جرح بفتحة الاذن من التراجي ( الحلق ) شسوي ؟

[أريد حلا]

بسم الله الرحمن الرحيم​

بنات توني شلت التراجي اللي بالاذن كلها جراح احسها تتقيء​

شسوي معها شحط كريم ؟؟​

وفصخت الترجي قلت منه يجذبون علينا تقولي هذا تركي​

ما يسوي جروح بالاذن لمن شريته احسن من الصيني​

طلع خرطي لو ماخذه تراجي الصينيه ابرك لي ماصار جذي

انا اذني حساسه​

فيدوني بليز ابي مرهم كريم احطه عليه ؟​

 

[w8000]

جربي حطي عليه مره نقعيها بماي بعدين مسحي فيها

 

[أريد حلا]

^ ^

حبيبتي مشكوره بس ما تحرق المره ؟ ابي كريم مرهم ما تعرفين

 

[همسة الاحساس]

احح

امسحينه بمسحه طبيه وبعدين حط فازلين العادي

 

[&جالكسي&]

كريم فوسيدين ومره تغسلينهم فيها
واحسن شي التراجي الذهب او الطبيه

 

[معلمة شيسمونه]

اول شي نظفيهم كل يوم بكلونيا علشان تطهرينها

لبسي تراجي طبية


انا اول ما قضيت اذني صار فيني جذي والتهبت شهووووووووووور

كل شي جربت

قالت لي بنت خالتي امسحيها بماي العيش وشوفي

والله جد بسرررررررررررعه طابت

جربي شخسرانه

 

[قلبي معاك]

روحي الطبيب افضل

 

[ام ساره 4]

المفروض أول ماتخرمين إذنج تظلين عالتراجي الطبيه أقل شي شهر عشان ما تلتهب إذنج وفي كريم بالصيدليه حق الإذن بس مو ذاكره إسمه

 

[أريد حلا]

مشكورين بنات ،، انا اذني حساسه من تراجي من انا ياهل رظليت شهر بالتراجي الطبيه اصلا بس اطلعهم تلتئم لووول لحمتها ثقيله دايم

تتسكر بس الحين كانت تقرح من التراجي ففصختهم ،،

وبجرب اللي قلتولي عليهم ، نورتوا

 

[Lala]

تصدقي حتى أنا ما أقدر ألبس حلق من لما صغيرة على طول يعوروني
في عملية توخر الثقوب علشان بخرم غيرهم ؟؟؟؟؟؟

 

[أريد حلا]

^^^

نفسي انتي


مشكورين حبايبي​

 

[مزيونة 20]

حبيبتي انتي نفس مشكلتي و انا رحت عند الطبيب عطاني كريم اهو نفس كريم الليزر و قال انه فيج التهاب
بس تحطين الكريم لمدة 7 ايام مرتين باليوم بس قبل كل مرة تاخذين كلينكس و تبللينها بالماي و تحطينها بصوب الجرح و تنظفينها و بعدها تنشفين اذنج عدل و تحطين الكريم و لازم ما تلبسين تراجي طول مدة العلاج و اذا خلصتي المدة لبسي تراجي يفضل ذهب او تاخذين تراجي جديد و تعقمينا بمناديل ديتول و تلبسينهم و التراجي الي كنتي لابسته لا تلبسنه خير شر لانه خلاص صار ملوث