جبت العيييييييييد

[دانة الدنيا1]

شلونكم حبيباتي




















مثل ما بعضكم يدري اني انا مسافره وخطيبي بالكويت المهم صارلي شهر واحنا تقريبا المكالمات والمسجات قلت وانا نوعي حساسه واحب التملك وابيه قبالي 24 ساعه واهوا طبعه يحب الحريه شوي مثل كل الرياييل المهم من كثر ما اسمع من هني وهناك لازم اصبر وعادي واشوف بلاوي غيري
اقول حمدالله فماقمت اناجره مثل اول عالمسجات والا المكالمات لكن اليوم ومع الدوره الشهريه خلاص انفجرت واتصلت عليه جان اقوله يافلان انا متضايقه ليش وشفيج جان اقوله انا قاعده امثل عليك لووووووول @@ الريال احسه عيونه طلعت جان يقولي شنو يعني قتله لالا تخاف مو قصدي امثل عليك الحب وشفت غيرك ومابيك لا اقصد بالتمثيل ويهل علي بالكلام الطيب انتي وانتي وكله من سفراتج وانا قتلج واستنزل علي وماسمعني شنو قصدي من التمثيل وقعدت ابجي جان ازيد الطين بله واقوله ماقمت احبك مثل اول بعدددددددد جان يقولي لااااا انتي مو طبيعيه شمسويه قوليلي الريال شك بأخلاقي طبعا هذا كله بسبب الحاله النفسيه السييييئه اللي انا فيها قمت اخبص بالكلام جان اقوله اقصد من التمثيل اني قمت اسوي نفسي بارده وانا من داخل اغلي منك وقعدت اقنع فيه لما هدينا جان يقولي انا ادري اني مقصر معاج والسفر زاد عن حده 3 شهور اول مانخطبنا والحين شهر ونص وماقعدت معاج الا شهرين يعني شنو تتوقعين تكون العلاقه؟؟
انا ادري انه السفر سبب رئيسي لكن شسوي مجبر اخاك لا بطل المهم جان يقولي انتي فيج طبع انت (هجوميه)
ماتجين وتفتحين المووع بهداوه عشان افهم خاشه كلا بقلبج شهر كامل واخر شي تجين تنفجرين وتبجين واهوا مايواطن ابجي يتضايق فقالي اي شي احنا متفقين مانخش على بعض شمعنى الحين انا والله يا بنات مو هذا طبعي لكن لبست شخصيه مو شخصيتي ....
يعني قمت احسسه اني بارده واني مو مهتمه وانا كل يوم احترق مليون مره واهو مسكين عباله انه انا عادي فصار اهو بعد بارد اكثر من ماهو بارد المراد يا خواتي
ابيكم تنصحوني شلون ماكون هجوميه على قولته اهوا وااايد عقلاني ويتفهم ومايصارخ الا لما يعصب لكن وقت النقاش يحب النقاش بدون هجوم وبجي وانا اموت عالبجي فشلون اكون مثل ما يبي واكون على طبيعتي لانه انا طبيعتي اللي بقلبي على لساني وعصبيه شوي الله يهديني :cxxxp:
لااااتخلوني يا صاحبات العقل والقلب الكبير انا اختكم العنونه

 

[miss-winter]

انتي مالجه وله خطوبه بس وله شلون ؟؟

 

[دانة الدنيا1]

مالجه

 

[فانتا ستروبري]

اي شي يضايقج منه او تصرف ضايقج منه او حتى لو كلمة

على طول قوليله يا فلان ترى انت ضايقتني من هالشي

علشان لا يتمادى بالشي وعباله عادي عندج

وعلشان لا يصير كبت عندج وتنفجرين

فجأة وتطلعين كل شي مرة وحدة

والله يوفقج يارب ​

 

[انتظر حبه]

رد : جبت العيييييييييد

وااي انتي مثلي دايمن اكتم لين انفجر
ياليت اقدر اتخلص من هذا الطبع

 

[دانة الدنيا1]

