جرحني

[3isha1985]

:eh_s(2)::eh_s(11)::eh_s(11):السلام على الخوات النصوحات

بنات العنوان واضح بنات ابي اسافر بس رجلي رافض
واهو كان واعدني يسفرني اذا خلصة المعهد بس انا تخرجة لي سبع تشهر ماشفته
جاب طاري ولي ثلاث اسابيع المح له ويسوي روحه مايسمع لي ولما قلت له انت تصدد وتتهرب
عصب علي وقالي كلام يجرح (انا تعبت وانا اوديج المعهد واجيبج سنتين وانا معاج وانتي مووجهه سفر وغيري يتزوج وحده موظفه وانا ماخذج) بنات احس اني تعبانه من نفسيا من اللي سمعته قولي لي شنو الحل,,,,,,؟:eh_s(11):​

 

[dana.7]

up

up

الله يعينج

 

[Gifts&Occaions]

الله يعينج

 

[جلكسيه اس 3]

غريبه شكو سالفة السفره بسالفة انه مااخذج مو موظفه

عموما انا منج اقوله خلاص مابي منك شي

و ان اهلي مو عيزانين ايسفرووني معاهم

 

[ناتشوو]

شوفي منطقيا
اكيد قلت شي حسستيه انه ماساعدج
ولا حاس فيج
حلو يحس انج مقدرة تعبه ومشاويره معاج
وفعلا اللي ياخذ موظفة
اريح
لا تحاتي دراسة وامتحانات
وودني وردني
فلا تصيرين حساسة
واذا تبين سفرة
قوليها بشكل مباشر
نغزات ولف ودوران ماتنفع
ويمكن عنده التزامات مالية تمنعه

 

[مالي بالدنيا حظ]

الله يسخره لج ياااررب العالمين
اممممم يمكن متضااايق مادياُ وضغطتي عليه شوي يمكن كله تحنين انفجرررر وقال لج انتي مو وجه سفرر
وتعرفين لكل فعل ردة فعل !
اذا شفتيه مروق تأسفي منه وقوليله ترا مااقصد انك مقصررر معاااي بالعكس انت وديتني وجبتني وفي ناس مثلك يسون هذا الشي لحريمهم اللي يحبونهم.
حاجيه قوليله ليش تقول عني جذي ةشقصدك غيري خذ موظفه ! واهو بيبرر لج شقصده

الله يكون بعونج ...~

 

[لوفيه]

ليش خاف اهو الوحيد بالدنيا اللي يودي مرته ويجيبها المعهد

وادا متحسف ان ضيع معاج سنتين سأليه شحادك

واخذيها مني لا تنغزين مع الريال كلش

اما تعطينه بالويه ولا سكتي

وانتي ادرى بظروف ريلج اذا عنده يسفرج

الله يهديه

 

[يـاسمين]

وحضرت جنابه خايف من شنو ؟
وليش يمن عليج بروحت المعهد ؟ مدام ان متاذي خل يخليج تسوقين او اييبلج سايق بدال لا يمن عليج
وليش الصراخ والنجره علي غير سنع ؟
يعني مايقدر يقول ماقدر الحين لكن اذا حصل مجال اوديج ؟
ولا اهو يطبق قاعدة ( خذوهم بالصوت لايغلبوكم )
اوخيتي اذا ريلج هده كلمي وختاري الوقت المناسب لج وله
والاحسن يكون الوقت في رومانسيه شوي
اعتقد فهمتي قصدي
والله يوفقج ان شاء الله

 

[جذابه بنت ذيابه]

اغلب الرياجيل ما يحبون يودون ويجيبون زوجاتهم

مو قصة انه يتمنن عليها او شي لا القصه ان ماله خلق ويغار عليها ومايبي يبين لها ..

انتي خلج ريلاكس ويمكن انتي بكلامج جرحتيه قلتي له انت مقصر وانت وانت اكيد انه بيزعل ويمكن بعد مضغوط عليه ديون مايبي يقولج


اعذريه .. والسفر لاحقه عليه واذا قالج انا ياليتني ماخذ موظفه سوي نفسج ماتسمعينه ..

