جكيته يخوني ...!!

[NooR ElDenya]

مرحبا بنات
بقولكم السالفه وابي شوركم علي ..
للعلم بس انا انعقد قراني على شاب
كنت من البدايه يشهد رب العالمين علي اني مو موافقه
لكن اهلي غصبوني عليه ياربي ماني مرتاحه
عصبت علي الوالدة وحلفت علي غصب اوافق
قلتلها الي تبونه سووة !!
اخواني موعاجبهم كثرته طلعاتي ومايبون يتوهقون فيني
لو يطوفني القطار السريع الي يارب يشيل رقبته الي وهقوني فيه !!
المهم ،،
اخذ اهوا رقمي وكلمته بس تقريبا اسبوع
كان شحلااااااااااااااااااااااااااته
بس فجأه تغير !!!
طلب مني اصور نفسي بوضع مو زين
مينونه ولا هندي ولا ابطر منه كرت
عشان اسوي هالحركات ؟؟؟؟
بعد ماقلتله لا !!
اللله لايوريكم شصار
تغير 180 درجه ما صار اهوا
لدرجته اني اتصل يصكرة بويهي
ادق ملاين الملاين يسكرة !!
معامله زفت حشاكم زباله
الزباله ارقى كلمه ممكن اوصف فيها معاملته حقي
اي بنت بهالفترة تتمنى تسمع كلمه حلوة تتمنى
يقولها اهتمي فيني قعديني. او تبيني اقعدج اسمع صوتج من اقوم من النوم الي يارب تنام عليه طوفه
كليتي شربتي او يسأل قاصرني شي ..!!
زعلي وحالاتي النفسيه الي مايدري عنها ..!!
اكيد بتقولون لي ليش ماكلمتيه عن شنو تبين ؟؟
قلتله قال انا ندمت اني كلمتج !!!
اخرتها بنات لقيته بأحد الاماكن العامة يتحرش بنات الناس !!
واجهته عبالكم استحى ؟؟؟ لا قالي انا بكلم اهلي بقولهم يشوفون لي طريقه اني افتك منج !!!

بنات اقسم لكم بالله لو جيكرة راح اقول ماينلام
بس والله مافي احد مايتنح بويهي
لو متينه بقول ماينلام !!!
انا رياضية ومهتمة بنفسي ومافي احد بهالدنيا مايستانس علي وغلي سوالفي ومرحي
ما ادري شسالفه !!!
انزين اهوا مايبيني من البدايه ليش يتقدملي ؟؟؟؟؟؟؟؟؟؟

 

[ورده خضرا]

-
اب اب

 

[ام كوثر2007]

اذا انتي اساسا ما تبينه من البدايه

علي شنو زعلانه لحين ؟


مو المفروض تقولين الحمدلله يت منه وهو اللى قال ما يبيج ويبي يفل منج ؟


خلاص خليه يكلم اهله عشان يفجون الملجه وتخلصين .

 

[• الْـڪَـونّتيسَـہٌ «]

اذا البدايه جذذي كيف بعد الزواج ؟

نصييحه اذا ماتبينه لازم اتكلمين اهلج هاذا زواج مولعبه

حتى لو زعلو شو الفايده بعدين اذا عشتي بـ جحيم ويآه

او اذا صار بينكم يهآل ,, !

والظاهر انه هو مغصوووب بعد هاذا اللي فهمته

الله يعينج حبيبتي وعليج بالاستغفار

 

[بدوردا الأموره]

جاتك من الله خليه يكلم اهله وافتكي منه وعاملي زفت مثل ما يعاملك شين وقوي عين اذا هذي اولها ينعاف تاليها
لا وطالب منج تصورين نفسج بوضع سيء هذا حيوان شلون تقبلين تعيشين حياتج مع واحد بهالعقليه و شكيتي يغازل بعد لا انصحج سحبي عليه السيفون وتفلي بويها

 

[(( الذهب ))]

وليه تنطرين لين يكلم اهله ونتي ما تبينه هم انتي كلمي امج وخليها تشوف شكاتب لج
عالاقل انتي بالبدايه

 

[مولاي الفرج]

