جرحني حبي الاول وطعني طعنه قاسيه تناسيت ماعدت اسال واعتبرته ذكرى ماضيه \ روايه واقعيه

[м9αяģ3α xP]

السلام عليكم ورحمة الله وبركاته
بسم الله الرحمن الرحيم
هالروايه انا وبنت عمي كاتبينها وااقعيه 100% ان شاءالله تعبجكم
​

الجزء الاول​

جرحني حبي الاول .. وطعني طعنة قاسيه​

تناسيت ماعدت اسأل .. واعتبرته ذكرى ماضيه
​

وبعدها عشت في دنياي .. وانا شايل همي وياي
​

والعمر مره وانا عمري معاك .. ياعساني ما انحرم شوفك عساني
​

اتحاشى الناس والكلام .. وانا خايف من اللي ياي
​

وظهر في حياتي غريب .. يطلب حبي وينطر اييب
​

رغم عينه حبي حبي الاول .. يطلب يكون اهو الحبيب
​

وانا خايف من اللي ياي
​

كيف ياناس وانا المجروح .. اتحاشى كل هم وجروح
​

واعتب على من جرحني .. واصبّر قلبي السموح
​

وانا خايف .. من اللي جاي
​

الجزء الاول
​

البر .. الساعه 11 بليل.. الكل داخل الخيمه الكبيره..
الي يضحك والي يسولف والي ياكل كستن والي يطالع تلفزيون والي يلعب لابتوب ..الخ
​

ماعاده روان قاعده صوب الدخله مالت السيارات وتلعب بالرمل اهي وبنت عمها " ملاك " والدموع بخدها كرهت العيشه من بعده اشتاقتله ودها تقوم وتلمه وتقوله احبك لا تخليني ليش تغيرت علي ليش ماقمت تكلمني ؟ ليش ماعدت اهمك بس انا تعطيني نظرات تعور قلبي ونظرات مافهمها ؟؟ مادري تبيني ولا لاء [ وضلت تفكر وساكته

]

اما ملاك نفس الحاله تحبه تموت فيه بس مو حاس فيها ولا جنه موجوده كانو حيل قراب من بعض كان يحبها وكانت تحبه حب طفوله على قولتهم بس اهي مانست هالحب لمه الحين تحبه وتبيه وتعشقه هه لدرجه تروح بيت روان بس عشان اتشوفه بس عشان تشم ريحته تبيه يلاحظها لكن لاحياة لمن تنادي ولدرجة تحاول تحب اكثر من مره بس اهو بالقلب 3> نزلت دموعها وخذت مجراها



روان بدون نفس : مريوم ليش احنا جذي ليش عيشتنا خايسه ؟
ملاك تسمح دموعها وإبتسامة سخريه : تكفين ريوم شنو بيدنا ؟ ابوي سكير وحقير ..
وامي مسكينه وعلى نياتها فلوسنا ناخذها واهو ياخذهم حق اللعب وحق شققه ..
واختي على وجه زواج واهو ماشاف المعرس ولا حتى سئل عنه الله يعافي عمي الي قايم بكل شي كافي انه بغى يذبح بنته بيده وهو سكران وبيااخذ مهر اختي كله وبيخلي لها ألف بس وكافي انه



قاطعتها روان بدموع وهي تشاهق : تفكيييييين خلاص بس لاعت جبدي هئ ليش عايلتنا جذي ليششش عمي كان مينون وعصصصصصبي ومااااات وعمي الثاني كان بروحه وماهمه احد وانواطئ وخله عياله ومااات وليش انتي ابوج حقير وحيوان وسكييير وليش ابوي انا جدامكم انا فاهم كل شي ومن وراكم بس يسفل ويطق بأمي المريضه ويتحكم فيني لبسي هذا سوي هذا فصخي هذا لا تطلعين لا تمشين مع هذول شيبيني اطلع يعني ؟؟ ليش عماتي جلاب وحيوانات ليش عمرهم مافكرو فينا بس يوزون اهلنا علينا ليش ؟؟ ليش ياربي تعبت والله تعبت
ملاك لمتها وهي تبجي وياها : خلاص رووون عفيه لا تبجين خلااص بسج



روان : ماني قادره ملاك ابي اموووت اكثر من مره حاولت انتحر بس ماقدر ماااقدر اخاف ربييي والله اخااف ربي



