جزء2رجيم ورجيم والله كريم من طالب الشمري مع مزيونه وشقره واللي حابة تشارك حياها(شهـر)

[عذبه الروح]

وناسه وناسه

انا بدخل وياااااااااااااااااكم

وزني 70

وابي 60

طولي 164

 

[ضعيفه وعصله]

عذبة الروح


يااااااا هلاااااااااااا وغلااااااااااااااا والله


حياج الله معانا
وان شاء الله بس يخلص وقت التجمع
بنفتح تجمع ثاني ونكمل

 

[pink-rose]

الف مبروووووووك ضعيفه وعصله والله يتمم عليج الضعف والصحه :blueSmCLR:

بالنسبه لي :
امس كان عشاي نودلز خفيف ( بس نودلز مع ماي حار بدون دهن )وبعدين سويت لي عصير اناناس مع كيوي

اليوم :
قعدت من النوم متأخر وما اشتهي ريوق
ما ادري اشفيني اشتهيت اهتم بنفسي حيت خلطه بشعري ودهنت جسمي بزيت زيتون وبسوي لي سنفره زيت زيتون وسكر وشوية كركم الجسم
( امووووووووت علي سوالف التفرك والكريمات )

غداي ان شاء الله بكون كوفته مشويه مع شوية عيش مشخول


ويااااااااااااارب ياااااااااااااااااارب يتحرك وزني المتنح قولوا امين :yaaaaaarb::yaaaaaarb:

 

[ام السيف1]

مبررررررررررررررروووك ضعيفة وعصلة الله يتمم عليييييييج

انا صارلى فترة احاول التزم اليوم ريوقى نسكافيه والضحى كليت تفاح
والغدا باكل عيش شوى وماكو عشا

 

[LUXURY]

قووووووه بنات

ضعيفه
مبرووووووووووك والله فرحتلج
عقبال تدخلين عالم الخمسينات ايوا ايوا جك جك جك جك هههههه فصلت
عاد غيرلج الريجيم؟؟؟ تكفين اذا عطاج نظام ثانيه كتبيه لان صار وزنج قريب من وزني يمكن اسويه معاج وانزل شويه
انا بالتزم بنظامه بس اسبوعين بعدين باغيره باسوي ريجيم النقاط
متى بيخلص تجمعنا؟؟؟ مو جنه تو الناس !!!


بنك روز
لعبي رياضه تحركي نزلي وصعدي الدري , هرولي بمكانج , ناقزي عالحبل سوي اي شئ
شوفي اقل ما فيها روحي يييبيلج مرتبة رياضه وسي دي سندي كروفورد من مركز سلطان (اللي لابسه مايوه احمر)
والله تنحت الجسسسسسسسسم ويتغير تصيرين جنج عارضه حتى بدون ريجيم زين
بس اهي تكرر التمرين وايد انتي سوي نص العدد بالتمارين
واهم شئ التسخين والستريجينغ عقب التمرين
واول ما تسوين جسمج بيتكسر بس مع الوقت والله شئ مو طبيعي
اشتريه وادعيلي
وي يا حسره هذرت عليج


احم
المهم انا شربت قهوه وكليت كورنفليكس فيتنس مع سكر ريجيم
وعقب ما اكمل ان شاء الله اسبوعين راح اغير شوي نظامي واقلل الاكل لان احس قاعده اثقل على نفسي بالريوق والغدا
قاعده اكل الغدا وانا شبعانه من الريوق وحزت العشا اموووووووت من اليوع



بنات اذا سويتوا دياي والا لحم شنو تتبلونه فيه؟؟؟
يعني صلصات جاهزه والا شئ؟؟؟
ودي اجرب اادقدق صدر ديايه واتبلها بصلصة الثوم واحشيها بخضره مفرومه واشويها بالفرن!!! تهقون تصير حلوه؟؟؟

يالله باروح حق برنامجي بقسم البشره حياكم فتحت موضوع عنايه

يالله سي يو بااااااي

 

[بنت الكويت90]

مبروك ضعيفه وعصله
وعقبالنا ياارب ملييييت من69

ابي اصير 65 اول سبعه


بناااااااااااات تعبت وزني ثااابت

مع اني مااكل واجد

واسوي رياضه نص ساعه بالغزال الطائر وخمس دقايق ابكنغ برو للبطن


اليووووم تريقت توست مع بيض وطماط مع جاي


وتغديت خلطة الاناناس والكيوي

وحده ضاااااااااااااايق خلقي ابي اضعف قبل السفره

عطوووني حل
اوريجيم انا وزني 69 وطولي 158 بش اللي يشوفني مايقول مترووسه

مايله للضعف

 

[ضعيفه وعصله]

تجمعنا يخلص
2-7

الله يباارك فيكم بنات

luxury

هلا حياتي الله يبارك فيج حبيبتي


نظامي اليديد

الريوق مثل ما اهو

و الغدا : 3 توست مع جبن و مرتدلا طبعا الخس والخيار والطماط معاهم
أو جبن ابيض قطعتين صغار مع 3 الى 7 حبات زيتون واحطهم مع السلطة
وبين الغدا والعشا مثل الريوق
والعشا : 3 توست مع جبن ومرتدلا
او كوب كورنيفلكس

