جدول الاسبوعي واليومي الشهري لتنظيف البيت

[fife4ever]

جدول اليومي و الاسبوعي و الشهري لتنظيف البيت

خلنا نشارك كل وحده شنو جدولها لاعمال التنظيف

انا معطه لخدامتي جدول تمشي عليه
يومي
غسل الحمام وبعدها الصاله والغرف الاخري
((راحة الافطار)))
غسل الملابس
تكوي الملابس
راحة (((((((الغداء ))))
غسيل المواعين وتنظيف المطبخ بعد الغداء
عمل الاسبوعي المحدد
مساعدتي في العشاء وتنظيف بعد الحوسه

الاسبوعي
السبت
تنظيف النوافذ والابواب كلها
الاحد
تنظيف السجاد كل اسبوع ثنتين او وحده اذا كبيره
الاثنين
ترتيب غرفة المخزن والاوتي ((هي غرف وحده ))
الثلاثاء
تنظيف المطبخ ((الثلاجة والكباتات والحوائط)
الاربعاء
تنظيف خارج البيت الدرج والمواقف الي قدام بيتي مع تنظيف باب الشارع
الخميس
تنظيف الجناح مالي (غرفه والحمام ونزع الملابس )
الجمعة
الصالة والكنب والسقف

بس هذا الجدول مال


انتي شنو جدولج

المواد الستخدمة للتنظيف
ملابس
اريال +فانيش+كنفورت
الحمام والارضيات
كلوركس+ديتول
الزجاج والمرايات
السبريه للزجاج
والخشب
سبرايه خاص للخشب

 

[عنايد]

مشكوره حياتي واحنا تقريبا نفسج
المطبخ يوم واحد بالاسبوع تنظيف الكبتات وطبعا خمه وغسله او مسحه يوميا تقريبا
والحمامات تقريبا مرتين باليوم لان الاطفال تعرفين
والطوف والبيبان تقريبا يوميا على حسب الجو اذا غبار او مطر لازم ينمسح
وغرفتي مره وحده بالاسبوع تغيير الكفر وتنظيفها الا اذا احتاجت تنظيف خلال ايام الاسبوع انظفها عادي
والصاله يوميا التنظيف خم ومساح
والمواد نفس موادج المستخدمه

 

[fife4ever]

مشكوره عنايد

 

[زخارف]

حياتي يعطيج العافية بس نسيتي مسح الطاولات والارفف اعتقد لازم يوم وترك بسسب الغبار ما خلا شي 0لو ما تمسحين يومين وراء بعض كأن البيت ما انمسح له شهر

 

[fife4ever]

هلا والله

اي حبيبتي الخدامه لما تنظف الغرفه اكيد تمسح الارفف والاكباته اجل بس الارضيه

 

[زهرة اللوتس]

يسلموووووووووووووووووووووووووووووووووووووووووووووو

 

[^^نـــواره^^]

والله انا ما عندي جدول بس جني ببوق جدولج وبامشي عليه.....

 

[روعة الحياة]

مسكينة الخدامة عيل إنتي ياعمري شنو تسوين المفروض غرفتك مالة النوم ماحد يدشها ولاينظفها غيرك ألحين تلقط الشغالة شعر أو خيط من ثيابك وتسويلك سحر بسم الله عليك وحواليكي.
عاد خلي للشغالة يوم راحة هي بشر.
أنا عن نفسي نظيفة بالمرة وما أسوي جدول على طول أنظف البيت وغرفتي تلق ماشاء الله لأني بعيد عنكم موسوسة نظافة وما أحب شيء يتحرك من مكانه.

 

[دمـوع الشـموع]

اليومي
غسل الحمامات
وشغل المطبخ من طبخ وتنظيف مواعين وارضيه وفرن
ترتيب غرفة النوم المفرش وتعطيرها
ترتيب وتنظيف الصاله لانها قعدتنا
يوم ورا يوم
غسل الملابس

اسبوعي
تنظيف كامل للغرفه
تنظيف كامل للمطبخ
وتنظيف كامل لباقي الغرف

شهري
ترتيب خزانات الملابس
سواء صيفي او شتوي

الاشياء المستخدمه

الملابس
اريال او تايد
فانيش
وكمفورت او لانس
الارضيات
ديتول
موبي للسيراميك

الحمامات
جف
ديتول
صابون
ومعطرات للجو

المطبخ
جف
صابون بريل او لوكس او فيري
ديتول
كلوركس

طبعا التظيف انا ماعندي خدامه

 

