السلام عليكم
قصيده اعجبتني جدا جدا
في احدى المنتديات
لشاعر اسمه ,, / راشد النويعم
وحبيت انقلها لكم وتشوفونها وان شالله تعجبكم
ولا تبخلون علينا بالردود الطيبه
البارحه وجـروح قلبـي سقيمـه=والقلب داجت به كثير الهواجيـس
عليك بمخـاوا الرجـال الكريمـه=وابعد عن مخاوا الرجال المدانيس
اهل الردى عند المراجـل عديمـه=واللي مشى بالعيب هيسن ولد هيس
وترى الوفى والطيب خصله عظيمه=طبعن من اطبوع الحرار القرانيس
تفداك ناسـن ماتعـرف الحشيمـه=وتفداك بيضن يلبسـن المحابيـس
بعض الوجيه البعد عنهـا غنيمـه=وبعض الوجيه القرب منها نواميس
ويعض الوجيه اتقول ربـي يديمـه=وبعض الوجيه بشوفته كنه ابليـس
وبعض الوجيه الطيب فيها ظليمـه=وبعض الوجيه الطيب فيها مراميس
واكسب مع الاجواد قدرن وشيمـه=وابعد عن اعلوم الرجال المدانيـس