ملاك : شوفي ضروي يه روون عفيه لايشوفنا
جذي قومي مسحي دموعج بسرعه

　​

​

روان بس اسمعت اسمه قلبها قام يطق الف مره ومره وخرت عن ملاك ومسحت دموعها وعدلت حجابها وهي تشوفه يمر صوبهم ويعطيها نضرات غريبه مافهمتها حاولت تتجاهل نضراته وقلبها يعورها



ملاك كانت اطالعهم وهي ساكته
ضاري ركب السياره ومشى
واول مامشى نزلت دموع روان : شفتي !! الحقير جنه مايعرفني
ملاك : خل يولي الحيوان صج ماعنده قلب قومي امشي معاي
مسكت ايدها وهي متضايقه ودخلو المخيم
وقعدو صوب البنات

[​

​

خلوني اعرفكم على العايله ^^


بيت(( بو فيصل
بو فيصل : عصبي وبو ويهين على قولت المثل من بره هالله هالله ومن داخل يعلم الله
ام فيصل : مريضه وماكو شي مافيها القلب والسكر والضغط وحتى الشرايين والقلب < الله يحفظها


​

فيصل : عصبي بس حبوب وطيب عمره 20 سنه يدرس هندسه اول سنه
عيسى : هه فديته الاسمر حبوب وطيوب وغشمرجي دمه خفييف احلى شي فيه شعره وغمازاته عمره 17 بدش الـ 18 شهر 4

((​

​

روان : هالبنت عايشه هموم الكل هم اخوانها الصغار هم امها المريضه وهم ابوها المعقد عمرها 17 سنه وتدرس وعيونها عيون المها وحنطاويه وويها طوالي وخشمها حلو وشعرها طويل كثيف ورموشها كثيفه ووزنها 56 وطولها 152

وتمووت ببنت عمها ملاك اهم الثنتين على قلب واحد عسى الله لايفرقهم​

​

))


اخوانها الصغار ثلاثتهم بنفس المدرسه ومرحلة الابتدائيه عبدالعزيز و مشاري و مشعل
عبدالعزيز باولى ابتدائي
مشاري بخامس
ومشعل برابع

　​

والعايله الثانيه​

((بو ناصر واهو حييل عصبي وسكير​

وحتى حبوب كبتي ياكل ويصرف علا الي​

يكلمهم ومخلي عياله وكل ماطلبو عياله منه فلوس حتى لو 100 فلس قال مااعندي فلستوني​

واهم ماخذو ولا فلس حمر منه بس وين بيروح​

من ربه بس جدام اهله مسوي روحه مسكين​

حييييل مسكين واعياله اهما الي مايستحون​

والي مايخافون ربهم ? يعني مسوي​

عياله كلش مايستحون واهوا المسكين​

شي ينرفز مو ؟!!!!!))​

((ام ناصر المسكينه حييل على نياتها وقلبها طيب​

وتموت على عياالها عكس زوجها بوناصر بالظبط تخاف ربها واهي ربة بيت ))​

عـــيـــالـــهــم​

((شهد عمرها 20 وتدرس بالحقوق وحيل طيبه​

وعلى نياتها وتخااف على خواتها واخوانها وايد​

وحلوه))​

((عذاري عمرها 18 مخطوبه وتدرس وهم حبوبه وطيبه واحلى شي ان خذو على امهم وعلى نياتها وطيبتها ويخافون على بعضهم ويحبون بعضهم ))​

