(( جــولـة فــي اوروبــــــا )) خلال اسبوعين وابيكم تضبطوني

[q8 nono]

مرحبا بنات


مادري شلون ابدي الصراحه مستحيه لاني مادري اسأل شنو و اخلي شنو ؟؟ مثل ما هو واضح من العنوان ان بخاطري جم دوله اوروبية خلال اسبوعين و بخاطري كذا دوله ودي اروح اسبانيا و باريس و لندن و النمسا و ايطاليا بس ماقدر طبعا افر كل هذا علشان جذي استقريت على اسبانيا خاطري فيها مادري ليش !! و ودي اروح باريس علشان ديزني لاند !! و ودي اروح النمسا بخاطري اشوف طبيعه حلوه و نظيفه مثل زلمسي !! و ايطاليا و لندن طبعا حق ال shopping !!


1- انزين شنو ترشحون لي اروح الى جانب اسبانيا لان انا مبدئيا مخططه على ( اسبانيا + باريس + لندن ) و كل دوله اقعد فيها 5 ايام تقريبا ممكن نزيد ممكن نقلل !!

2- لمهم اذا قلنا هذي اهيا الوجهه ( اسبانيا - باريس - لندن ) ... في شغله مو عارفه اخطط لها الي اهيا التنقلات الداخليه داخل اوروبا .. يعني شلون اقدر انتقل من اسبانيا و تحديدا برشلونه الى باريس ؟؟ اذا قلنا الاندرجراوند .. جم الطريج ؟؟ و ويوديني دايركت على باريس ؟؟ وفي سايت يبين لي طريقة التنقلات داخل اوروبا و جم تكلف ؟؟

3-و اذا حاجزت one way كويت مدريد كويت .. راح تكون ترتيب الدول كالتالي اسبانيا باريس لندن فشلون انتقل عقب من لندن الى مدريد ؟؟؟ هم عن طريق الاندرجراوند او طياره احسن ؟؟ واذا قلنا طياره جم راح تكلف و من وين احجز طيران داخلي عن طريق النت او من هناك ؟؟؟

مع العلم ان عدد المسافرين 3 انا و ريلي و وولدي عمره تقريبا 2 و نص ؟!؟!

احس اني ما خليت شي ما سئلت فيه بس عذروني هذي اول مره و احس اني حايسه الدنيا مو عارفه ادبر هالسفره و مو عارفه حتى احسب الميزانيه بسببة التنقلات مادري شكثر راح تكلفني حتى لو بشكل تقريبي ؟!؟!


:balo:

 

[شموع & دافئه]

اختى نصيحه شيلى اسبانيا من القائمه كلها
انتو دافعين فلوس ومتخسرين اكيد تبون البراد
اشلج بدوله حاره وتضيق الخلق
انصحج بثلاث دول اذا رحتى 100% بتستانسين ان شاء الله
اول روحى باريس روعه وخيااال ومنها اخذى المترو من باريس للديزنى بعدين بطيران داخلى ما ياخذ منكم 40 دقيقه وتنزلون ميونخ
ومن ميونخ بالقطار روحى زلمسى

وتردون لميونخ للعوده

جذيه احلى من دوله بعيده وتبدين فيها وحاااااره ومو حلوة شوفى تقارير زيارة اسبانيا تضيق الخلق
المانيا بروحه روعه مناظر بالخيال ومعروفه بفاريا بروعة اراضيها
انا يايه منها حتى الشوبينق ممتع وارخص من باريس

 

[q8 nono]

رد : (( جــولـة فــي اوروبــــــا )) خلال اسبوعين وابيكم تضبطوني

هلا والله حبيبتي و مشكوره عالرد الوحيد بالموضوع لووول المشكله ان المنتدى قاعد يعلق بشكل مو طبيعي بحتى مو عارفه اتابع الموضوع

بالنسبه لرايج حلو و الله بس تدرين شنو المشكله !! ان المانيا مو داشه مي ليييييش مادري و حابه اسبانيا هم مادري ليش لووول صج لي قالوا المحبه من الله لووووول و بالنسبه للجو انا راح انشاااااءالله مسافره شهر 10 يعني اتوقع عندهم خريف و الجو براد عندهم يعني مو صيف

