جدور .... جدور .... جدور

[rayaan]

السلام عليكم ...

شلونكم بنات ....

ابي اللي عندها خبرة بالجدور ....

تنصحني من وين اشتري جدور الطبخ ....

وعلى جم أسعارهم ؟؟؟؟


:eh_s(6)::eh_s(6)::eh_s(6):

 

[فرفورة2]

هلا والله اختي
ماشالله عليج بيخلص ارمضان وانتي توج تسالين عن الجدور وين كنتي نايمة >>>لووووووووووول جنه احنا ما نطبخ الا برمضان ما عليه اتغشمر وياج
شوفي الله يسلمج الجدور تلقينها طبعا بكل مكان وفي منها الزين والشين وانا الصراحة افضل للاستعمال اليومي الجدور المصنوعة من الامنيوم وممكن تاخذينه من السوق الايراني ارخص من الاماكن الثانية وعندج اذا تبين الجدور الكشخة مثل التيفال والاستيل تلقينها عند محلات المواعين اللي بحولي صوب دوار صادق او تلقيها ممكن عند
السراديب اللي بالاسوقة مثل كرز سوق السلطان الامتياز وغيرها
اتمنى اني اكون فدتج من هالناحية

 

[طيرشلوا]

عندج سوق الالمنيوم الى عند مخفر الشويخ من عند دوار شهرزاد

 

[أحب ترابها]

جدور ايكيا استيل حلوه وكانو مسوين قبل رمضان عرض عليهم وعندج بلال بلازا جدوره اسعارها متفاوته حسب الصناعه ايطالي -هندي-اسباني

 

[nice-girl]

انزي بنات شنو احسن نوع اللي الاكل ما يتلزق بالقاعه ما احب هالحركه

 

[@شمس الضحى@]

الجدور بكل مكااااان دوري بالاسواق الشعبيه والسراديب

 

[كوارين]

انا خذيت طقم تيفال من محل الماعين في جمعية الجيش ارخص من برة

 

[cat_women]

و منكم نستفيد

 

[عرموشة]

انزي بنات شنو احسن نوع اللي الاكل ما يتلزق بالقاعه ما احب هالحركه

هلا اختى بس التيفال ما يلزق الاكل فيه :ggdw:

 

[Oba3deen]

بس التيفال كانوا يقولون انه مب صحي لانه فيه ماده تتفاعل مع الاكل و خطره و الالمنيوم بعد مب صحي

أحسن شيء الستيييييييييل

 

[دانه الهيرات]

احسن شي التيفال

 

[غلا 7373]

حبيبتى عندج الصانع الى بسوق السالمية عندة جدور التيفال

 

[بمبة المفترسة]

احسن شي الستيل اللي عياره 36/18
وتلاقينه بترفايلووو بشويخ وعندج بايكيااا والسوق الايراني التركي بالري مقابل المشاتل
وتلاقين بالجمعيات بس غالي شوي
وعندج سيتي سنتر بعد عندهم

 

[*وردة نرجيسية*]

احلا شي الجدور الصناعة مصرية ومن تحت جنها الطاسة

 

[opera]

انا جدوري اغلبهم ستيل شاريتهم من مبرووك بس غاليين

لاتاخذين المنيوم كلش محد اصلا يشتري المنيوم الحين

 

[جلاديلياس]

حبيبتي احسن جدور التيفال

 

[^^ ريان^^]

الاستيل طبعا خل عنج الالمنيوم وجدور مصر تهبل ورخيصه

 

[ورد الطايف]

موضوع وايد حلو ولكل ان شاءالله بيستفيد

استيل وين نحصله ؟ احصله بقصر سلطان

 

[rayaan]

مشكووووووووووووووورين

شلون الستيل بالتنظيف ... ما يلزق فيه الوصخ

وشلون أسعارهم

 

[أحب ترابها]

تنظيفه سهل مثل تنظيف الالمنيوم ومايلزق الوصخ واسعارهم علي حسب الحجم والصناعه التركي والهندي والصيني ارخص شي