((ملاك عمرها 17 تدرس وايد طيبه وحنونه​

ودايم تفكر بأهلها وبالي تحبه عيونها​

متوسطه لا كبار ولا صغار بؤبؤة عيونها كبار​

ورموشها كثيفه واهي بيضه وويها دائري​

وخشمها حلو وشعرها كثيف وطويل يوصل اخر ظهرها ووزنها​

53 وطولها 149 وتمووت على روان بنت عمها​

جنهم توأم على قلب واحد الله لايفرقهم يارب))​

ناصر عمره 10 يدرس برابعه ابتدائي عايدها​

حمد عمره 8 سنين يدرس بثالثه ابتدائي​

((مي هاذي اختهم من ابوهم عمرها 27 تشتغل​

حاليا مو متزوجه))​

((باسم عمره 24 مو متزوج ولا يدرس بطالي​

ونسخة ابوه سبحان الله اخوهم من ابوهم بعد*))​

العايله الثالثه​

((بو جاسم اخوهم العود هاذا اهم شي عنده الفلوس​

يموت على الفلوس احس ان تزوج ام جاسم​

يوم شافها تسحب فلوس بالبنك :s جد لول​

عنده شركه مستانس فيها​

ونفسيه واحس انه مراهق على كبر​

نظام قروبات سياكل ويحط سكارفات جماجم على راسه وسلاسل على بطرونه شي يضحك ولله​

وبوتات وحركات وبنطرونا جيشي ماجيشي​

ويحب يقعد عند الحريم يتكلم عن الموضه​

مو طبيعي هالريال لوول ))​

((ام جاسم مغروره لي يت الزواره ماتحاجي احد مووليه بس تتكلم بختصار))​

((رتاج عمرها 14 جنها طرمه استغفرالله نفس امها ماترد على احد كلش وماتسولف موليه وماتعرف شي اسمه موضه جنها مصريه على لبسها :s ونظام مدرسه خاصه انقلش سكول ماتتكلم الا انقليزي ماتعرف عربي الا شوي وتترقع يعني شوي))​

((جاسم عمره 19 ومغررررررورررررررر جدا مانشوفه الا بالمناسبات ))​

((منى اختهم الصغير يعني تترقع تسولف مع هاذي وهذيج عمرها 10 بس هم نظام تتكلم انقليزي))​

العايله الرابعه​

((ام حمد عمرها بالـ40 مالها شغل بأحد))​

عيـالـها​

((هند عمرها 22 متزوجه))​

((فرح عمرها 19 هاذي كله ويا شهد وعذاري وملاك وروان 24 ساعه عندهم وكله تنام عندهم بالعطل تدرس ))​

((حمد عمره 20 ماله شغل بأحد يدرس بس يضحك​

العايله بدونه نو ويي))​

العاايله الخامسه​

((ام خالد عمرها بالـ30 سوسه درجه اولى​

تحب تشيش من كثر ماهي سوسه​

وتتتحجى وايد على الناس الله بلاها بعيال​

الله يشافيهم من ايعاقتهم اللهم لاشمااته يارب))​

عيالها​

((خالد مايمشي وعقله صغير عمره 18 ))​

((بندر اطرم عمره 9 سنين ))​

انكمل الروايه ،​

دخلو البنات داخل وكل واحد ضايق خلقها​

روان سرحت وعلى سرحانها دخل ضاري وهو يضحك​

قلبها وقف [ واي فديت ضحكته .. اففف مالت عليه خل يقص شعره صاير لا تعليق ]​

وضلت تخزه وهو يحس فيها بس مسوي نفسه مو مهتم​

روان حزت بخاطرها ولفت ويها وسوت نفسها مو مهتمه اهي الثانيه​

فجأه ضاري قام من مكانه وشغل الديجي اهو ومحمود ولد عمته وقعدو يضحكون ويطالعون البنات جنه يقولون لهم قمومو​

قامو عذاري وشهد ورقصو والكل قعد يصفق​

ضحكت روان وهي تشوف بنت عمتها فرح تهز وترقص جنها خبله​

طفو الليتات وشغلو ليتات حمر وخضر وزرق وبيض وو الخ​

ملاك : قومي روون سيارت ابوج خلينا نبلع حدي يوعانه​

روان : ههه والله حتى انا يالله​

قامو البنات وهم منخشين من اليهال وربكو السياره​

طلعو جيس البطاط وكل وحده مسكت بطاط وقعدت تاكل .. مسكت روان الايباد وشغلته وحطو ايام حبك نوال الكويتيه وكل وحده سرحت​

