جربتوا تبيعون كتبكم (روايات , قصص ) ؟ + وين القي احسن مكتبه للروايات الانجليزيه ؟

[strawberry89]

السلام عليكم


منو جربت تبيع أو اشلون تتخلصون من الكتب الي قريتوها ؟؟ لانه المكتبه ما قامت تشيل ماشاء الله


ثانيا وايد رويات امريكيه قديمه ابيها بس ما القها باي مكان :0bee2e8d89: قهر

اقترحوا علي بكتبات تبيع روايات شوي قديمه

 

[strawberry89]

منو جرب يقري كتاب Roots by Alex Haley

 

[Little_Queen]

سألي بنات تجمع قارئات الانجليزي عن السؤال الثاني


اما السؤال الاول


.... اذا المكتبه ما تشيل ...

اشتري مكتبه ثانيه -_- .. بس مادري ما أحب اتخلص من كتبي
شوفي في نادي اسمه نادي ديوان للقراءة ، بينظموون قريبا معرض كتب مستعمله و يبون ناس يتبرعون بكتب ما يبونها

شنو نوعيه كتبج ؟

اهما يقبلون كافه الانواع .. بس كتب دراسيه لأ

 

[{هتًان}]

رد : جربتوا تبيعون كتبكم (روايات , قصص ) ؟ + وين القي احسن مكتبه للروايات الانجليزيه

انــــا مثــلج عنــــدي كتب ببيـــعها

ونزلت موضوووووووووع

بس ماحصلت جواب

!!

 

[strawberry89]

يعني أكثر روايات لـ اغاثا كرستي وكتب وايد غيرها

 

[غيدآء]

حاولي تبيعين الكتب بالمعارض

او وزعيهم على رفيجاتج او خواتج وبنات عمج

بالنسبه للكتب الاجنبيه تلاقينها بمكتبة جرير

 

[وهج الحب]

السلام:
الجذور انا قريتها بس من سنوات عديدة ..بس اذكر انها رائعة بس لا اذكر كثير من التفاصيل ..اذكر كلمة "كونتا كونتي انظر لمن هو اعلى منك ..لاني دائما يومني مراهقة اقولها لولد اخوي

تقدرين عن طريق المعارض مثل ما قالت اخت هنا ..لكن اظن حجز الطاولة بيطلع لج اكبر من الفلوس اللي بتطلعينها ..
وفي طريقة انج تطلبين من المديرة انها تسمح لج بعرض كتبك بمعرض خاص للطالبات بالمدرسة ...
او انك بمجهود شخصي توزعين للبنات ان عندك كتب تريدن التخلص منها عن طريق البيع وتقومين بكتابه اسماء الكتب وتوزعينها على الطالبات بالمدرسة وتحددين السعر المطلوب فيها ..

واحنا كان الانجليز اللي جنب بيتي يسون "سيل يارد " يعرضون فيه كتب وادوات ما يبونها ..بس التخلف اللي عندنا يعايرون بكل شئ ..

واذا تقدرين تسافرين بكتبج في الشارقة يسون معرض للكتب اللي انقرت بس خلص الحين ولا اعرف موعده لان انا اختي من امي ظبيانية وتقول تروح تشتري كتب من هناك لانهم ارخص ..

اذا ما قدرتي سوي لج مكتبة تفصال كبيرة في الحائظ في اي زاوية بالبيت ما احد يستخدمها مثل انا مسويتها فوق في المكان بين باب السطح والدرج عملت مكتبة من الارض الى السقف وكلها رفوف ..اذا انتي بيت اهلج اطلبي منهم وبعدين يستغلونه بحفظ شنط السفر واذا ببيتج ما فيه مشكلة ..
وللكتب الجديدة بعد مسوية في غرفة نص كبت للكتب اللي لم اقراها ..

 

[miss-fofo]

مكتبة جرير فيها وايد كتب انجليزية وروايات

و الكتب جربي توزعينهم على بنات تعرفينهم ويهتمون بالقراءة

 

[زينة الشرق]

رد : جربتوا تبيعون كتبكم (روايات , قصص ) ؟ + وين القي احسن مكتبه للروايات الانجليزيه

بالنسبة لي لأ أحب أحتفظ بالكتاب اللي أقراه

 

[C'est La Vie]

www.q8books.com يشترون كتب مستعملة

واحسن مكتبة للروايات القديمة اهي مكتبة المثنى اللي بالسرداب

 

[راعية الطويلة]

رد : جربتوا تبيعون كتبكم (روايات , قصص ) ؟ + وين القي احسن مكتبه للروايات الانجليزيه

رفـــــــــــــــــــــــع

 

[ام بنتها]

مكتبة العروبه بالمثنى تحصلين كتب انجليزيه قديمه و اذا لقيتي حل حق الكتب الي ماتبينها قوليلي لأن انا بعد عندي كتب ماابيهاا

 

[strawberry89]

مشكورين وماقصرتوا

 

[voxme]

المكتبة التراثية بقرية يوم البحار يقبلون الكتب المهملة كتبرع او لديهم نظام المبادلة موفقين

 

[أنثى اليمامة]

رد : جربتوا تبيعون كتبكم (روايات , قصص ) ؟ + وين القي احسن مكتبه للروايات الانجليزيه


الي عندها كتب ما تبيها تعطيني اياها اشتريها ... حرام هالكتب ...!

 

[pinky.suger]

حبيباتي انا ابي الكتب الى استغنيتوا عنها وياريت تحطون قائمة باسماء الكتب عشان نعرفها .
وموفقين

 

[رحيل المرافيء]

رد : جربتوا تبيعون كتبكم (روايات , قصص ) ؟ + وين القي احسن مكتبه للروايات الانجليزيه

ايه جربت هني بالمنتدى
بس البنات ماعندهم مصداقية وماهم جادين
ووزعيهم على رفيجاتج او بيعيهم عليهم

 

[أنثى اليمامة]

رد : جربتوا تبيعون كتبكم (روايات , قصص ) ؟ + وين القي احسن مكتبه للروايات الانجليزيه



رفع ...

وين البنات الي عندهم كتب ...!!