جراحه ضرس العقل

["بوح الجروووح"]

السلام عليكم بنيات

انا عندي موعد جراحه لضروس العقل كلها يشلعونهم من بكر ابيهم بطو جبدي تعبت والله مت منهم اللي وارم له اسنين واللي مايل والله حالتي حاله .
المهم منو فيكم سوت هالجراحه ياليت تطمنون قلبي والله قلبي يرقع .حتى من الخرعه نسيت اسأل الدكتور بنج كامل او موضعي لان قال لما اشيلهم اسوي لج غرز .شكل السالف جايده
واهم شي متى اطيب ويروح الوجع واخذ طبيه وجم يوم يعيني راحه .
بنات عفيه اللي تجاوبني راح ادعيها من كل قلبي دعوه صادقه ان شاء الله .:yaaaaaarb:

 

[الباحثات عن الجمال]

الموضوع سهل أنا خلعته عادي مو بنج كامل موضعي ولا تخافي وبالعافية.

 

["بوح الجروووح"]

يعافيج ياقلبي
بس بسألج متى راح الوجع مره وحده وسوا لج غرز او لا ؟

 

[hello1]

الله يعينج ما عندي فكره

 

[عالم البزنس]

الحين قامو يسوونه ليزر

 

[عالم البزنس]

اخوي لصغير الوالد وداه لعيادة بوشهري
في دكتور ايراني زيييييين حده ماعرف شسمه للاسف
سوا ضرس العقل لاخوي بالليزر
وعقب 3 ساعات قام ياكل اخوي معانا عادي
روحي لعيادة بوشهري وسألي عنه

 

["البتول"]

أب أب أب أب أب

 

["بوح الجروووح"]

اخوي لصغير الوالد وداه لعيادة بوشهري
في دكتور ايراني زيييييين حده ماعرف شسمه للاسف
سوا ضرس العقل لاخوي بالليزر
وعقب 3 ساعات قام ياكل اخوي معانا عادي
روحي لعيادة بوشهري وسألي عنه

اي سألت عن الليزر يقولون لقطع اللثه ويطلعون الضرس المدفون .انا عندي واحد بس مدفون والباقي طالعين ربع وواحد معطيها ميالي .زين شنو نوع البنج اللي معطينه ؟وحطو له غرز اولا ؟

عفيه ابي تفصيل اكثر .

 

["بوح الجروووح"]

اي صح ماحد رد علي بخصوص الطبيه ؟
الافضل اشلع من يوم الاحد ؟عل الاقل اسبوع على ما اطيب ؟

معقوله محد شال ضرس العقل .واخذ طبيه
بنات وينكم ؟؟؟؟؟؟؟؟

 

[UNICORNA]

انا ماسويت جراحه لضرس العقل ولكنى خلعته اول امس وخذ وقت شوى لان كان به مشاكل

بس تم الخلع بشكل عادى مثله مثل اى سن

 

["بوح الجروووح"]

كتبت رد اشطوله وطار

اسنان ستايل اشكرك من كل قلبي ع الشرح الوافي والكافي والله يقدرني واشيلهم كلهم

 

[ii DareeN ii]

الجراحة سهله لكن ساعات بنج كامل اذا كانو اكثر من ضرس

 

[حجيه هيونه]

اريح لج والله

انا شلتهم 3 بعملية وبنج عام


الحمدالله كان وايد وايد اهون من انج تشيلينهم واحد واحد

وماياخذ وقت ان شاء الله ويبرى يعني اسبوع بالكثير الا انتي ناسيه الموضوع

 

[صمت المرافئ]

اي سألت عن الليزر يقولون لقطع اللثه ويطلعون الضرس المدفون .انا عندي واحد بس مدفون والباقي طالعين ربع وواحد معطيها ميالي .زين شنو نوع البنج اللي معطينه ؟وحطو له غرز اولا ؟

عفيه ابي تفصيل اكثر .

حبيبتي آنا مسوية جراحة لجميع ضروس العقل عندي
طبعا مو كلهم مع بعض
شلت أول اثنين وكانو طالع منهم الربع ما احتاجوا خياط وغرز
وبعدها بسنين سويت الاثنين الباجين وكانوا مثل ما تقولين مدفونين تحت الجلد
بس تأذيت من ألمهم ودائما وارمين وما كنت أقدر آكل
شلت واحد وبعده بثلاث أسابيع شلت الثاني
بجراحة طبعا بنج موضعي لا تخافين
وسوولي غرز طبيعي لأن العملية احتاجت كون الضرسين تحت الجلد
ولا تخافين ... مثل ما يقولون انتظار المصيبة أشد من وقوعها
صدقيني العملية أهون من الألم والانتظار
​