جدولي حق تركيا اشرايكم فيه يا خبيرات تركيا ؟؟

[يمه فديتني]

قوه بنات :eh_s(9):

شلونكم شخباركم

انا ان شاءالله مسافره تركيا يوم الاثنين الصبح

وسويتلي جدول ( طبعا بعد ما استفدت من تقارير البنات والتجمع )

وحابه اعرض لكم الجدول واخذ رايكم فيه لاني الصراحة اول مره اروح تركيا

وطبعا سفرتنا راح تكون 10 ايام 4 بورصة و6 اسطنبول

واحنا 7 اشخاص 4 كبار و 3 اطفال وبغيت اعرف اذا يناسبنا الجدول وله لا

:bbbiu::bbbiu::bbbiu:

اليوم الاول : نطلع من المطار ونروح العباره لبورصه + لونا بارك .


اليوم الثاني : جبل اولدوغ + الشجرة التاريخية + السوق المسقوف + مطعم حجي داي.


اليوم الثالث : الذهاب الى يلوا ومنطقة تيرمال .


اليوم الرابع : الشلال الصغير ومجمع اس مركز. ( كنت مفكرة بالمغارة بس معانا صغار تعب عليهم )


اليوم الخامس :بنروح بالعبارة لاسطنبول + فندقنا بالتقسيم راح انتمشا بشارع الاستقلال + اذا مدانا بنروح مجمع جواهر .


اليوم السادس : قصر دولمه بهجه + جزر الاميرات . وهم اذا مدانا تل العرائس .


اليوم السابع : السلطان احمد + السوق المسقوف + السوق المصري .


اليوم الثامن : ملاهي لاندورا + مجمع فوروم + مطعم الملك .


اليوم التاسع : ميني ترك + اكواريوم + مقهى بيير لوتي .


اليوم العاشر :حديقة اميرغان + استينيا بارك


اليوم الحادي عشر العوده للبلاد بالليل.

اشرايكم بالجدول ؟ الاماكن يم بعض وله بعاد ؟ وايد وله زين ؟

ناطرة ردودكم

:eh_s(7):

 

[يمه فديتني]

اااااب

 

[عيش و ملاس]

في اليوم الثامن روحي بالأول المجمع بعدين الملاهي لأنها تفتح بعد صلاة الظهر عندهم ، واليوم التاسع روحي حديقة ميني ترك وروحي متحف رحمي كوج قريب منه اذا عندكم أولاد راح يستانسون عليه حتى سياره هاري بوتر موجوده كل تطورات وسائل الموصلات موجوده وباص لندن موجود ، الأكواريوم موجود في مجمع فوروم روحي له بنفس الوقت باليوم الثامن ، بغينا نروح مقهى بيير لوتي بس التلفريك خربان فلغينا المشوار

 

[يمه فديتني]

في اليوم الثامن روحي بالأول المجمع بعدين الملاهي لأنها تفتح بعد صلاة الظهر عندهم ، واليوم التاسع روحي حديقة ميني ترك وروحي متحف رحمي كوج قريب منه اذا عندكم أولاد راح يستانسون عليه حتى سياره هاري بوتر موجوده كل تطورات وسائل الموصلات موجوده وباص لندن موجود ، الأكواريوم موجود في مجمع فوروم روحي له بنفس الوقت باليوم الثامن ، بغينا نروح مقهى بيير لوتي بس التلفريك خربان فلغينا المشوار

مشكوووررة حبيبتي على الرد

زين احد رد علي :yaaaaaarb:

بالنسبه حق الاكواريوم قلتلهم والله بس اهما شافو صوره قالو يبونه واهوا على فكره اكبر اكواريوم في العالم حسب اللي قريته

بس هل اهوا قريب من ميني تورك ومقهى بيير لوتي ؟؟

وهل ترتيب الاماكن اوك وله بعاد عن بعض ؟

وسوري اذا تعبتج معال
:eh_s(8):

 

[باوند]