و انا الي رسيت عليه حاليا كالتالي اسبانيا باريس لندن طبعا هالدول قابله للمساومه اذا قدرتوا تدلوني هالاماكن الزينه

و انتظر المزيد من الردود من خبيرات اوروبا ادري انم ما راح يقصرون معاي

 

[miss_british]

اختي انا انصحج بالمانيا ولندن والمصرف يعتمد على المده اللي تبينها

 

[*+$كويتية$+*]

بصراحة

روحي باريس ميونخ زلمسي
احلى قعدي في باريس 5 ايام تكفيج
روحي قصر نابليون وقصر فرزاي
وروحي لدزني لاند ولاتروحين متحف اللوفر حده بايخ

وعقبها سوي شوببنج في لافاييت و وركبي مترو الشردقول وانطري اخر
محطة واسمها ليدي فانز وراح تنزلين سرداب عقب
تصعدين درج مجمع ليدي فانز
وشارع ابو كيرف اهوا كلا صيني بس اخر محل عندة شغلات حلوة
وعندج جمعية حلوة اوشون

وفي مطعم حلو اسمة العجمي
هذا عن باريس


عقبها روحي ميونخ بس طبعا كل الناس ما طول في ميونخ
حدها 3ايام عندج شارع المارلين شوبنقج وبنص سنتر كوفي شوب

بين باريس وميونخ بسيارة 8 ساعات

ومن ميونخ الي زلمسي 3 ساعات

طبعا زلمسي سكني في فندق قراند هوتل
يكون عند البحيرة واكو سنتر ولاتنسين من كل مدينة تاخذين سوفونير
وروحي حق زحلاقية زلمسي تصعديلها بتلفريك وتنزلين بزحلاقية

وكابرون تصعدين بالتلفريك اكثر من ثلاثة لثلج يونس ويجنن ولازم يكون معاج كريم طبي للوجة من البرد
واخذي معاج كوفي وبسكويت لان القهوة فوق ب24 يورو
واستأجري اللبس منهم لان فوق حيل برد

وعقبها روحي شلالات كريمل وصعدي اخر القمة

ونسيت عند بحيرة زلمسي ركبي القارب في البحيرة والافضل يكون معاج ككاو ابو نجوم او خبز للبط
ولا يطوفج الايسكريم انا كليوم اذووق واحد
ورحلة موفقة

 

[دانة الخير]

انا بقولج شلون رحلتي حق اوروبا مدة اسبوعين معاي زوجي وعيالي بنت وولد 5و3اسنين اول شي حجزنا الوطنيه دايركت لفيينا بتنا ليلتين طبعا حاجزين سياره طول فترة رحلتنا وبعدين رحنا كابرون عند زلمسي وقعدنا فيها 3ليالي وبعدين رحنا انترلاكن بسويسرا وقعدنا ليلتين ومنها الى جنييف ونمنا فيها 3ليالي منها ليله رحنا الريف الفرنسي وبعدين ردينا النمسا حق سالزبورغ وقعدنا 3ليالي منها ليله رحنا ميونخ تسوقنا لانها تبعد عنها ساعه ونص تقريبا واخيرا ردينا فيينا وقعدنا ليله ورجعنا ديرتنا صح متعبه شوي بس الواحد يبي يشوف كل شي

 

[q8 nono]

رد : (( جــولـة فــي اوروبــــــا )) خلال اسبوعين وابيكم تضبطوني

thaaaaaaaaaaaaaaaaaaaaaaaaaaaaaaaaaaaanks

مشكورين على ردودكم ما قصرتوا

بس ليش كله رحلاتكم على المانيا ؟؟! مادري ليش مو حابتها !!