 

[ALMooOooN]

حبوبتي ما تدرين شنو ضروفه

ميخالف يا قلبي التمسي له العذر و تصير وايد بين المتزوجين

و عموما ترى الريال يقط كلمه عنده عاديه بس احنا يالحريم حساسسين زياده عن اللزوم

لا تدققين وايد بكلامه مني و رايح عشان ترتاحين بحياتج

الله يمسح على قلبج حبيبتي و ييسر امرج

 

[!الجادل الصعب!]

يعني لا صار ماخذ موظفه ما يوديها ويجيبها ههههههه عذره غريب ..
سايسيه كل شي بالتفاهم ينحل ..الله يسخره لج

 

[عسل مرت قيمر]

انامع ناتشو بكلامها

 

[فوفو22]

دايما اقول لا نحاسب الاشخاص

بوقت الغضب

وندقق بالكلمات ونعيش الجو الكئيب

لانه كل غضبان وغضبانه ينطقون كلام جارح

لا يعون جرحه للطرف الاخر

مشي الموضوع

واختاري وقت افضل لفتح حوار السفر

جايز لديه ظروف ماديه تمنعه من السفر بالوقت الحالي

فوفو

 

[خلطات المذهله]

طولي بالج ترا رياييل هالوقت مايصدقون خبر زعل وهجر

 

[كويتية بروما]

لما طرا انج طالبه مو موظفه قصده مضغوط ماديا
اكيد عنده اجار قسط سياره قرض ماستر وفيزا ماجله مصرف لج وله والخخخخخ
يبا خلج بالديره لاحقه ع السفر لماتشتغلين وتساعدين ريلج اهم شي اهو زين معاج ويعاملج عدل كافي يوديج وييبجيعني مهتم فيج ترا غيره جان قالج روحي وردي بباص
والله العيشه صعبه وكل شي غالي مو معقوله خاش له الف ولا الفين يصرفهم ع سفره ويقعد ع الحديده ولو صار ظرف لج ولا له ياخد قرض ولا يطر من الناس
خلج وااقعيه ولاتكرهين ريلج فيج من الحنه
وان كنت تحبين تغيرين جو روحي شاليه ولا فندق ع الاقل شي مقدور عليه

 

[Tom ♥ Jerry]

.

حلات الشي ايي من طيب خاطر
خليه لما يفهم بروحه انج محتاجه تسافرين و تغيرين جو..
لا تكلمينة بهالسالفه و تحنين عليها

 

[مـس مـطـيـر]

مو قصده
بعدين يمكن تعبان و عنده مشاكل
او ما عنده فلوس يسفرج فيها
اعذريه و لا تضيقين خلقه و تخلينه يعصب لان الرجال اذا حديتيه عالزعل و العصبيه
يجرح بالكلام و يتطاول
عليج
اخذيه بالهداوه
كل شي بالهداوااااااوه

 

[نونه المنكوشه]

اتوقع ماعنده فلوس ومضغوط ومايبى يبين علشان جذى قال هالحجى انتى خليه ع راحته وتعاليله بوقت ثانى وكلميه

 

[english muffin]

واضح كان عصبي ومضغوط مادياً
لاتكبرين الموضوع
الله يسهل عليكم

 

[سبأ ~]

بالعكس أنا أشوف وقت الغضب يطلع اللي بالقلب بدون ما ينتبه الشخص والأوقات الثانية يقدر يسيطر على نفسه ويجامل
هو يمكن عنده ضغوط نفسية ومادية وما تدرين عنه
ويمكن أنتِ حنيتِ عليه كثير
كان طلبتِ منه بشكل مباشر أول ما عطلتِ وشفتِ رده بدال ما تلمحين له كل شوي وهو يمكن عنده ظروف والله أعلم

​

على العموم ما أؤيد إنك تعتذرين له أبد أنا مو ضد الاعتذار بس هو الغلطان مو أنتِ وكلامه من جد يجرح ويحز بالخاطر
خليه طنشيه وهو من نفسه بيحس إن شاء الله وبيتعذر لك​

الله يعينك ويريحك ويسعدك ..​