جاناا لشتا وودعنا الصيف

[ام فجور 2008]

صــــــــــــــــــــــــــــباح الخيـــــــــــــــــــــــر

بنات بما انا جانا الشتا وودعنا الصيف

شلون رتبتوا بيوتكم شلون نظفتوهم والكبتات وتكرمون الجواتي شنو سويتو فيهم لاني مفكرة اعدل الشقه
خلونا نتشارك
يالله كل وحدة تدخل تقول شلون تعدل وتصفي كبتها وكبت العيال وابو العيال
والجواتي تكرمون شنو سويتو فيهم

 

[~ام خالد~]

صباح الفل ام فجور
والله انا مفتكه عندي غرفة الشغاله فيها كبت
كبيـــــــــر اللي يصير عالطوفه مخليه فيه ملابس الشتا من العام نظاف ومرتبين
كل اللي علي بس انقلهم بس
بس فظيت لها اهي الدروج حق اغراضها لما توصل
وسنعت الغرفه لانه كان فيها قطع زل زايده وكراتين هدايا خلود
يبت خدامة امي وشيلنا وقطينا وعدلنا

بس خلود حبيبي فرزت هدومه شلت اللي صغرو عليه
واللي عنده حصلهم هدايا اغلبهم صيفي
ان شاء الله بروح هاليومين اشتري له واسنع دروجه

 

[ام فجور 2008]

احنا ساكنين مع حمولتنا محكر حمام عالشان جذي نكود ملابسنا بهالجناط وتعال نزليهم وشوفي التبينه وغسليه واكويه ورديه بالكبت

 

[~ام خالد~]

اووووووو
الله يعينج عيل وراج مهمه شاقه :cxxxp:
اذا عندج شغاله خل تعاونج

وصج توني طحت على المسحات
فيه كلوركس وكويك والله عجيبين بدل
الخرجه كل شوي غسليها
ومسحي رفوف الكبتات
جني دشيت عرض بس قلت افيدكم

 

[ام فجور 2008]

مسحات كلوركس شنو
ومن وين وحق شنو

 

[احساس طفلهـ]

انا اطلع من هالشناااااااااااااااط واغسل

ماعندى مكااااااااااااااااااااان شقتى محكر حماااااااااااااااااااااااااام

 

[روزالكويت]

انا بطلع الصيفي كلللللللللله وبحطه بجياس سود ملوت زباله تكرمون وبحذفه فوق الكبت شسوي شقتي محكر ههههههههههههههههه

 

[ام رهف]

انا الحمدلله سويت كل شي مبجر طلعت ملابس العيال الصيفيه الي اصغرو عليهم للصدقات والباجي عندي كبت كبير بالمخزن في السرداب
والملابس الشتويه طلعتهم من الكبت وغسلناهم \\\\\\\ اتصدقون لقيت بدلات لعيالي مو ملبوسات لاني شاريتهم اخر الشتا

 

[nice-girl]

انا طلعت اهدوم عيالي الصيفيه والبجايم اللي اللي اصغرو شي خشيته وشي بوديه لجنه
وطلعت الشتوي والل قدهم خشيته واللي مو قدهم وزعته و او رديته

 

[^^نـــواره^^]

انا عندي كبتين واحد عندي بغرفة التبديل اللي بغرفتي وواحد بغرفة الخدامه اللي عندي حطيت فيه هدوم الشتا واللي عند الخدامه رتبت فيه هدوم الصيف اما الجواتي حطيت جواتي الصيف داخل كراتينهم عقب ما نظفتهم وصبغتهم ولمعتهم وحطيت مع كل واحد كلنكس راشه عليه عطر علشان الريحه يعني اما جواتي الشتا فطبعا نظفتهم وحطيتهم بارفف الجواتي اللي بكبت غرفة التبديل وسلامتج ،،، وطبعا اللي صغروا علي باعطي منهم للخدامه والباجي بوديهم حق لجنة

 

[ام فجور 2008]

امس طلعت من الدوام ريحت لي الساعه خمس
ورتبت شوي وباقي وايد ههههههههههههههه للحين ملابسي وملابس بوفجور الشتوية ماطلعتهم لان مابي عفسة لمن اخلص من الصيفية بطلعهم
اشكثر ملابس صيفية
واكثرها شاريتهم شوي صغار واقول مابي اقطهم راح اضغف ويجون قدي
امس زوجي يقول قطيهم قلت لا بضعف يقول قطيهم ماكو فايد انا بقيت احذفه باقرب شي عندي

 

[ريماا]

انا مااحب اكود ملابس فاللى مااحتاجة على طوووول للجنة
بالنسبة لعيالى الصيفى كلة حطيتة بالكبت بروحة بنفس كبت الشتوى بس بصوب ثانى وقافلة علية عشان ماينبشون فية عيالى
طبعا قبل مااشيل الصيفى لازم اسوى تصفية يعنى مااطلع الا بجم بيجامة وجم بدلة لكل واحد من عيالى يقزرون فيها اول الصيف على مااشترى الكولكشن اليديد
ولما طلعت ملابس الشتاء كانت اشوووية جكيتات وبلوفرات وجم بيجامة بس هذى نقزر فيها هاليومين
وبعد اشوى مواعدة اختى نطلع السوق اشتريلهم كسوة الشتا
بالنسبة لجواتى الصيف اذا مكدودة من غير تفكير اتبرع فيها واذا يديدة اجمعهم واحطهم فى المخزن موجود فى كبت للجواتى
اما كبتى انا فل كلة بدل واتحسف عليهم كلهم غالين
اسفطهم واحطهم بمخزنى فى كبت للملابس
واطلع الشتوى

 

[غلاي غير]

الصيفي احطهم بجيس دايسوا واسحب الهوا بمخمه الكهربائيه ويصيريون ضعاف واحطهم فوق الكبت والشتوي اذا في قياسهم اغسلهم واذا لا اتبرع للجنه دعت بلا عني وعن عيالي

 

[Yasmain]

أنا اليوم ان شاء الله ببلش حملة الترتيب والتجهيز والفرز الكامل
أول شي اليهال بعدين ايي دوري

 

[~ام خالد~]

ام فجور
مسحات كلوركس تحصلينهم صوب المنظفات
وهذي صوره

انا كنت اخذ ديتول وجربت كويك وشفت الحين كلوركس
بس قلت اخلص اللي عندي وبجربه

 

[روزالكويت]

بنات شلون صايره اكياس دايسو مالت الملابس...؟؟

 

[احساس طفلهـ]

بناااااااااااااااااات

صج تنفع اكياااااااس دايسوووووووووو؟

وجم تقريبا تشيل بدله فى الكيس الواحد؟

 

[توتيه]

بناااات فيدونا عن اكياس دايسوووووووو
كبار او صغار ومنين اشتريهم وبجم؟؟؟
لاني ابي ابدا حمله الترتيب

 

[روزالكويت]

محد جاوب عن اكياس دايسوا ماودي اتعنى على الفاضي ابي اعرف كبار ويشيلون ولا صغار..يصير احط فيهم مخدات وكفرات...

 

[ام فجور 2008]

اكياس دايسوا ماودي اتعنى على الفاضي ابي اعرف كبار ويشيلون ولا صغار..يصير احط فيهم مخدات وكفرات...

اي ياقلبي احجام فيه وراح تستانسين عليهم