جراحة خلع الاسنان

[MinnieMouse]

السلام عليكم
شخباركم ؟
خواتي منو فيكم سوت جراحة لخلع سن عادي مو ضرس العقل بس مكسوور تام منه شوي
ابى اعرف جراحة الخلع اتعور ولالا ؟
وكم تستمر يعني كم ساعه ولا كم دقيقه ؟
افيدوني جزاكم الله خير
وبعد مايخوز البنج اتحسون بعوار ولالا ؟

 

[((هايدي))]

حبيبتي انا سويت خلع اليوم لثالث ضرس عاليمين للتقويم يعني
البنج والابره ماتحسسين
بس صج اللوعه لما تحسينه يحرك الضرس
انا متعقده وعندي فوبيا من دكاتره الاسنان ههههه
حتى يقولي على حركاتج هااي تبين احطلج على ام بي سي 3 ؟

 

[krkooora]

انا مسويتها
كنت بخلع ضرس
ولا الدكتور العبقري يقوم يكسر الضرس
و يخلي الجذر داخل
رحت خاص عيادة تيجان عند الدكتور شادي
سوالي جراحه و شالي الضرس والله العظيم اقل من نص ساعه انا مافيني شي الحمدلله
ولا حسيت بعوار ولا حسيت بالخياط ولا حسيت بشي

 

[MinnieMouse]

معقوله !!!
خواتي الصراحه طمنتووني ماقصرتوا مشكورااااات
ضحكتيني لما قلتي ام بي اسي 3 ههههه

 

[MinnieMouse]

اب ب اب

 

[الفوز حلو]

انا قبل لااسوي ميته خوف سويت سيرج امس وطلع لي موضوج هههههههههههه
واليوم شلت ٢ >> مجرمه
حنيت عليه مالي خلق اجي مرتين عقب ماشال الاول شال ٢ سهااالااات جداً عادي
خنقولج انا نفس حالتج واحد منهم بقايا جذر
وال٢ نصه باقي بس وشالهم جراحه ولاحسيت الا بالابره شوي خفيف والخلع ابداااً خصوصا الي بس جذر هذا اصلا انصدمت قلت له ها خلصت قال اي مااحسيت الحمدلله فتوكلي على الله ماكو الا الخير إن شاءالله

 

[الفوز حلو]

نسيت ياخذ ربع سااعه ويمكن ااقل بعد
ووانا قبل شوي شلته ساعه ٦ وللحين ماكو عوار بس عزج الله دم وعادي بس لاتمضمضين الا بعد ٢٤ سااعه اشربي باارد
وخلج قوويه والله سهااالات ماكو اخوف مني خلص الموضوع بدقايق امس خذت تحويل اليوم خذت موعد الصبح والمغرب خلعت اي عطاااني مسكن الم بس للحين مااحتجته الحمدلله

 

[thahb_q8]

up up up

 

[جـــواهر]

طمنتوني انا عندي بقايا جذر ولازم جراحة خلع

 

[MinnieMouse]

مشكورين

 

[Sareeta]

انا سويت خلع لضرس منشال بس باقي جذورة وقعدت ٥دقايق من غير مبالغه وشالته وما حسين باي عوار الحمد لله
بس الي بيضايقج شوي الدم لازم نص يوم تقريبا حاطة شاش عشان الدم

 

[thahb_q8]

يعني سوو لج جراحه؟؟
ووين سويتيه؟ عند اي دكتور؟؟

 

[انجبر قلبي]

حبيبتي اللي مكسور و تام منه شوي لا تخلعينه حرام سويله تلبيس انا سويت جذي و خلي الخلع اخر الحلول هذي اسنان ما تتعوض و اذا خلعتي راح ياثر ع شكل اسنانج مستقبلا

 

[أغلى حبيبه]

انا صارلي اسبوعين ماخذه التحويل وميته من الخوف
من كلامكم جنه الجراحه سهالات
ودي بعد شوي اروح وافتك بس الخووووف ذابحتي

 

[انجبر قلبي]

لا تخافين حبيبتي شي اكيد بتكونين امبنجه وماتحسين توكلي ع الله سهالات