ان شاءالله يا فانتا ستروبري اموت عليه وايد اشربه هههه وانتظر حبه والله مو هذا طبعي انا كل شي اقوله بس عشتو يعني بسوي شخصية يديده وبكون كووول هههههه اثاريني كنت اخزن وانفجر الخزان بس اهو يقولي حتى لو كنت بنفس الوقت اقوله اللي يضايقني كله على قولته هجووميه يبيني الاخ اقوله وانا مبتسمه او وانا هاديه ومروقه بس ان شاءالله اقدر اغير هالشي لانه العيب الشرعي الوحييييييد فيني لله الحمد والمنه حتى امي تقولي كل شي فيج يهبل وماكو مثلج لكن الاعصاب ربي يفكج منها ياااارب ويهدي قلبي صج الزين مايكمل عشتوووو

 

[*بسبوسه*]

يعني زوجج مو خطيبج

عادي مع الاايام انتي دايرت بتتاقلمين على حياته وطبعه وتغيرن طبعج

بس اعتبري من هالموقف دامنج حسيتي انج جبتي العيد وممكن كان يصير لا يحمد عقباه ...وقت الدوره تدرين شسوي اقعد بداري ماطلع وبس اقابل التلفزيون واكل كاكاو يوقولون يفيد ..وحتى تلفوني احولهه مغلق عشان ادري اعصابي تكون متوتره

عاد تدرين الدوره الاسبوع الجاي والاعصاب من الحين متوتره ومالي خلق شي

 

[فانتا ستروبري]

ان شاءالله يا فانتا ستروبري اموت عليه وايد اشربه هههه وانتظر حبه والله مو هذا طبعي انا كل شي اقوله بس عشتو يعني بسوي شخصية يديده وبكون كووول هههههه اثاريني كنت اخزن وانفجر الخزان بس اهو يقولي حتى لو كنت بنفس الوقت اقوله اللي يضايقني كله على قولته هجووميه يبيني الاخ اقوله وانا مبتسمه او وانا هاديه ومروقه بس ان شاءالله اقدر اغير هالشي لانه العيب الشرعي الوحييييييد فيني لله الحمد والمنه حتى امي تقولي كل شي فيج يهبل وماكو مثلج لكن الاعصاب ربي يفكج منها ياااارب ويهدي قلبي صج الزين مايكمل عشتوووو

لووووووووول فديتج

شوفي والله تعودي انج ما تحرقين اعصابج وخلج برود والله ترى

حتى الاعصاب تأثر على البشرة ويصير شكلج كبير بسرعة وانتي

توج عروسة واذا شي ضايقج منه مثل ما قلت لج مو بعصبية تقولين له

قوليله بدلع لا تقولي جذي مرة ثانية ترضى عليي اني ازعل وانا عروسة

يعني من هالسوالف خليه حتى شوق يشتاق لج وراح يركض وراج ويداريج

والله يوفقج ان شاء الله ويهنيج يارب :33_1185028183:​

 

[دانة الدنيا1]

لووووووووول فديتج

شوفي والله تعودي انج ما تحرقين اعصابج وخلج برود والله ترى

حتى الاعصاب تأثر على البشرة ويصير شكلج كبير بسرعة وانتي

توج عروسة واذا شي ضايقج منه مثل ما قلت لج مو بعصبية تقولين له

قوليله بدلع لا تقولي جذي مرة ثانية ترضى عليي اني ازعل وانا عروسة

يعني من هالسوالف خليه حتى شوق يشتاق لج وراح يركض وراج ويداريج

والله يوفقج ان شاء الله ويهنيج يارب :33_1185028183:​

حبيبتي والله ادري كل كلامج صح وان شاءالله بس والله لا قلتله بدلع عباله قاعده اتغشمر ويتهاون بالموضوع ولا سويت سالفه وبجي يحس على دمه والله دخت معاه يارب تعديها على خير ومايحطها بقلبه لاني طرشتله مسج اعتذر وحقرني الله يستر منه عاد زعله ماااصخ

وحبيبتي بسبوسه زين تسوين الله يعينج لاتجيبين العيد ترى رمضان عالابواب لوووووووول

 

[حجيه هيونه]

تعودي تاخذين الامور بالهداوه

انا ما الومج اهو بعد عنج وايد

بس حطي ببالج هم اهو مشتاق ويتعذب مو بس انتي


خفي عليه شوي

 

[اميرة-الاحجار]

حبوبه لاتخشين بقلبج اي شي فبالج قوليه اذا خشيتي كلشي اهني راح تنفجرين وتهاجمين بس اذا شفتي شي وظايقج قوليله حبيبي ترى هالشي ظايقني طبعا بصوره حلوه وعقلانيه مو بطناقير ونكد لان الريال تلوع جبده من النكد الدموع اذا كثرت يصير مالها طعم ..