نصيحة لا تروحون جزيرة العانساات اقصد الأميرات تلوع الجبد و الريحة تكرمين مو طبيعية اخياس و الطريج طويل لانه العبارة راح تمر على ٣ جزيرات و أنتو معاكم يهال راح تتعبون و ما فيها شي يسوى و المطاعم الي يشتغلون فيها نصابين بوق عيني عينك !! فانا اقول بدلوها اب مكان ثاني أحسن ،،،

مجمع استينا باااارك عجييييبييييييب حده و فيه العاب و المحلات و المطاعم ما تخلص فيه و عندهم محل مشهور بالبطاطه انصحج تذوقينه عجييييب و ابصراحه لا تروحين له باليوم الاخير لانه راح تتحسفين لإنج ما رحتي له من الاول انا رحت له ٣ مرات عجييب الله يسهل عليكم سفركم

 

[<miss botamba>]

بنتحر كتبت رد شطوله وحاطتلج صور ورااااح

 

[[ n o u f ]]

انا توني راده من تركيا وجدولج تقريباً نفسسسج جدولي

بورصه رحت لكل الاماكن الي ذكرتيها بس ندمت اني حطيتها ضمن البرنامج
يوم واحد يخب عليهااا
والله كلما اشوف الصور او اسمع طاريها يضيق صدري احس كنت مقتوله فيها هههههه

اذا انتي تحبين الوناسه والحضاره والحداثه لا تتعدين اسطنبول
اما بورصه تضيييق الخلق حلاتها بشتاء
التلفريك رحنا له و مدة يومين مغلق وطاابوره شطوووووووله
وماكو مظلات والحراره تذبح واذا بتدشينه ماكو كراسي وياخذ 40 شخص
كلهم واقفين وحده غمته

احلى شي فيها الشلال والشجره المعمرة
اما سوقها مايستاهل العنوه اذا انتي تحبين الماركات ماراح تشوفين في بورصه شي زود عن سوقنا ونفس محلات بورصه بتشوفينها في اسطنبول
واهم شي في بورصه وين فندقكم .؟؟؟؟؟؟؟؟؟؟
لان كل مكان سياحي فيها بعيد عن الثاني
احنا ميزانيتنا انهارات في بورصه بسبب التكاسي
لو ما تلحقت اهلي بالمترو ولا قعدنا عندهم شواحيذ


اسطنبووووووووووول بلاد السعاده والجمال والهواء البارد النقي
وجزيرة الاميرات اتهبل قبل لا اسافر الكل ذمها بس اعجبتني والجزر الي مرينا عليها عندها تاخذ العقل والرحلها بكبرها خفيفه على القلب ومريحه

اسطنبول ليما الحين في خاطري ارد واشطبها تهبببببببببببببببببببببببببل

بورصه خليها يومين ماتستاهل وراح تذكرين كلامي بعدما تزورينها
ما تستاهل احد يطل عليها وقتج كله بيروح مع التكاسي

 

[عيش و ملاس]

الأكواريوم الثاني بعيد عن الأماكن السياحيه يم المطار ، فوريوم اسطنبول اليوم رحت له شامل الأكواريوم وأرض الديناصورات الفيلم ال3D يهبل وأكو لعبه خطره بال fun lab روعه وهالمكان في ألعاب وكراسي مساج

 

[يمه فديتني]

مشكوووورين بنات يعطيكم العافية على الردود
فديييييتكم

 

[زبــــــــدة]

لا تنسين باسطنبول

مجمع جواهر ..ومجمع كانيون ...

حلوييييين

مجمع جواهر كل شي فيه عجيب ... وكانيون مبناه غريب وحلو اينن ...

 

[اخت خالتهم]

حلوة تركيـا


الله يهنيج حبيبتي و جدولج حلو
بس بورصة يومين كافي

انا عندي اوزنجول و طرابزون حلوين و جوهم براد اينن
و اكيد اسطنبول

 

[<miss botamba>]

اذا فتحتي النت وشفتي ردي طرشيلي مسج بعطيج جم مكان باسطنبول و سكيك ودواعيس

كنت بكتبلج مره ثانيه الرد وتوني اذكر