لان فتره امتحانات بعد قال عادي تاكلين جذي

 

[ضعيفه وعصله]

بنت الكويت
عادي يثبت وزنج
الدكتور يقول يعني جذي
جسمج ينكمش
واعضائج نفسها تصغر
ويقول خطأ ان الواحد ينزل اكثر من كيلو باسبوع
يعني بشهرين تنزلين 7 وااااايد زين :n2006107:

 

[LUXURY]

قوه
انا من مساع قاعده ادرس وراسي بينفجر
المشكله اني صكيت النوت وتصكر مخي معاه جني ماحفظت شئ لوووووووول
انا بروحي بالغصب قاعده ادرس مالي خلق اففففففف
الله يعين

ضعيفه
يحليله ريجيماته نفس الشئ ما تتغير

انزين الغدا السلطه عادي ماعون عود؟؟؟
يعني يكون راهي مع جبن وزيتون مو نتفه؟؟؟
اعتقد الخضره ما تضر مو؟؟؟


يعني تقريبا استمر على حالي لين اكمل اسبوعين تالي اغير
والله كريم
راضيه خلال شهر 6 كيلو وبعدين ال5 كيلو بس الحين ابي اضععععععف
يعني ب3 شهور اذا نقصت 12 كيلو ممتاز خير ونعمه والله

الحمدلله

 

[LUXURY]

امبيه توني استوعب انا وراي صيفي اشلون ما اتريق؟؟؟ اطيح غشيانه

اصلا بطني يدقها سامري بالمحاضرات حق الفشيله لوووووووووول

 

[زهرة العايله]

والله الصراحة يابنات كل ما ابدى برجيم اخربط احس إن اراتى مو مثل قبل وضايق خلقى

 

[<<لمار>>]

موفقين

 

[واثقة بجمالها]

باركوا لي نزلت 3 كيلو محدي مستانسة الحمدالله ما باقي شئ ع الخمسينات
يلا وناسة ريجيم ريجيم والله كريم

 

[bader-albdor]

قوه بنات بس حبيت أسأل الوزن لي تنح المشكله تكون من شنو؟؟!!
صارله اسبوعين واقف على 65 و نص تعبت خربطت و التزمت و ليمن الحين متنح
ماعليكم أمر اذا احد عنده حل يبلغنا

 

[LUXURY]

قووووووووووه

اليوم شربت مرتين جاي بحليب حديييييييي يوعانه وللحين يوعانه الله المعين

بدر البدور
قللي السعرات بريجيمج علشان يقل وزنج
وبذلي مجهود اكبر وان شاء الله ينزل

 

[LUXURY]

وينكم بنات؟؟؟


انا بس مت من اليوع باروح اتعشى واشرب العصير علطول واكمل دراستي


اشوفكم باجر على خير

باي

 

[بنت الكويت90]

قووه بنااااااااااااااااااااات

انا تعشيت الساعه 7 همبرجر مشوي مع جباتيه وحده


واذا جعت بشرب عصير اناناس او برتقاال

يالله ياااااااااااااااااااااارب اضعف راضيه ب66

 

[LUXURY]

عدنا والعود احمدي


مادري اشفيني ماني قادره اقظب كتابي واركد


بنات باسال سؤال
الحين اذا سويت ريجيم مو مال طالب تسوولي kick out؟؟؟ لووووووووووول

مرات افكر اكمل على ريجيمه 10 ايام وبعدين اسوي ريجيم محمد ربيع 10 ايام وبعدين اسوي ريجيم النقاط 10 ايام
واشوف اي نظام ينقصني اكثر
طبعا كلهم مع رياضه

انتوا اشرايكم؟؟؟
مادري اشلون

احس انا لو احطلي ريجيم احسن من دوخة الدكاتره
ريوق وعشا : كورنفليكس فيتنس مع حليب خالي الدسم وسكر تروبيكانا

الغدا مشاوي وسلطة وروب اكتيفيا وعقبه بنص ساعه زعتر بالحبه الحلوه

بسن الوجبات حبة فاكهه +جاي حليب مع سكر تروبيكانا


امانه ما انفع اصير حاطوطة ريجيمات؟؟؟ خخخخخخخخ لووووووووول

والله هذا من اول اسبوع وانا احاتي الريجيم عيل عقب شهر اشبسوي باعكل اظافري لوووووول

عسى الله يرزقنا الصحه والعافيه وينولنا اللي فبالنا

باروح اكل حبة كروميوم لان كليت فطيرة لحم بدال توست ومرتديلا

وبعدين باشرب عصير كيوي واناناس

والله كريييييييييم يا حرييييييييييييم

 

[ضعيفه وعصله]

يلا رجيم ورجيم والله كريم
توني كليت 3 توست مع مرتدلا وخيار وجبن
وجاي حليب
والحمدلله

 

[بنت الكويت90]

بناااااات وناااسه واخيراااا افتكيت من 69 وشفت رقم 68.8 حدي مستانسه الحمدالله يااارب اضعف واوصل 65 بصحه وعافيه 4-7 ادعولي بناااااات اني التزم ومااخربط