السلام عليكم ورحمة الله وبركاته
خواتي ... آنا سويت حق نفسي جدول متابعة عشان أقيم أدائي والتزامي بأهدافي
هالجدول تقدرين تحطينه في بوكج ويكون معاج طول اليوم خصوصا حق اللي مثلي أغلب يومهم برة البيت
أو تقصصين كل يوم بروح وتلزقينها في مذكرتج
أو تعلقينها في مكان واضح في بيتج
المهم تكون دايما جدام عينج عشان تذكرج بأهدافج
وميزتها ... خصوصا إذا خليتيها كاملة ما قصصتيها إنها راح توريج نمط معين
راح تشوفين الصورة العامة ما راح اتكلمين عن يوم واحد لأ راح اتكلمين عن أسبوع كامل
هالأسبوع آنا خربطت الأسبوع الياي بيكون أحسن ان شالله
وبنهايته تقدرين تشوفين أدائج خلال شهر كامل
وحلال عليكم اللي تبي تنقله مثل ما اهو أو تبي تتصرف فيه تعدل عليه تزيد أو تنقص اخذو راحتكم ... عليكم بألف عافية
هذا الجدول وشرحه
http://www.up-king.com/
راح أبدا بأول سطر من كل عمود ... اليوم والتاريخ طبعا عشان اتابعين يوم بيومه
تحته رسمة فيها 8 قلاصات ... كلما شربتي كوب ماي لوني قلاص عالورقة
آنا ألون قلاصات الماي بالأزرق والعصاير والحليب وغيرها من السوائل ألونها بلون ثاني عشان أعرف معدل استهلاكي
انيي حق السطر اللي تحتها ... فيه صورة وحدة تمشي ... حطي عليها دائرة أو صح إذا سويتي رياضة، وإذا ما سويتي حطي عليها X
وبعدين يمها في 3 سمايليات ... إذا كنتي ملتزمة بالأكل الصحي لوني المستانس
وإذا خربطتي وايد لوني اللي زعلان
وإذا كنتي زوينة ... ملتزمة بشكل عام بس خرتيها شويوووونة لوني اللي حلجه خط جذي __
وهالأشياء كلها تسوينها بشكل يومي
تقدرين تضيفين خانة تحتهم بعد تكتبين فيها بالضبط شنو كليتي بس آنا قلت خليها مختصرة أحسن
الحين في شغلتين راح تسوينهم بشكل أسبوعي
آخر عمود عاليسار اللي اهو يوم الوزن خليته يوم السبت مثل ما اتفقنا وتعمدت أحط هالصورة عشان تحسون إن محكمة مو بس قياس وزن كيفي شريرة
وعند الامتحان يكرم المرء أو يظل كريما لأن الله سبحانه وتعالى كرمه :yaaaaaarb:
وفي سطر تحت الخانات اللي تكلمنا عنها سميته Healthy habit of the week
اختاري فيه عادة صحية أو أي عادة زينة ودج تطورين نفسج من خلالها مو شرط تكون لها علاقة بالصحة والوزن
بحيث إنج تركزين عليها طول الأسبوع وإذا حسيتي إنج محتاجة بعد وقت عشان اتعودين عليها مددي أسبوعين
لا تضيفين عادة ثانية يديدة إلا لما تكونين تمكنتي من الأولى عشان ما تضغطين على نفسج
أمثلة على العادات الزينة
بالنسبة لي هالأسبوع قررت إني ما أنام على بطني :bbbiu:
نومة منهي عنها ومو مريحة وتعور الظهر وتكبر الكرش والصدر
بصراحة آنا ما كنت أحبها كلش بس فترة طلع لي جيس دهن وانتو بكرامة عالعصعص ومن العوار كنت أضطر أنام على بطني
تقريبا استمريت على هالحال 3 أشهر عقبها سويت عملية وشلته بس المفاجأة
تاداااا ... ما قمت أعرف أنام إلا على بطني
أعتقد بمدد أسبوعين ليما أتعود ما أنام إلا على جنبي اليمين وايدي تحت خدي مثل ما وصانا رسولنا الكريم عليه الصلاة والسلام
أمثلة ثانية
- إضافة الخضار حق وجباتج بشكل يومي
- رياضة لو عشر دقايق بشكل يومي
- شرب 8 كواب ماي
- القعدة امبجر إذا كنتي مخربة نومتج بالعطلة ... وغيرها وغيرها
الهدف من الأسبوع التدرج يعني ما اتيي وحدة ما تشرب ماي كلش وتشرب فجأة 8 اكواب
أضمن لج ما تستمرين على هالوضع وايد لأن راح تحسين الماي مفروض عليج
أما إذا اليوم شربتي كوب وباجر كوبين والثالث 3 أكواب وهكذا راح يصير الموضوع وايد أسهل
سوري قرقت وايد وصكيت راسكم بس شسوي بعد كنت أبلة ... كل شي لازم أشرحه بالتفصيل الممل
هذا رابط تحميل الاكسل شيت
خواتي ... آنا سويت حق نفسي جدول متابعة عشان أقيم أدائي والتزامي بأهدافي
