جايتكـــم زيـــارة يا الكويتيـــات ,,, وأبـــي مساعدتــــكم :)

[SaRaH - KHOBAR]

حبيباتـــــي ,,, هذا أول موضوع لي بهالقســــم ,,, ومو من كثـــر مواضيعي لأن تونــــي جديــــدة :s141:











عالعموم ,,,, عارفه إن عندكم خبــــرة بالأسواق والمولات الموجوده بالكويت ,,,, وأنا أبي شي معين تشتهر فيه الأسواق الكويتيه عكسنا بالسعوديه مو متوفرة كثيــــــر

أبي البلايـــــــــــز الطويلة والواسعه ,,,, خصوصا المحجبات يلبسونها ,,,, وبعضهم يعتبرونها فساتين ناعمه بستريتش تحتها أو من غير ,,,, أتمنــــى فكرتي تكون واضحه ,,,,

بلايز واسعه وطويلة أو فساتين ناعمه أقدر ألبسها قدام اهلي كلبس حجاب أو ألبسها بالأيام العاديه كفستان

أبي أسماء أماكن معروفه ومشهورة بهالنوعيه من البلايز وبأسعار الله يرضى عليكم معقولة ,,, يعني من 5 - 15 دينار

سبق بجياتي اللي قبل رحت سوق النقره الشمالي والجنوبي عجبتني سوالفهم ,,, أبي مثلهم وأرقى شوي

أنتظر ردودكم ونصايحكم الحلوه على أحر من الجمر

 

[ام الحلوووين]

حبيبتي مابين 5 و10 عندج كويت ماجيك كله جذي يعني ادشين اتمخين ليما تقولين بس ومو غالي نفس اللي انت تبين

في ابو حليفه الحين النقره موسم عيد يعني مشلعين صح بالاسعار

 

[SaRaH - KHOBAR]

ام الحلوين نورتيني بمرورك وردك حبيبتي

"كويت ماجيك" ممكن أعرف وينه بالضبط ولا عليك أمر ؟؟

وانا ماقلت حيل رخيص أخاف الرخيص يكون جودته مو ذاك الزود

إلى 20 دينار سعر القطعه ان شاالله ماعندي مشكلة

مشكوره حبيبتي

 

[SaRaH - KHOBAR]

اها حبي توني انتبهت انتي قلتي انه في أبو حليفه

عذريني ومشكورة مره ثانيه

 

[ليـــــدي]

أول شي حياج الله

الحين كل المجمعات تقريبا فيها هالموديلات ، وتلقينهم متروسين بمجمع المهلب بمنطقة حولي وتقريبا أسعارهم بالعشرينات

وفي بجمع الفنار بالسالميه محل بالدور الأرضي كله من هالقمصان ونفانيف طويله واذا رحتي السالميه روحي سيتي سنتر

راح تلاقين شغلات رخيصه وعمليه ،، وماراح تتعبين وانتي تدورين لانج راح تلاقينهم بكل مكان

 

[fr7ty]

الافنيوز بتلقين شكثرهم

 

[SaRaH - KHOBAR]

ليدي ,, تسلمين لي يا الغاليه على التوضيح ,,, الصراحه أفدتيني كثير ,,, الحين حطيت ببالي المهلب والفنار والسيتي سنتر ,,, ماقصرتي حبيبتي ونورتيني

ft7ty نورتيني ,,, والافنيوز سبق رحت له وان شاالله بروح مره ثانيه

 

[مدام زيزو]

رد : رد: جايتكـــم زيـــارة يا الكويتيـــات ,,, وأبـــي مساعدتــــكم

لا تفترين بهالاسعار مالج الا سوق السالميه الاحمرر سيتي سنتر الدروازه /)

 

[SaRaH - KHOBAR]

مدام زيزو ,,,, أشكرك على المرور

 

[Tosta]

حبوبه ترا اغلب البنات الي اتشوفينهم لابسين من هالقمصان الطويله هذا شغل مشاغل ومعارض
شوفي اذا قعدتج مده طويله: عندج البلوكات ( سوق الاقمشه) فووق في مشاااغل واايد وااايد يورونج موديلات وانتي تختارين ويفصلون لج
او المعارض بس احنا معارضنا موسميه يعني مو دائما فاتحه على طول
واغلبهم ترا اسعارهم اكثر من 15 اتوقع بو 20 وفوق
واذا مدة قصيره عندج المجمعات التجاريه مثل الافنيوز و 360 و سوق شرق والفنار والمهلب
-والمحلات مثل محل ريفا وجويس وزارا
وعلى فكره ترا اغلب القمصان تنباع بالمحلات على انهم نفانيف قصيره واحنا انركب عليهم مثلا الكارديغان اذا كان الجم قصير و لغنزات

وسلامتج واتعيشين
ان شاءالله تستانسون ابزيارتكم

 

[نــوره]

^
^
^
^

كفيتي ووفيتي وان شاء الله تحصلين ع اللي تبينه ..

 

[افكاري]

حياج الله وتنورين الكويت


ياهلا ومسهلا بإهل السعوديه


اذا جيتي الكويت لازم تشرفينا بمعرض افكاري


فيه مشاغل وااايد حلووه
عندهم دراريع -قمصان -بدل استقبال

وفي محلات اغلب شغلهم من برا الكويت

من اوروبا وتركيا ولبنان
بس شغل وااايد حلوو

وان شاء الله اكون ساعدتج

 

[SaRaH - KHOBAR]

Tosta
حبيبتي مشكوووووورة حيل حيل ,,,, أستفدت من ردك كثير ,,, ماقصرتي وتسلم يمناك

نوره
شاكرة مرورك حبيبتي

أفكاري
هلا فيك وياريت لو ان فترة تواجدي تسمح كان زرت معرض من هالمعارض الحلوه اللي أسمع عنها ,,, لكن ان شاالله بالمستقبل ضروري أسويها ,,,, نورتيني

 

[جلاديلياس]

حبيبتي حياااااج الله بالكويت واشوف البنات ماقصرو ماشالله عليهم وانشالله استفدتي


واي شي تامرين عليه حاضرين لطيبين