سرحت روان يوم كانت صغيره تقريبا عمرها 11 سنه​

كانت ابيت خالها قاعده مع بنت خالتها وتضحك​

فجأه نزل لها ولد خالها و وراه عيسى و وراه فيصل​

إستغربت وهي تشوف ضاري ولد عمها يسكته​

ولد خالها راشد : روااااان​

روان مستغربه : هاااه شتبي ؟؟​

راشد : شفتي ضااااري​

روان : ايي ؟؟​

راشد : اقوووول​

ضاري : والله اذبحك لاتقووول​

روان : خلصص قووول اعيك البطاط والله​

راشد : يقوول يحببببببببببببببببج​

روان فاجه حلجها : ... منصدمه​

دلال بنت خالتها تتخصر : امشي رووون انعلم امج​

روان قامت معاها : زين يالله امشي انعلم امي > يهال خو لوول​

ضاري ركض صوب الدري وقعد نزل راسه وهو مستحي​

راشد : ايييي لااا والله ماعلم مره ثانيه​

عيسى : لاا انا اوريك ليش تعلم ويقعد يطقه​

فيصل : ايي ليش تعلم​

ويقعدون يطقونه​

عند روان تساسر امها : يمااا شوفي راشد توه يقولي ضاري يحبج​

قرصتها امها حيل لدرجة يلدها زرق​

صرخت روان وتجمعت دموعها بعينها : ليش اطقييين شسويت انا علمتج شنو قال​

امها : جب يالله ذلفي بره انا اراويج بالبيت​

طلعت روان وهي تبجي شافت ضاري يطالعها وينزل راسه وهو مستحي وخايف عليها​

رجعو البيت​

اول مارجعو صعدت روان دارها اهي واخوانها طبعا كلهم كانو ينامون بغرفه وحده​

ركضت صوب كبتها وطلعت لها شورت وبلوزه حفر وفلت شعرها < هههههه يعني بتزين لها عشتووو​

وقعدت تضحك " وناسه طلع يحبني بتكشخ له "​

وركضت تحت بغرفة المعيشه شافته مطفي الليتات ويطالع تلفزيون​

ابتسمت له​

لف عليها : شتبين ؟​

تحطمت روان :لا بس بطالع معاك تلفزيون​

حركت شعرها يعني شوف شعري الكستنائي الطويل < يختيي هه​

مشت جدامي وهي تدلع وانسدحت جدامه​

ضاري ضل يطالعها ومسك ايدها​

إبتسمت ريم وغمضت عينها ونامت وماحست بنفسها​

قامت الصبح شافته لازق فيها ونايم​

خافت وقامت ركض غرفتها وهي مستانسه​

-​

ملاك سرحت بعيسى حب حياتها​

يوم كان عمرها​

​

10 او تقربيا 11 كانت قاعده تنزل من الدري وشافت صدفه جدامها الي تعشقه

وتموت فيها متنح يطالعها واهي كانت لابسه دراعه قصيره شوي لونها​

​

pink وعليها دووائر فوشيه ونعوومه حيل وشعرها الطويل على جنب الكستنائي وويها القمري طالع شكلها حلو وكيووت

واهوا يطالعها متنح .. ملاك واهي حيل مستحيه ذابت :شفييك اطالعني جذي​

عيسىى واهو ييضحك وهو مو داري شسالفه انعجب بشكلها الطفولي :هههههه مافيني شي تعاالي قعدي وياي ضايق خلقي كلهم نايمين​

واهي حيل مستحيه ومتسانسه:اوكي​

ملاك صحت على صوت بنت عمها روان واهي تأشرلها شفيج وملاك تبتسم وتهز راسها يعني مافيني شي : بس قاعده اتذكر ايام طفولتي مع الي اعشقه واموت فيه​

روان : واي على قولتج ايام طفوله متى يحسون فيها
ملاك : ااااه خلييها على الله
روان : ههههههههه شوفي الخدامه شلون اطلعنا جنه اتقول مشافيح
ملاك : ههههههههه شنسويي مو ماكلين شي من الصبح
روان : هههههه امبيييه طاعي ضارييي يه
ملاك : هههههههه خشيي الجيسس الله يفضحج
روان قعدت تضحك وتصارخ وملاك نفس الشي
خشو البطاط تحت ريهلم وقعدو يشوفون ضاري وهو يحوم حاولين السياره
ملاك : هههههههههه شفيه هذا
روان : هههههههههههههههههههه شدراني عباله شنسوي يعني
مملاك : هههههههههههه عباله شسمونه
روان : هههههههههههههههههههههههه مو صج ويييع
ملاك : ههههههههههههههههه طاع شلون ناطر ههههههه
روان : الحمدالله والشكرر
ملاك : ههههههه
روان : تعالي بيتنا اليوم
ملاك : مالي خلق
روان : عفيه ملوك اتكشخي له
ملاك : شسوي
روان : عندي نفنوف اسود عجيب لبسيه وسوي شعرج وحطي ميك اب قبل لا تروحين باجر شوفت اختج وخل يشوفج
ملاك : اممم اوك اشوف
روان : ماشتقتيله يعني ؟؟؟
ملاك نزلت راسسها ونزلت دموعها : ...