و دانة الخير شكل سفرتج كانت وايد حلوه عليج بالعافيه حبيبتي بس اما سويسرا كلش مو بالخطه

 

[شموع & دافئه]

حبيبتى المانيا حلوة حلوة وتهبل
بكل شى حلوة وسوقها غير اوربا كلها
بس الالمان عله

عشان جذيه الكل يمدحها لج
بس دام بتسافرين بشهر 10 ان شاء الله
الدول اللى بتروحين لها بتكون بارده خاصه باريس ولندن برد برد
يعنى اسبانيا ان شاء الله بتستانسين فيها
بس انصحج روحى اول شى اسبانيا ...........ميلانو ..( عاصمة الموضه ).....................باريس
وخلى لندن للصيف احلى لانها بالصيف ابرد دوله اتهبل
وميلانو رهيييييبه وقريبه من اسبانيا خلى خطة سفرتج حلوة وعشان ما تصير كل دوله بعيده عن الثانيه بالطيران
وان شاء الله سفره موفقه

 

[q8 nono]

رد : (( جــولـة فــي اوروبــــــا )) خلال اسبوعين وابيكم تضبطوني

شموع اشكرك مره ثانيه على مرورج و شكله مثل ما قلتي بخلي انشاءالله لندن وقت الثاني لان يبيلها فيزا بروح فراح تصير طواله

و انا فكرت بميلانو او ايطاليا بشكل عام بس الي ردني ان معاي ولدي و انا من خلال التقارير قريت ان ايطاليا مو حق اطفال لانها كلها اثار و مباني فاخاف ولدي يتعقد لوووووووول لا اتغشمر لا بس جد كانت ايطاليا وااااااااااايد داشه خاطري فالحين شكلي باستقر هالنمسا لان اختي هناك و حيل تمدحها بس على قولتج راح تصير الدول بيعده من بعض و هذا الي شكله راح يخرب علي السفره راح تصير وايد تنقلات !!

والمانيا اختي توها طالعه منها و تحديدا بميونخ تقول ما حبتها مع ان كانت بخاطرها !!

 

[miss law]

هلا و غلا ,, اذا بتروحين اسبانيا روحي مدريد اول بعدين روحي برشلونه و منها تقدرين تطلعين على نيس او ميلانو او باريس
بس انا انصحج دام معاكم بيبي لا اتكثرون من التنقلات خلكم على اماكن قريبه عليكم

تقدرين تتنقلين عن طريق الطيارات الداخليه بين دول اوروبا او القطار او بسياره ( على حسب الاماكن الي تبون تروحونلها )
انتي قوليلي وجهتج بالضبط وانا بساعدج بتنقلاتج ان شاء الله ,, لانه اذا حددتي وين الاماكن الي بتروحين لها بتعرفين شنو وسيه تنقلج
خلي رجعتج من ديره ثانيه مو شرط اسبانيا مثلا تبدين بمدريد و ترجعين من باريس
اما بالنسبه للطيران فاوفر لج انج تستخدمين الطيران الاقتصادي لانه مده السفر كلها ساعتين او 3 )

 

[مشتطة وبس]

هلا q8 nono امبي انتي نفس رحلتي بالضبط......ها حق الصيف الضبط لن ا......من الحين اجاي ضبطها حق الصيف ال....بعد ولادتي بالسلامة............
شوفي:
1- مافي رحلة دايركت حق اسبانيا..انتي رحلتج لوية فماله داعي تزيدينها بالترانزيت خليها دايركت الروحة والرجعه
2- طيران الوطنية يروح فيينا ويروح روما...نصيحتي روحي مثلا فيينا دايركت ورجعي من روما

3- المقترح:
فيننا- زللمسي(سيارة)-(اسبانيا(يورو سكاي) وايد رخيصة وتفرين فيها كله سيارة برشلونة ومدريد وشوفي انتي وين تبين-لندن(قطار او و يوروسكاي - ايطاليا وتفرين فيها بالسيارة وتروحين يوم فينيسيا وتردين المغرب بس كافي ...وبعدها الكويت

 

[مشتطة وبس]

نكمل:
4- اتوقع افضل لج الطيارة من القطار....لان اغراضنا وايد..مومال قطار مومثل الاجانب كل واحد وهاند باقه على ظهره
5- خلي الوناسة اول شي بعدين الشراء......:weight_lift:
استانسي بالنمسا واسبانيا بعدين روحي لندن واشتري وشحني اغراضج وبعدها روحي ايطاليا خفيفة واشنري من هناك لان سوقها عجيب واوت لت على كيف كيفج وردي يكون الوزن كله مال ايطاليا......

6- لا تشترين من اسبانيا كله راح تلقينه بالكويت بس استانسي
7-في نصائح راح ادز لج اياها ع الخاص