووون خس وسفن دايت
من باجر رجيم التمر .. وان شاء الله الله يثبت اررادتي