هذا الجزء الاول ناطرين ردودكم وتشجيعكم​

:eh_s(9)::eh_s(9):​

​

 

[м9αяģ3α xP]

الجزء الثااني​

وافقت ملاك انها تنام ابيت روان طول الطريج سرحانين كل واحد بوادي​

وصلو البيت وعلى طول غرفة روان ​

ملاك واهي تنسدح على الكرفايه: اه ياقلبي مشتاقتله​

روان واهي تبتسم وقلبها معورها على بنت عمها:حاسه فيج حياتي نطري بسأل امي
بشوفه وين​

روان عقب ماراحت غرفة امها​

روان:يمه​

ام روان:هلا​

روان:يمه وين عوويس​

ام روان:رايح مخيم رفيجه​

روان تضايقت جان تروح الغرفه
واطالع ملاك شلون سرحانه:
ملوكه مو موجود رايح المخيم ويا ربعه​

ملاك تبتسم بحزن:عادي مو اول مره ​

روان راحت حق ملاك ولمتها:فدييتج مااعليه
اليوم انا وياااااااج بنسهر ونفصل ونلعب
ونسوي لوويييييه والي تبينه
شنو تبيناااااا نسوي​

ملاك مبتسمه :اممم شراااايج نكتب قصه​

روان واهي تضحك:هاذا حجي كل مره
نكتب ونكتب ونكتب واخر شي
نسكب ​

ملاك واهي تضحك:أي ولله صح كلاامج لوول
انزين خلاص خل ندش الجات ونستعبط
رواان:فووووووقه​

ملااك:فووقه​

دشو الجات وقعدو يستعبطون على الي اكو والي ماكو​

دشو بنك ..((مره كول))​

دشو على واحد يستعبطون​

مره كول:وش تسوي​

فيصل:ماسوي شي يابعد اهلي انتي​

مره كول:ليه تسب​

فيصل:ماسبيتك حياتي​

مره كول:الاا سبيتني اجل ماني قايله عن كشختي​

فيصل:لاا ولله حياتي ماسبيتك قوليلي​

مره كول:بصدقك بس لاتعيدها​

فيصل:من عيوني ياقلبي​

مره كول:انزين بس لاتسب​

فيصل:مااسبيت يابنت الناس ​

مره كول:وش بلاك تسب ومو عاجبك اجل اسكت خل اقولك عن كشختي​

فيصل:اوكي​

مره كول:رحت صاالون بودينارين مره مره كول كشخوني لاخر كشخه​

فيصل:الله اول مره ادري انه في صالون رخيص​

مره كول:اجل وش عرفك الصالون ذا مال خالتي منيره​

فيصل:ايي واسطات ماعليه قوليلي حبي وش لابسه وش سويتي​

مره كول:لابسه دراعه مره مره فخمه وتجنن
برتقاليه وفيها قلب الحب اخضر فااقع مره تخبلو عليها​

فيصل:واااو كملي
مره كول:وخذيت مكياج من خدامتنا مره مره حلو بالصالون حطيته بس عشان كذا قتلك حاطه من الصالون​

فيصل:ايي كملي<<مندمج الاخو وبقووه​

مره كول:وحطييت مكيياج وااو شوي عليه حطيته شذو احمر بصفر واااااااااو والروج مره نااايس
حطيته اخذ رجاء اخوي اذا بتطيح غشيان ترا انا مالي خلق لك وانا ماعلي منك ماعرفك​

فيصل:انزين قلبي على الكشخه وين رحتي​

مره كول:قعدت فالبيت مجنون انتا اكشخ واطلع برا
عشان يعطوني عين تبيني اموت انت​

فيصل:سم الله عليك حبيبتي اجل لاتطلعين عشان مايعطونك عين​

مره كول:أجل راح البس لبس يلوع الكبد راح البس ذاك البس الي تلوع كبدك وماتقدر تبلعني ابدا​

