جرحني بهالكلمه اول مررره يغلط علي

[happy girl]

جرحنني زوجي بكلمه حسيت كانه احد ذابحني مع اني ما قلتله شي يسوا هالاهانه تحطمت من هالكلمه وخلاص كرهته عاااااااافك الخاطر انا. بس افكر اشلووون ارضيه وهو بهالسههووووله يهيينني انا حساسه وما احب احد يقوللي اي كلمه وبعدين نوعيتي صعب اسامح اشيل بقلبي والموضوووع مايسوا كلله عشان قلتله بروووح العمره قلتله ماا استاهل حتا العمره قاليي انتي ..................... اهو موضوووع السفر ينرفزه مايبي طارييييه كللش. خلاص احس انه مايحترمني كرهته اهم شي الاحترام غلا بدون احترام ما ابيه

 

[cutee__q8]

Up up

 

[Ryoomaa]

شنو يعني سوري مافهمت

 

[سفيره الكويت]

على حسب الطريقه اللي تكلمتي معاه فيها اذا كانت تنرفز او لا وموضوع السفر سبق وان قلنا اذا زوجج مايحب السفر سافري مع اهلج

ومافتكر بيمانع رايحه مع اهلج وبوسي راس ريلج وقولي يالغالي انا مو مقصره معاك ليش تعاملني هالعامله انا زوجتك حبيبتك انت شايف

مني قصور انا متحملتك ومقدرتك حتى لو غلطت علي وخذيت بخاطري بالاخير انا بشر <ياناس ترى بعض الحريم يحبونهم رياييلهم من اسلوبهم الحلو الريال يحب المره الصابره حتى على اخطائه واللي تنصحه وتهديه اذا عصب وتناقشه بهدوء

 

[عـِرۈۈق قلبــه]

خلآص يآ قلبي لآ تيبين طآري
سفرر يمكن ريآل مآ عنده أمكآنيه
و يعصصب إذا حسس أنه مو قآدرر
يلبي طلبآتج ^^

ـآلحين أنتي معصصبه عشآن جذيه تقولين هآلحجي
زوجج مآلج غيرررررره

ـآلله يهديكمممم **
​

 

[فراشة البيت]

حياتي حاولي تبينيله انج انجرحتي وايد وقوليله مشكوور لانك ماتحترمني ..قصدي حسسيه بالذنب .. ونصيحه لاتوصلين ريلج لدرجة التنرفز ..امتصي غضبه​

 

[ابدا يالغالي مانساك]

لاتجيبي طاري هالموضوع اذا كان معصب

 

[نونو العصله]

اختي اذا تدرين انه ما يحب الطاري ليش تقولين له

الله يهديه لج يا رب

واذا شفتيه معصب بعدي عنه

 

[زوجة عزيز]

اشقال مافهمت ؟ واذا على العمره روحي معا اهلج والله يعينج

 

[" ام حمود "]

حبيبتيء يمكن كان معصب وقط عليج هالكلمة لاتصيرين جذي عاد ولا تكبرين السالفه
والله كل شيء بالهدوء والاحترررام حبووبة ينحل كل شيء انتي هديء من روحج وماصار الا كل خير

 

[[[ عيون جابر ]]]

انا مافهمت شقال بعد

 

[شيوم]

حتي انا مافهمت شقال

 

[tmtmt]

مافهمت شنو الكلمه الي قالها ..

بس تقولين اول مره يغلط علي
بعدين تقولين مايحترمني !!!

اكيد يحترمج دام اول مره يغلط
وعادي تصير بكل مكان مرات اهوا يغلط
ومرات انتي راح تغلطين

وتدرين ان ما يحب هالطاري وييبتيه يمكن بطريقه غلط !

واذا انتي حساسه وايد لي هالدرجه على قولتج شلون بتكملين حياتج
يبيلها وحده تعرف تقدر الامور وتوزنها عدل
مو كل شوي زعلانه وانا حساسه وما اقدر وما احب !!

ومو شي حلو انج تشيلين بقلبج
حاولي تغيرين هالطبع ماراح يصير عندج علاقات اجتماعيه
اذا كنتي تشيلين بقلبج لي هالدرجه لي درجة زوجج ماتقدرين تسامحينه او تحاولين تعذرينه

 

[منال$]

والله انا مافهمت شو قال زوجك؟؟

 

[بقلبي انت]

مافهمت شي ؟؟؟؟؟

 

[aloooya]

؟؟؟؟؟؟

 

[ام _خلودي]

وسعي صدرج كريهته وعاافه الخاطر علشان كلمه الحياه مايبلهاا جذي

 

[الـفـجـر الـبـعـيـد]

يمكن لانه معصب لا تلومينه ويمكن اسلوبج نرفزه

او قلتي له بوقت غير مناسب

راضيه وحاولي معاه مره ثانيه بوقت مناسب

 

[Queenleo]

حبيبتي قبل ماتطلبين منه اي شيء استخيري بالاول
يعني اذا بخاطرج العمره فرشي سجادتج واستخيري ووعقب روحي كلميه
واذا كانت خيره ربج بينزل السكينه عليه ان شاء الله وويوافق
واذا لا قولي الحمدالله ويسلم راسك وامشي
الرياييل لسانهم فالت
البعض مو الكل
حطي حد ووحذريه وقوليله ماحب هالكلام
وومثل ماقلتلج استخيري قبل كل طلب

 

[مناير ...!]

مافهمت
الله يسخره لج