[جمانه 99]

مشكوره اختي على الموضوع الشيق
انا مرتبه جدول حق خدامتي

يوم السبت يطلع كل اللي في المعيشه ويتنظف من السقف للأرض
الأحد الإستقبال هم كل شي يطلع
الأثنين الديوانيه مع عزكم الله الحمام مع مغاسل الضيوف
الثلاثاء غرفة بنتي تطلع ويتغير ديكورها مع عفوا حمامها يطلع كله
الأربعاء المطبخ من والى مع غسيل المنور مع غسيل الحوش بالفلاش والكلوركس والصابون
الخميس غسل ملابس مع تنظيف غرفة الغسيل وترتيب خزانة الغسيل مع مسح البيبان والدرايش وطوف البيت
الجمعه غرفتي انا اغير الشرشف مع الفوط اهي بس تنظف الأرضيه مع الطاولات مع غسيل دقبق للحمام انا معاها في الغرفه

عل فكره يعني مع التنظيف العميق هذا هم كل يوم تنظف البيت على السريع مع غسيل حمامات عل السريع
وكل يوم وترك تغسل السيارات مع الحوش

يومين بالإسبوع تغسل الدواسات

علما بأن الطباخ كله انا المسئوله عنه احلى شي علشان تعرفين شنو ناقص في البيت وعلشان تسمعين اذا موكل يوم يوم وترك

يعطيج العافيه الأكل لذيذ من زوجج وعيالج

مواد الغسيل

كلوركس - فلاش - ديتول -جف بخاخ - بام بخاخ للشفاط صابون لغساله العاديه صابون لغساله الأتوماتيك صابون للتنظيف شامبو للسيراميك فوط للتنظيف معطرات للحمام معطرات للغرف بخور معمول لتعطير الغرف
زيوت لمبخر الشمع

 

[باونتى]

ربى يرزقنى ببيت عشان اسوى جدول مثلكم انا جدولى للتنظيف بسيط لان كل اللى عندى غرفتين وحمام ويوميا انظفهم وبس

 

[جمانه 99]

ربى يرزقنى ببيت عشان اسوى جدول مثلكم انا جدولى للتنظيف بسيط لان كل اللى عندى غرفتين وحمام ويوميا انظفهم وبس

باونتي ربي يرزقج بيت ويكتب لج السعاده فيه آمين

 

[مبدعة]

الله وناسه جداولكم تونس

انا اول مرة اييب خدامة و استانست شفت الجدول على اساس اعرف شنو اشغلها فيه

يعطيكم العافيه

 

[شانييل]

السلام عليكم
ردو السلام...........ههههه
شوفوا عندي أن بيتي دور أرضي
7-9صالات الضيوف والديوانية وصالة المعيشة, الصبح كل يوم وقبلهم الحمامات كلهم ثلاثة صغار.
9-10بعدين وقت الريوق.
10-11 وقت غسيل الملابس يومي
11-1بعدين وقت الغدا................ شي بسيط وأنا أساعدها ساعات
1-3 قترة الغدا وترتاح طول العصر
بعدين ممممممممممممماااااكو شغل بس ساعات ترد تنظف الصالة بسبب اليهال
وممكن تكوي الملابس بالهفترة يس همن شوية لأنها كل يوم تكوي بي الملابس الداخلية ما أخليها تضربها أوتي(من بيشوفها هههه)
نا عدا فنايل ريلي وملابسة
أما دشاديشة وغترة بالمصبغة

 

["تعاليل"]

انا اموت على التنضيف..اول ماتقوم الشغاله تغسل الحمامات.وتكنس الحوش.وتغسل الملابس..وبعد الغدا تغسل المواعين والمطبخ..العصر كوي الملابس..وباليل تسوي العشا وتنضف المطبخ...وكل جمعه..امسح غرفتي الارضيه..مع احواض الحنفيه..والجدران..وتغسل الستاير كل ثلاث اسابيع..بس مع هالجو..كل اسبوع..المواد المستخدمه..تايد..كلوركس..ديتول الاخضر..الجل الاخضر..فبري باليمون..كمفرت..شموع معطره للحمامات.او فواحه شمع اوكهرائيه....وسلامتكم..