جرحني بكلمتة لي حيل الله يسامحه ويصبرني

[عربا]

صباح الخير ويارب نكونون بخير بنات جرحني امس بكلمتة لي قال انتي ما عندش ثقة بنفسك لاني سالته امس عن صراحتي في مشاعري تجاهه والمسجات اللي اطرشها له قال مافيه داعي لذا الشي لان على قولته المحبة بالقلب بنات شلون استعيد ثقتة فيني واقوي شخصيتي

 

[شادن33]

حبيبتي يمكن هو قال جي عشان انتي كله تاخذين رايه بكل شي مهم وغير مهم
مره ثانيه لاتسالينه خليج واثقه ان الشي اللى سويتيه صح وحلو
لاتزعلين حبيبتي

 

[iLLuMinaTion]

الله يسامحه وطوفيها

 

[رشيدية وافتخر]

الله يسامحه وطوفيها

معاها

 

[Soso_Bronzy]

الثقه اهم شي بالحرمه .. واهي اللي تجذب الرجال فيك
يعني اذا ماعندك شخصيه بتشوفينه مستحقرك على طول
وعالطالعه والنازله يعذرب فيك وفي اللي تسويه ..

اول شي :
حاولي تعزلين شخصيتك عنه بحيث انه اذا تبين الشي .. تقولينه وانتي مقررة بنفسك وتبينه ومنتهي الموضوع بالنسبه لك .. ماكأنك تشاورينه ..
من ناحية المشاعر .. لا تفرطين فيها .. خليها مرات ومرات عشان يشتاق لك ويشتاق لكلامك .. واذا حكيتي له حطي بنفسك انك واثقه من مشاعرك ومايهمك رايه في مشاعرك ..
لا تكثرين الاسئله عليه في بعض القرارات او اي شي .. خلي شخصيتك مستقله برأيك بمشاعرك بقرارتك

ولاتعتبرينها سبه لك بالعكس .. زين قالك عشان تنتبهين لنفسك
معاه او مع اي شخص

والله يعينك

 

[عربا]

بنات انا خايفة تكون فية وحدة بحياتة لان مهما اسوي احسه مش معي وعلى طول التلفون ما يفارق يده ويراقبه كنه ينطر شي وانا نفسيتي صايرة زفت والله مش بيدي افهموني

 

[شادن33]

لاتحطين ابالج هالشي
ولاتشكين موزين ياثر على تصرفاتج بعدين

 

[تحب الفرفشة]

لاتحرقين قلبج ولا شي محد يسووووى
هالرياييل مال تيمعينهم كلهم وتقطينهم بزريبة

 

[عربا]

والله انج صادقة ان ذا الشك تعب نفسيتي مرة
بس شسوي شوري علي

 

[ام كوثر2007]

بنات انا خايفة تكون فية وحدة بحياتة لان مهما اسوي احسه مش معي وعلى طول التلفون ما يفارق يده ويراقبه كنه ينطر شي وانا نفسيتي صايرة زفت والله مش بيدي افهموني

حبيبتي اذا انتي شاكه فيه عنده احد . بدال ما تضيعين وقتج وتبين تعرفين اهو يخونج او لا


حاولي تعدلين بنفسج .. شوفي شنو الشي اللى فيج اللى اهو مستنفر منه ومحصله برا ..


انا ما اقصد الشكل ولا اللبس ولا السنع .. انا اقصد التصرفات


مابيج تقولين شنو سلبياااتج لنا .. احنا مالنا شغل فيها


لكن قعدي بينج وبين نفسج شوفي شنو الشي اللي فيج مخليه يدور براا ..


وبجذى راح ترتاحين وراح تحاولين انج تغيرين بنفسج ...


وعسى الله يهديه لج .​

 

[$كابتشينو$]

اب............

 

[عربا]

انا دوم مبينة له مكانته وغلاته عندي ودوم اعبر له عن مشاعري تجاهه حتى اشتياقي له ودوم اطرش له مسجات حب وغزل ومن هالقبيل وهو بين لي انه ما فيه داعي لذا الرسايل لان المحبة في القلب وهذه غلطتي اني بينت له مشاعري وكاني كتاب مفتوح لان احس انه متملل مني لانه قليل الكلام ولا يعبرعن احساسه تجاهي

 

[a7la_7b]

الله يسخره لج ويهديه
ويجملج بعينه

 

[انثى عاشقة]

الرجال ما يحب الي تلزق لزق وكل مشاعرها واضحة قدامه
بيروح يدور ع الغموض الي يكتشفه حبه حبه ​

 

[حجيه هيونه]

انا دوم مبينة له مكانته وغلاته عندي ودوم اعبر له عن مشاعري تجاهه حتى اشتياقي له ودوم اطرش له مسجات حب وغزل ومن هالقبيل وهو بين لي انه ما فيه داعي لذا الرسايل لان المحبة في القلب وهذه غلطتي اني بينت له مشاعري وكاني كتاب مفتوح لان احس انه متملل مني لانه قليل الكلام ولا يعبرعن احساسه تجاهي

ماشاء الله عليج
انا من راي قطعي عنه المسجات والتعبير عن الحب خليه يفتقد هالشي واهو الي راح يركض وراج عشان تردين نفس قبل

 

[You FOR Me Only]

الله يسخره لج

 

[كربون امها]

الله يعينج حاولي ماطلعين مشاعرج دايما خلي عندج غموض شوي

 

[shy rose]

طوفيها
وكبري عقلج
وربي مايستاهل دموعج

 

[أم توتو]

حبيبتي اذا انتي شاكه فيه عنده احد . بدال ما تضيعين وقتج وتبين تعرفين اهو يخونج او لا


حاولي تعدلين بنفسج .. شوفي شنو الشي اللى فيج اللى اهو مستنفر منه ومحصله برا ..


انا ما اقصد الشكل ولا اللبس ولا السنع .. انا اقصد التصرفات


مابيج تقولين شنو سلبياااتج لنا .. احنا مالنا شغل فيها


لكن قعدي بينج وبين نفسج شوفي شنو الشي اللي فيج مخليه يدور براا ..


وبجذى راح ترتاحين وراح تحاولين انج تغيرين بنفسج ...


وعسى الله يهديه لج .​

معاها

 

[عربا]

يارب يسلمكم والله يجزاء كل اللي ردو علي بالف خير وانا من اليوم ماراح ابين له شي ويارب يتغير للاحسن
ويحس فيني لان جد تعبت من تطنيشه لي