مالت على ويهه وفرقاه عيد

وطلاقج يتحملونه اهلج صراحه لان مايصير يغصبونج وياريت واحد زين

الله يكتب لج الخير يارب

 

[حجيه هيونه]

يمه يمه هذا شفيه هذا من اولها جذيشلون باخرتها!!!يبه ماتسوى عليج افترقي عنه باجر لي نشف ريجج وكثرت صوايحه محد راح ينفعج

 

[معزوفة عشق&]

اعانك الله

اب اب اب

 

[قموشه21]

عاد ليش زعلانه هذا الله يحبج وكشفه لج

تستاهلين اللي احسس منه..

بادري انتي .. وكلمي الاهل ..

 

[•Brown•Sugar•]

قولي حق اخوج او امج شنو كان يطلب منج واهم يتفاهمون معاه
فلي الخطبه خليها تيي منج احسن
ع شان باجر لايقولون اهو عافها بدون لايعرفون ليش
وصج هذا مايستحي مافيه صبر يعني

 

[بنات حواء2]

هذي مشكلت الياهل لمن يتزوج عبالهم كل من خط له شنب صار ريال
الحمدلله ربج كشفه لج شكري ربج ليل و نهار

 

[عيونك دنيتي D]

يا قلبي لا تزعلين نفسج .. وبعدين المنه عليه مع ويه

احمدي ربج انج جكيتيه قبل الزواج .. عشان ماتتوهقين فيه !

الله يعوضج باللي احسن منه ان شاءالله : )

 

[* Snow White *]

الله يحبج انها يت منه .. انا اعرف وحده لما ملجت كان نفس هذا ومايعاملها عدل وامها بعد الله يهداها غاصبتها
عصبت وتهاوشت مع امها وجدام ابوها اشتكت له وراحت حق يدها وقالت له .. جان يفلونها منه وماشاءالله تزوجت واحد ثاني وعندها الحين بنت وصبي .. ومره ثانيه قولي حق امج لاتغصبج غلط اللي سوته، الزواج قسمه ونصيب مو بالغصب
الله يوفقج يارب

 

[Ray.Bana =$]

زين من الحين عرفتيه على حقيقته خل امج تدق على امه وتقولها ماكو نصيب وتفتكين منه وييييع عاهه

الله يعوضج باللي احسن منه ان شاء الله

 

[سمر شمر]

طيب ممكن تكون عين

او سحر

لانج سبق وقلتي كان شحلااته

 

[مفسرة الاحلام]

وليه زعلانه دامك تقولين اصلا مابيه وماني مرتاحه له


حبيبتي لاتخافين انتي مو اول وحده ولا اخر وحده تتطلق بعد الملكه مو معناته ان العيب بيكون فى راسك

لاتخافين الطلاق بعد الملكه وقبل العرس اهون من بكره تتزوجينه وممكن يجيك اطفال يتحملون نتيجه هالطلاق ويتعقدون


وانتي ان شاء الله يجيك الى احسن منه الى يقدرك ويخاف عليك ويحترمك مو يستغلك ويطلب منك طلبات مثل وجهه سودا

هذا مو زوج تامنينه على عرضك وشرفك هذا تخافين منه ضعيف

الله يفتحها فى وجهك ويرزقك من فضله

 

[دلوعة صلوح]

حسبى الله ونعم الوكيل يلعبون على بنات الناس من الاساس مايبى ليش يملج ؟؟

الله يعوضج بلى احسن منة يارب.

 

[sosowaty]

ااااااب

 

[Meyyawa]

ما الومج متضايقة لان وافقتي و بالغصب وفوق هذا لقيتي فيه الشينة .. هديه يولي فرقاه عيد و انشاءالله الله يرزقج بالي احسن منه .. و لازم تقولين حق اهلج عن طلباته الماصخة دزي صور شنو مسخرة لي هالدرجة شايفج رخيصة ولا شنو .. مايستحي لازم تهدينه مو تقولين خل انطر يمكن يتعدل هذا مبين اذا هذي بدايته ينعاف تاليه .. و الحمدالله الله يحبج الي فضحه جدامج