فيصل:وش راح تلبسين
مره كول:عشان ابعد العين عني راح البس نفنوف اسود ضيق على الجسم والبس كعب اسود واحط منكير احمر وروج احمر وكحله ومسكرا واستشور شعري عشاان يوخرون عني وتلوع كبدهم ويقولون شهالجنيه عشان اخاف من العين​

فيصل:عشان اخطفك​

مره كول:ليه مجنون تبي تموت انت​

فيصل:ليه منو بيموتني​

مره كول:يامجنون خالتي منيره بعدين تطلع الشوزن من تحت الكرفايه ​

فيصل:وشو​

مره كول:اييه خالتي منيره مره قويه مره تخرع​

فيصل:وش عرفها ماتدري​

مره كول:وشو تشم ريحتك حبيبي ذي ذيبه ​

فيصل:وشدعوه​

مره كول:اييه تشم الغريب من بعيد​

فيصل:ها​

مره كول:خالتي منيره جت خالتي منيره جت تكلم كنك بننت​

فيصل:وشلونج وشخبارج متى نروح السوق​

مره كول:ولله مدري يانوره نووره خالتي منيره تسلم عليك وتقولك ليه نكك نك صبي​

فيصل:نكي كذا عشان ابعد الشباب عني​

مره كول واهم يضحكون:تقولك خالتي منيره عفيه عليك​

فيصل:ايييه افا عليك ​

مره كول:خلااص خالتي منيره راحت​

فيصل:اييه حبي اجل متى اخطفك​

مره كول:مدري اخاف تذبحك خالتي منيره وتجيب
البازوكا وتموت تخليك اشلاء​

فيصل:يماا حشى مو منيره شنو هاذي​

مره كول :وش عبالك انت​

فيصل:وشلون ابوك مستحملها​

مره كول:ابوي يحبها هاذي مرته واايد يحبهاا​

فيصل:وش يحب فيها اهي حلوه لدرجه ذي​

مره كول:ايي مرره حلوه تبي اوصفلك شكلها​

فيصل:ياريت​

مره كول:اهي حواجبها مره كثيفه لدرجه انه مغطيه
عيونها وحواجبها لازقين في بعض واهي مره مره متبتبه كثيير وكله تلبس قصيير وشعر ريولها الكثيره مره حلوه اشكال على قوز قزح مره حلو لدرجه مره ابوي بكى كثيير من الوناسه​

فيصل:متأكده من الوناسه​

مره كول :اييييييي مييه ميييه فراس في الجمعيه​

فيصل:هاا​

مره كول:خالتي منيره جت خالتي منيره جت​

فيصل:أي بعد شمسويه وشلون الدنيا وياج يمخيتي​

مره كول:ولله بخير يانوره بعد ​

فيصل:ايي شفتي مكياج خدامتنا ميري سرقته واايد عجبني​

مره كول:أي ولله صدق نفس خدامتنا مكياجها يجنن مره عجبني جان اسرقه قلبي ماطاوعني اخليه
فيصل:أيي يمخيتي مادري من وين يجيبونه​

مره كول:خالتي منيره رااااحت​

فيصل:اوف واخيرا اقدر اتنفس​

ملااك وروان زهقو اخر شي يبون يعترفون انهم يجذبون ​

مره كول:واحلىىىىىىى صااااااادوه حق احلى فييصل​

فيصل ضحك:هههههههههههههههه شنوووو​

مره كول:كنت معانا بصادوه وكل كلامنا جذب بجذب مانقدر نجذب اكثر من جذي لوول ليش يعني حسستني انك صدقت لوول​

فيصل:ولله عاد صدقت قلت يمكن في ناس جذي​

مره كول:لوول لايباا صااااادوه وبااااي
وفصلووووووو وبعدهااااااا طلبو من هارديز الساعه 1 ​

روان تقرق ويا رفيجاتها بالاب وتسولف ويا ملاك​

صارت الساعه 3 للحين المطعم ماايه والبنات حدهم يوااعه وملاك كل شوي اطل من الدريشه وترد تنسدح على الفراش صارت مينونه ولله صج اليوع كافر صج مايستحي على ويهه لوول​

