جاوبو ياجعل الجنه داركم {كريم اساس و المسامات}

[غاده العتيبي]

السلام عليكم ورحمة الله وبركاته

اخباركم بنات

انا عندي مشكله في وجهي لما احط كريم اساس في الزواجات بعد وقت بسيط يعني نصف ساعه

الا والمسامات باينه وخصوصا على خشمي مدري وش المشكله هل هي من الكريم ومدري هو يناسب بشرتي ولا لا

لاني ما اعرف وش نوعها

فاياليت يابنات اللي عندها معرفه بها الشي تعلمني الحل ياليت

وجزاكم الله الجنه

 

[@سيدة نفسي@]

رد: جاوبو ياجعل الجنه داركم

حبيبتي استخدمي برايمر قبل المكياج واهوا أنواااااااع اللي أستخدمه انا من بنفيت عجييييب

أو حطي أمبولات تشد البشرة تلاقينها بكللل الصيدليات ..أتمنى أكون فدتج والبنات ماراح

يقصرون ..

 

[om_dodo]

رد: جاوبو ياجعل الجنه داركم

بشرتج رطبيها قبل الميك اب واستخدمى الكريم اللى يناسب بشرتج
دعواتج لى

 

[**مناير**]

رد: جاوبو ياجعل الجنه داركم

اتوقع بشرتج فيها مسامات مفتوحه حاولي تستخدمين شي يسكرها قبل لا تحطين ميك اب
يقولون الليمون يسكر المسام جربي تخففينه بماي وتغسلين فيه
وحطي قبل الاساس طبقه خفيفه من كفر ديرم ثقيل يسد المسام وبعدها حطي كريمج
جربي دبل وير من استي لودر حلو للمناسبات
موفقه

 

[noty]

هلا و غلا يا قلبي

حطي قبل الفاونديشين هالكريم

من ماركه سيسلي قولي لها ابي كريم المسامات قبل الفاونديشين

 

[آبـلـہ نـونـو]

عآلجي آلمسآمآت بـِ آلأول ، > مع إن يقولون إنهآ مآ لهآ علآج ، >> تحطيـــــــم ،

و آلبنآت مآ قصروآآ ،

..

 

[Killer^Girl]

حطي بيس قبل
ويقولون ان اللوز باودر تغطي المسام

 

[ابله رشا]

المسامات ما تتعالج ممكن تصغر لكن ماتروح كلش
يبيلها سنفره دائمه و استخدام نوع من الاحماض و هذي تاخذينها من الطبيب
بيوم الي عندج عرس سوي سنفره عقب السباحه و تالي استخدمي التونك بحمض السالساليك اهو من انواع المقشرات ولكن يستخدم بنسب بسييييطه لتصغير المسام تالي على طول استخدمي ثلجه من ماي الورد مرريها على كامل الوجه عشان تسكر المسامات
موفقه انشالله

 

[ابعد واستريح]

فديتج بنت الهيلا استخدمي اشتلودر دبل وير روعه او استخدمي ديرما كول تخلطينه مع الكريم اساس روعه وموفقه

 

[قَلبڪْ صًخرْ]

في عند استي لودر .. كريم للمسام قبل الميك اب .. يخليه يختفي ..
انا ماجربته بس سمعت فيه .. والاهم حاولي تعالجينه ..

 

[ii DareeN ii]

رد : جاوبو ياجعل الجنه داركم {كريم اساس و المسامات}

1- تستخدمين تونك حلو

2- تستخدمين برايمر عندج من ميك اب فور ايفر الي مثل الجل او من كارجو

3- كريم اساس يناسب بشرتج مثل سيسلي او استي لودر او ميك اب فور ايفر

4- لاتحطين اضاءه على خشمج لانها تبين المسام

 

[ROYAL]

ماركة فيتشي عندهم كريم يسكر المسام ويمنع لمعة الويه لمدة 8 ساعات تقريبا وايد حلو ومو غالي وايد سعره معقول
الماركه طبيه تلاقينها بالصيدليه وانتي قولي للخبيره وهي تعطيج الكريم لان عندها نوعين للبشره المختلطه وللبشره الدهنيه اهي تشوف بشرتج وتعطيج وهو تستخدمينه قبل الماكياج وفيه نسبة حمايه من الشمس بعد شوفيه ويارب يناسبج

 

[غاده العتيبي]

جزاكم الله خير ياقلبي ع النصائح


ولاهنتن