جاية الكويت ثاني ايام العيد

[جنـــات]

مرحبااا
انا جاية الكويت ان شاء الله ثاني ايام العيد وحابة اقضي 8 ليالي في الكويت​

وانا صار لي فترة متابعة لمواضيعكم بالمنتدى ووايد عجبني سواء ازياء طبخ طبعا ذوق بنات الكويت لا يعلى عليه وحتى تابعت سواليفكم عن الغزو ​

انا كانت لي زيارة للكويت في عيد الاضحى 2010 لمدة اربعة ايام رحت فيها الابراج وسوق المباركية وسوق السالمية والمارينا وحديقة الشعب اللي فيها قطار الموت​

قلت بنزل موضوع اسئلكم فيه عن احلى الاماكن اللي ممكن اروحها ​

اقترحو عليي مجمعات واماكن سياحية ومطاعم واكون شاكرة لكم :eh_s(17):
انا خاطري حتى افتر بين البيوووت وخاطري احضر مسرحية ​

ساعدووني ابي اسوي لي جدول كل يوم شنو اسوووي ووين ارووح
الله يعطيكم ما تتمنون​

 

[جنـــات]

^^^
38 مشاهدة ولا رد واحد !
ماهكذا الظن بكم

شكلي بهون لاني مو لاقية حتى سكن

 

[اميرة زوجي]

حبيبتي السكن عندك فنادق او شقق فندقية
السالمية كلها شقق فندقيه ومواقعها حلوة
قريبة من كل شي
المجمعات روحي الافنيوز اكبر مول بالشرق الاوسط
و مجمع ٣٦٠ و سوق شرق والمارينا كل الماركات والمطاعم فيهم
عندك مجمع الكوت و مجمع المنشر بالفحيحيل حلوين
في بمجمع الكوت نافورة راقصة حلوة
روحي المباركيه كمان
مطاعم ارشحلك البلد مشاوي وأكل لبناني
ميس الغانم وفيلا فيروز اكل لبناني
اسماك وأكل بحري فش ماركت بشارع الخليج عالبحر رةووووعة
اكل كويتي بيت ديكسون و فريج صويلح بالسالمية
اكل هندي مغل محل ممكن فرع حولي بشارع بيروت او فرع الكويت
اي استفسار انا حاضرة و دشي النت شوفي الشقق الفندقيه
بودل وغيرها وشوفي الأسعار والحجوزات

 

[ذكريات ماضيه]

عندج المدينه الترفيهيه .... منتزه الخيران .... منتجع جليفه الجري.... حديقه الشعب .....حديقه الحيوانات .... الغابه الصغيره ...

الاكوابارك .... قهاوي الكويت ومجمعاتها .... الاكواريوم .... متحف شهداء القرين .... متحف كي لا ننسى ....منتجع كمبينسكي الجليعه

منتجع سليل الجهراء .....

 

[ذكريات ماضيه]

حولي بارك .... الافنيوز ... شوق شرق .... المارينا مول .... 360 مول ... اوتاد الجهراء ... مجمع الكوت وشاطئ الكوت .... ارض المعارض ... المركز العلمي ... الابراج .... سوق المباركيه .... مجمع المهلب ... شاطئ المسيله .... مرح لاند ... مجمع الليوان ... مجمع البيرق .....
صاله التزلج ....


بالنسبه للجزر :
جزيرة فيلكا (تحجزون من المارينا والشخص على مااعتقد 7 دنانير ونص)

شاليهات الوطنيه ....منتجع النخيل ...

 

[رتبه دبلوماسيه]

ماقصرو البنات اللي فوقي

أب أب

 

[Miss nerd]

بالنسبة حق المسرحيات في وااااايد
عندج مسرحية مصباح زين الي تمثل فيها شوجي
و مسرحية مثلث برمودا رعب حق كبار
و مسرحية قلعة الساحر أتمثل فيها ليلى عبدالله
و في مالت هيا عبد السلام
وفي مسرحية الي تمثل فيها حلا الترك
و في مسرحية جنة اسمها نايت مير هم حلوة

 

[<miss botamba>]

السكن عندج في بحولي فندق يديد اسمه بلازيو نظامه شقق فندقيه


مطاعم يديده وحلوه

عندج:

shuffle موجود في الجابريه على الدائري الرابع

ubon مطعم تايلندي يم الصالحيه

Ubon Kuwait


عندج منطقه بو الحصاني شبه يديده بس المكان حلو فيه اكثر من مطعم

في مطعم اكل كويتي يديد اسمه Kout Way نفس الاسم تلاقينهم بالانستاغرام موجود في السالميه شارع بغداد


تقدرين تأجرين يخت من سوق شرق او شركه اسمها نزهه


مجمعات:

اذا تبين ماركات

الصالحيه
360
الرايه
محل العثمان في مجمع مريم
الثريا
الحمرا بس مادري اذا فتحوا المحلات او لا

مولات متنوعه:

الفنار
المهلب
الافينيو - بس هم فيه قسم ماركات
سوق شرق
زهره


مجمعات رخيصه:

النقره الشمالي و الجنوبي



ممكن تجربون سبا

عندج سبا تايم بالمهلب و الافينيو بس لازم حجز مسبق

و إليمينتس في مستشفى رويال حياه



روحي سوق اليمعه راح يعجبكم كله مكاسر ورخيص وتلاقون اشياء تونس


عندج بعد بنفس المنطقه مالت سوق اليمعه يم المشاتل


سيتي ستار هم شغلات رخيصه وتونس

مثل مواعين - العاب اطفال - تجميل - مستلزمات بيت .. الخ


روحي الفروانيه في مولات فيها اشياء اسعارها معقوله وهم عندج العربيد كله دراريع ويمهم محلات عبي وهم محل دايسو الياباني اغلب الاغراض على نص دينار

ممكن تروحون شاليه ليلتين بس اتوقع كله فل

عندج سيشل و خليفه و الخيران وفي منتجع صحارى



واي شي تبين طرشيلي مسج

 

[^هــنـــوي^]

اب اضيف لهم حديقة حولي بارك عن نفسي احب اروح لها عشان مكتبة جرير توونس وفيها العاب حلوة ،، والمركز العلمي فية سينما علمية واكواريوم وعالم الحيوانات البرية واشياء روووعة نفس الي بفندق اتلانتس بدبي ،، والمعاارض مالت الحريم منها معرض صاله الروضان ،، مسرحيات في واااااااااااجد طبي وتخيري ،،، وعندج صاله التزلج ،، وهم لو تبين عندنا سينمااا احس احسن من المسررح ازعااج وصراخ ولوية وبعدين عندكم مسارح بالمملكة على ما اظن مرة شفت بالرياض لوحة اعلان مسرحيات بس ماعندكم سينما ،،، وعندكم بحر الكووت يهبل ترابة نااااعم ونظيف وقريب من مجمع الكوت ومجمع العنود ومجمع المنشر ،، وهم عندج مجمع البيرق وفية كافيهات ومحلات ومطاااعم امريكية ولبنانية وفيه سينما وفي صاله تزلج صغيرة للاطفال وفيه صاله العاب ،، وفي كويت ماجك عبارة شيين الي داخل المبنى محلات وصاله العاب داخلية للاطفال ومطاعم وكافيهات والي برا بحر وقهوة والعاب كبار ،، وعندج اكبر مجمع بالشرق الاوسط الي هو الافنيوز اهو فية محلات من جمييع الماركات تقريبا وهم كافيهات ومطاعم وسينما وترى مستغررربة من الناس الي يقولون الافنيو حددة غالي بالعكـــس احس اسعارة معقوله ،،، وعندج مجمع ٣٦٠ هم اهو محلات ماركات اهو الي صج غالي وفيه سينما وكافيهات ومطاعم وجيان ،، وسوق شرق ،، والمارينا .. والمهلب ،،
والشاليهات ..
بـــس تعبببت ان شاء الله يفيدونج البنات واي استفسار نحن هنا ^^

 

[جنـــات]

مشكورين حبايبي ماقصرتووون
للاسف للحين ماحصلت لي سكن يا يكون وايد غالي او الشقق الفندقية مافيها حجز او وايد اثاثها مستهلك وتعبان وانا خايفة ما ارتاح فيهم انا اهم شي عندي نظافة المكان والحمام وانتو بكرامة

اختي مس بوتمبا تعرفين كم سعر الليلة الواحدة في هذا الفندق ؟

 

[^^Rq8^^]

روحي مجمع الافينيوز خصصيله يوم او 2 لانه كبير وايد ما شاء الله
روحي مجمع 360 و انصحج فيه مطعم open flame , b+f و المطعم الايراني و فرايديز
روحي هالمجمعات المهلب و شرق و الفنار و المرينا
مطعم شفل بالجابرية اليديد
فندق مرينا نظيف

 

[اميرة زوجي]

خدي شقه مفروشة ارخص من الفندق

 

[جنـــات]

لقيت شقة في شقق الؤلؤ في منهم في خيطان والفروانية

اتصلنا وآسيوي رد علينا قال الليلة ب 20 دينار

ومن نوصل نحجز

قلت له ابي صور للمكان قال مافي صور

اقترحوو عليي شقق مفروشة غير رويتز السالمية والشرق والكورنيش وسارة بلازا لان الحملات يحجزون الفنادق والشقق كامل !

 

[نـعـومـه]

شدعوه الافنيوز يومين عادي يخلص يوم

بخصوص الشقق ماعندي فكره سألي سفريات اذا يعرفون

وبخصوص الاماكن البنات ماقصرو بس بعطيج جم مكان لازم تروحيله

الافنيوز

مجمع ٣٦٠ بجنوب السره

حولي بارك > اذا تحبين الملاهي

يوم البحار اذا تحبين الاماكن تراثيه

مركز العلمي

مطاعم قولي شنو ميولج وانا اقولج شنو يناسبج

ترا خيطان او الفروانيه موقعها زحمه وكله اجانب وصعايده وهنود اذا ماعندج مشكله بهالشي

 

[لولوه المزيونه]

مـآقصـروآ البنـآت ...

,

 

[رزمة اوجاع]

حياج الله بديرتج الثانيه الكويت
البنات ماقصروا كفوا ووفوا
مانصحج تسكنين بخيطان او الفروانيه

 

[KOKO_284I]

اب لعيونج

 

[جنـــات]

مشكورين حبيباتي ماقصرتووون كلكم خييير

حصلت حجز في هلا موتيل وبسعر حلو

شرايكم في هالشقق الفندقية من ناحية النظافة والاثاث ؟