 

[حرم_طيار]

رد : جبت العيييييييييد

خليج ريلاكس و هدي اعصابج وخليج معاه اول بأول اي شي يضايقج على طول قولي له و لااتشلين شي بقلبج ترى بعدين رح يصير معاج فتور منه خليج قريبه منه و حاولي تفهمين اهو شنو يبي مع الوقت راح تفهمين شخصيته عدل وكل شي راح يصير اوكي لا اتحاتين

 

[عاشقة_الجمال]

لا تخشين شي بقلبج

دام انج من النوووع اللي ينفجرررررررررررررررررررررر

 

[eman84]

ماكو الا العافية انا ما اشوف في مشكله اكثر من انها دلع وبهارات الحب الله يدووم عليكم

تصرفي على طبيعتج والكلمة اللي بقلبج خليها على السانج لو كانت طيبه اما لو كلمة لاسمح الله تغث و تكدر انا اقول اذا تقدرين تخلينها بداخلج احسن لج

موفقين وتردين بالسلامة ان شاء الله

اييي وصج نسيت اقولج بعد شغله على سالفة تبينه يجابلج 24 ساعه هذي من الحين اقولج شيليها من راسج و لاتعبين روحج لان مو معقوووله الحياة بس مجابلين ويوه بعض صدقيني و خلي كل شي بحياتج له وقت معين واحترمي وقته اهو بعد وعمرج لا تحاولين تقولين له بصريح العباره ابيك تتغير لان راح يعاند ويتم على طبعه .. انتي بطريقتج تعودينه على كل شي تبينه هذي نصيحه لج عالماشي

ودمتم

 

[بتبوتااا]

حياتي بقول لج طريقه كله اتبعها مع عيالي لي عصبت وفورت لانه بطبعي هاديه وباااااااارده اعصاب درجه اولى بس لي عصبت وانفجرت ممكن اسوي شي اندم عليه بعدين والله لا يراويج شسوي فقمت كل ما حسيت بعصبيه اسكت واتذكر اي شي ثاني بالدنياا واسكر عيني واستغفر الله والله اهدى على طول وبجذي من غير ما يصير قتلى وجرحى ههههه وطبيعي الوحده وقت الدوره تكون نفسيتها تعبانه فلازم تتجنبين اي نقاش خاص او حاد عشان لا تكبر المسأله ,,
وشغله بعد خلج نفس ما انتي لا تغيرين طبعج حاولي تكونين احسن بس بالتعود مو التصنع يا قلبي
على قولت اغنيه احمد مكي الي بفلم طير انتاا << متحولش تبقى حد تاني غير نفسك دور بنفسك هتلقى نفسك

 

[يا حبنـي له..}]

رد : جبت العيييييييييد

اذا انتي من هالنوع ..خلاااص اي شي تحسين فيه قوليه ع طول


مو اتخشين بقلبج ليما اتصير قلبج مترووووووووسه


وتنفجرين

 

[دانة الدنيا1]

حبايبي والله كلكم ماقصرتو ربي يريح قلوبكم ويسعدكم دوووووووم مو يوووم يااااااارب اجمعين
احبكم في الله

 

[هيبة ملك]

حبيبتي بعد ماتخلص الدورة دقي عليه وفهميه وضعج

وبعدين لاتنفعلين وايد

وأي يضايقج طوالي كلميه

أممممممممممممم

لاتكثرين عليه بعدين يمل

 

[cat^q8]

اذا تبينه دوم عاتبيه كل يوم

ولا انج تشيلين بقلبج مو زين

 

[al-musk]

دايم خذي الامور بسهالات وريحي راسج