هالجدول تقدرين تحطينه في بوكج ويكون معاج طول اليوم خصوصا حق اللي مثلي أغلب يومهم برة البيت
أو تقصصين كل يوم بروح وتلزقينها في مذكرتج
أو تعلقينها في مكان واضح في بيتج
المهم تكون دايما جدام عينج عشان تذكرج بأهدافج
وميزتها ... خصوصا إذا خليتيها كاملة ما قصصتيها إنها راح توريج نمط معين
راح تشوفين الصورة العامة ما راح اتكلمين عن يوم واحد لأ راح اتكلمين عن أسبوع كامل
هالأسبوع آنا خربطت الأسبوع الياي بيكون أحسن ان شالله
وبنهايته تقدرين تشوفين أدائج خلال شهر كامل
وحلال عليكم اللي تبي تنقله مثل ما اهو أو تبي تتصرف فيه تعدل عليه تزيد أو تنقص اخذو راحتكم ... عليكم بألف عافية
هذا الجدول وشرحه
http://www.up-king.com/
راح أبدا بأول سطر من كل عمود ... اليوم والتاريخ طبعا عشان اتابعين يوم بيومه
تحته رسمة فيها 8 قلاصات ... كلما شربتي كوب ماي لوني قلاص عالورقة
آنا ألون قلاصات الماي بالأزرق والعصاير والحليب وغيرها من السوائل ألونها بلون ثاني عشان أعرف معدل استهلاكي
انيي حق السطر اللي تحتها ... فيه صورة وحدة تمشي ... حطي عليها دائرة أو صح إذا سويتي رياضة، وإذا ما سويتي حطي عليها X
وبعدين يمها في 3 سمايليات ... إذا كنتي ملتزمة بالأكل الصحي لوني المستانس
وإذا خربطتي وايد لوني اللي زعلان
وإذا كنتي زوينة ... ملتزمة بشكل عام بس خرتيها شويوووونة لوني اللي حلجه خط جذي __
وهالأشياء كلها تسوينها بشكل يومي
تقدرين تضيفين خانة تحتهم بعد تكتبين فيها بالضبط شنو كليتي بس آنا قلت خليها مختصرة أحسن
الحين في شغلتين راح تسوينهم بشكل أسبوعي
آخر عمود عاليسار اللي اهو يوم الوزن خليته يوم السبت مثل ما اتفقنا وتعمدت أحط هالصورة عشان تحسون إن محكمة مو بس قياس وزن
كيفي شريرةوعند الامتحان يكرم المرء أو يظل كريما لأن الله سبحانه وتعالى كرمه :yaaaaaarb:
وفي سطر تحت الخانات اللي تكلمنا عنها سميته Healthy habit of the week
اختاري فيه عادة صحية أو أي عادة زينة ودج تطورين نفسج من خلالها مو شرط تكون لها علاقة بالصحة والوزن
بحيث إنج تركزين عليها طول الأسبوع وإذا حسيتي إنج محتاجة بعد وقت عشان اتعودين عليها مددي أسبوعين
لا تضيفين عادة ثانية يديدة إلا لما تكونين تمكنتي من الأولى عشان ما تضغطين على نفسج
أمثلة على العادات الزينة
بالنسبة لي هالأسبوع قررت إني ما أنام على بطني :bbbiu:
نومة منهي عنها ومو مريحة وتعور الظهر وتكبر الكرش والصدر
بصراحة آنا ما كنت أحبها كلش بس فترة طلع لي جيس دهن وانتو بكرامة عالعصعص ومن العوار كنت أضطر أنام على بطني
تقريبا استمريت على هالحال 3 أشهر عقبها سويت عملية وشلته بس المفاجأة
تاداااا ... ما قمت أعرف أنام إلا على بطني
أعتقد بمدد أسبوعين ليما أتعود ما أنام إلا على جنبي اليمين وايدي تحت خدي مثل ما وصانا رسولنا الكريم عليه الصلاة والسلام
أمثلة ثانية
- إضافة الخضار حق وجباتج بشكل يومي
- رياضة لو عشر دقايق بشكل يومي
- شرب 8 كواب ماي
- القعدة امبجر إذا كنتي مخربة نومتج بالعطلة ... وغيرها وغيرها
الهدف من الأسبوع التدرج يعني ما اتيي وحدة ما تشرب ماي كلش وتشرب فجأة 8 اكواب
أضمن لج ما تستمرين على هالوضع وايد لأن راح تحسين الماي مفروض عليج
أما إذا اليوم شربتي كوب وباجر كوبين والثالث 3 أكواب وهكذا راح يصير الموضوع وايد أسهل
سوري قرقت وايد وصكيت راسكم بس شسوي بعد كنت أبلة ... كل شي لازم أشرحه بالتفصيل الممل
هذا رابط تحميل الاكسل شيت
الموضوع مو منقول ولا مبيوق (حسيتها بدلية) آنا Busybee
بس هالمنتدى ما رضى يسجلني بهالاسم
أتمنى تستفيدون من هالصفحة وتكون لي علم ينتفع به إذا الله خذا أمانته
وسلامتكم