ورواان اخر شي زهقت وطلبت من فتوش​

روان:ملااك تبين اطلبلج وياي من فتوش شكلهم مطولين ولله راح ازفهم زف لما ايون يا اكنسله او اخذهم منهم بلاش ​

ملاك:لا ماابي رووون يوعاانه انا ارد انطر من اول ويديد لاا مشكوره بنطره​

روان:كييفج انا بطلب من فتوش
وطلبت لها روان من فتوش​

وملااك للحين تنطر نطرت لما صار الساعه 4 وللحين مايه واهي خلاص بيغمى عليها يوعانه​

ماتشوف الا التلفون يرن راحت ملاك ردت​

ملاك:ألوو​

مطعم هارديز:المطعم برى​

ملاك:واخيرااااااا حدي ميته يوع
وسكرته
وعطت الفلوس.. ولد عمها فيصل يابلها الاكل​

يوم يابه لها بكل شهيه تاكل واطالع روان
تسويلها حركات يعني بتشوقها لوول​

ملاك:يميييييييي دورج تنطرين فتوش كاااااااك​

رواان تضحك:لوول انطره احسن من انه ايلي بارد​

ملااك:عاااااااااااااادي المهم اسد يوعي المليق​

روان يه مطعمها بعدها بشوي وقعدو لما خلصو اكل​

نامت روان وقعدت ملاك ضايق خلقها​

كان شكلها وايد كيوت​

لابسه دراعه ميكي ماوس فوق الركب ولابسه
لقن اسود ودلاق احمر وشعرها مفتوح ونااعم عيل
وشفايفها وردييييين وويهه صج كيووت​

بطل الباب بلا احم ولا دستور... وحده منطرب​

عيسى:ريييـ...........
شاف وحده اتينن جدامه انربط السانه​

ملاك اخترعت وحيل انحرجت ومنصدمه وشعورها متخربط موعارفه شتسوي:أأأأ..​

عيسى للحين يطالعها موراضي يتحرك ​

ملاك اخر شي قاامت بسرعه ودشت الحمام ووقفت ورى الباب وتسندت عليه اه ياربي من وين طلعلي
موقااااااالو انه بالمخييييييم... ياربي شيايبه الحين​

عيسى قعد يتكلم بينه وبين نفسه عن جمالهاا وعرف انها ملاك وسكت بعدها بثواني.​

تررن.. تررن​

عيسىى:الووووووو هلا بالوز​

..:هلاا حبيبي شلونك​

عيسى:فدييت قلبج تماام ياعمري​

ملاك واهي تسمعه نزلت دمعه حاره من عينها​

وهااذي حالته ونسى ملاك وكمل سوالفه مع الي يكلمه​

طلع من الغرفه وسكر الباب​

ملاك طلعت من الحمام واهي تنزل دموعها الحاره
وانسدحت وقمتت صوتها وقلبها محترق وحطت السماعات بأذونها
وحطت هالغنيه​

http://www.youtube.com/watch?v=3YxaaGgTQYM​

اتمنى عجبكم:yaaaaaarb: وناااااااطره ردودكم على نار ويين تشجيعكم:eh_s(22):​

 

[м9αяģ3α xP]

حبطتوني وينكم ​

 

[м9αяģ3α xP]

آفآ بنآت لهدرجه مآعجبتكم إلروآيه :\

 

[miss-_-smart]

امبله حبيبتي والله حلوه كملي ناطرتج:eh_s(8):

 

[mantoosha]

وااايد حلوه القصه كملي حبيبتي

 

[فرح99]

كمــــلي القصة

 

[العين الساحره]

مشكوووووووووووووووووووووووووووووره يالغلا:eh_s(2):

 

[RooRoo ^_^ Q8]

ثينكس على الروايه متى البارت الياي

 

[Zainabo]

القصة وايد حلوة يلا كملي

 

[maku-sh'3l]

نايس بس وايد تخربطين بالأسماء و تسمين روان رييم و ملاك مريم .... يخربط .... كمليها متى البارت اليديد ؟

 

[مزيونه22]

كمملي
حدهااااااا تيننننن :$
ومااااازلنا ناااطرين {< خخخخخخخخخخ

 

[فتاة الكئابه]

امبي الروايه حدهااا عجيبه ناطرينج رووووعه