جايه للكويت

[رحمتك ياالله]

هلا كويتيات

صراحه افتر راسي وانا ادور بموقع بكوينق ادور ع فندق بالكويت واغلبهم بنسبون بالتقييم واحترت شحجز
فياليت تعلموني عن فنادق حلوه ونظيفه ومو مهم السعر حتى لو غالي
ثاني شي بسال عن التاكسي بالكويت هل تصير متوفره بكل المجمعات وقدام الفنادق او لازم طلب
بليز حبيباتي فيدوني

 

[برنسيسة2007]

الفنادق كثيره والمواصلات لاتحاتينه تدقين عليه يكون عندج بس ما اعتقد عند الفنادق تكاسي اذا قصدج خاص فيها

الفنادق اقدر افيدج فيها لكن شنو تبين بالضبط:
تبين قريب من الاسواق؟!
او بعيد عن الاسواق؟!
تبين الفندق ضمن منتجع او مايهمج؟!
يعني حددي شنو المواصفات المطلوبه وانا تحت امرج
واذا تبين فنادق نظيفه جدا جدا يعني ممتازه ومو غاليه حيل بس تكون ثلاث نجوم او نجمتين هم اقدر افيدج؟!واذا تبين ارقام سايق او سواقه احسن لج من التكسي تتفقين معاه عالفترات اللي تبينها والايام والسعر ويكون كانه سايقج الخاص

 

[برنسيسة2007]

ونسيت قلبي من كثر ما اني ابي اخدم والله نسيت ارحب فيج
بتنور الكويت بوجودكم ومرحبا فيكم بين اهلكم