جديد فهد المساعد : آخر الصيف - لحظة الفرقا - الريح والنّاي ,

[● عـِـِـِزۈة آخ‘ـَـۈاْنـهـآ «-~]

السلام عليكم ورحمة الله وبركاته ،

ثلاث قصائد جديدة ( كتابة , فيديو ) لأول مرة تنشر ولأول مره يلقيها فهد
​

(1)
آخر الصيف


http://www.youtube.com/watch?v=Ssw4WrO1LBY&feature=player_embedded

تغيّرت بنـت الضلوع المهاديـف
تغـيّرت والله .. وانـا في رجـاها

مدري متى ؟! أو وين ؟! أو ليه ؟! أو كيف !؟
لكـن اعـرف أنه تغـّير غلاها

هي سلمتـني للزمن والصواديف
وانا اتذّكرها .. ولا اذكر خطـاها

شهور .. كن غيابها في الصدر ضيف
مافيـه ضـلعٍ ماتقـوّس وراهـا

حاولت فيها ترجع .. وقلت : ياحيف
هو من متى والأرض تنكر سماها ؟!

كم كان وجه الحزن في عيونك مخيف !
كم كنت أواسي دمعتك في شقاها !

نسيتي أمواج الزمن والعواصيف ؟!
وضلوعي اللي كم غفيتي وراها

ودعـتي البحر .. ورميتي المجاديف ؟!
من وصلك هذي الشواطي سواها ؟!

ياما كتبتك فوق روس المشاريف
قصايدٍ مر السحـاب وقراهـا

ويوم المطر مرّت عليـه السواليف
حوّل يبي ضحكتـك تسقيه ماهـا

وياما انجرحتي من فراق المواليـف
وقسوة قلوب الراحلين وجفاهـا

طيب علامك كل ماارسلت لك طيف
عـوّد عليّ بدمـعةٍ مابكـاهـا !!

حقـك عليّـه يالعـروق الملاهيف
دام السوالـف واصله منتهـاها

الله عطاها من هنا لآخر الصيف
إن عـوّدت للقلب .. والا نساهـا
​

(2)
لحظة الفرقا


http://www.youtube.com/watch?v=5h106tNLQZc&feature=player_embedded

اليـوم صـوتي يناسب لحـظة الفرقـا
كانـك تبينـا نتـفارق .. خلّهـا الليـله

من ينتظـره الشقـى .. لو ينتظـر يشقـى
دام الشقـا ينتظـرني .. ليـه مااجـي لـه ؟!

ياقلـبي المنتظـر .. مكـتوب لـك تبقـى ..
محـروم حـتى من اللي كنـت تشكي له

خـل المراكـب تســير ..و ودّع الغرقـا
في مـوادع الحمْـل .. راحة من هو يشيلـه

اللـي يـدّور عـذر لفـراقـي .. بيلقـى
يامـن نويـت المفـارق .. قبـل تمشـي لـه ..

أرحـل من احلامـي اللـي قلت لـك ترقى
ومن روحـي اللي ماعاد اعـرف من هي له !!

ومن دفتـرك .. وأرتبـاك خطوطـه الزرقـا ..
ومـن كل ضحكـه , ودمعـه .. في تفاصيلـه

أرحـل .. و خـذ ذكرياتـك معـك .. لاتبقـى
ساعـدني أرجـع لنفسي كان لـك حيلـه

علمتـك الوصـل .. علمــني على الفرقـا
محـتـاج لي قلـب .. يشبـه قلبـك .. اللـيلـه
​

(3)
الريح والناي

​

http://www.youtube.com/watch?v=C3ewaj64EgY&feature=player_embedded​

ليلة فـراق .. وبـرد .. وبـروق .. وريـاح
وصوت المطر يفصل خطاها عن خطاي

نقـرب وتنبـت في الوطا بيننا رمـاح
حـتى تلاقيـنا .. لقـا الريـح والنـاي

أخـر لقـا يغزل من الغيـمة وْشـاح
وأول لقـا يمضـي .. بلا موعـدٍ جـاي

مسحـت عن وجناتهـا صـبر وجراح
وأنا جراحـي كانت أكـبر من بكـاي

قلـت أذكريـنـي ماهمـا بـارق ولاح
وأيـّاك تبـكـيني .. تـرى الدمـع نسّـاي

إذا اسألـوك النـاس .. قـولي لهـم : راح
بالـك يجـي طاري وداعـي وفرقـاي

تـرى الفـراق الموحش .. فـراق الأرواح
أما الجسـد لـو غبـت .. تحييـه ذكـراي

صـدّت و فـي وجناتهـا .. الدمـع ذبّاح
وأنـا أعتـذر لعيونهـا عـن سوايـاي

تبكي .. وأنـا امسح دمعهـا كل ماطـاح
كنـت أحسـب كفوفي بتمسح خطايـاي

لـو جـْرحتني وقـتهـا .. يمكـن أرتـاح
لكنــها .. وبــدون كلـمـه ولا راي ..

أقـفت تـوّدع .. عمرهـا اللي معـي راح
واقبلت أودّع عـقبهـا .. عـمـري الجـاي

​

أتمنّى أن تروق لكم - :rose: -
​

 

[حـوريـه]

تسلمين ~

 

[nono93]

صح الساااااااااااااااااااااااااااااانج

 

[يالبيه 17]

لاهنتي يالــ غ ـــلإ

 

[ملآمح يوسفيه]

وابدعت ِ يالغلا

قصائد فخمه من شاعر رائع

تسلمين
​

 

[miss شوشو]

صح لساااانه
لاهنتي يالغلااا

 

[رآء يآء ميم]

لبــــى فـــهـــد


ولــــبـى ذوووقتس


لا تـحـرمــيـنا منــهـ

 

[قَلبيْ صُويبكْ !]

,


أبدعتي يآقلبي ّ
لآإهنتي ~

 

[A6O0O6A*_*]

رد : جديد فهد المساعد : آخر الصيف - لحظة الفرقا - الريح والنّاي ,

الله عطاها من هنا لآخر الصيف
إن عـوّدت للقلب .. والا نساهـا


رووووعه يسلمووو حياتي​

 

[● عـِـِـِزۈة آخ‘ـَـۈاْنـهـآ «-~]

رد : جديد فهد المساعد : آخر الصيف - لحظة الفرقا - الريح والنّاي ,

تسسسلموون كليآتكــون عآلمرور

مآننحرمششي يــآرب {



​

 

[::كسرة عود::]

لاهنتي يالغلاا

 

[^حيزبونه^]

روووووعـــــــه

لاهنتي يالغــــــــلااا

 

[● عـِـِـِزۈة آخ‘ـَـۈاْنـهـآ «-~]

رد : جديد فهد المساعد : آخر الصيف - لحظة الفرقا - الريح والنّاي ,

لآ هآن غآليكم

سلمتـوا




​

 

[فطفط نجد]

فهد فقط لاغيييير