مب ساحره ولا شي
انا والاهل تعالجنا عندها عادي .. وكنت اقرى المعوذات واستغفر طول الجلسه استغل وقتي لا قالت وقفي ولا هالسوالف
واستفدنا في شغلات مختلفه صداع مزمن و ضغط ومشاكل رحم وبعيد الشر عن الجميع سرطانات وتليفات واللتهابات ومشاكل نفسيه منها الوسواس
فالي تبي تروح تتعالج ما عليها من الكلام كله تستخير وتروح عادي ! انا ما اشوفها تطول في العلاج الا اذا المشكله كبيره او قديمه ولاحظت كل ما كان الشخص اكبر كل ما خذت وقت اطول في العلاج .. علاجها يعتمد على العقل الباطن وعلوم علاجيه جديده لا فيها ادويه دكاتره وكيماويات وعمليات ولا حجاب ولا تعاويذ وسوالف نفس السحره
بس مثل ما تعرفون في ناس وايد من الخوف من المجهول تهاجم كل شئ جديد .. مثل ما هاجموا واييد شغلات في حياتنا اليوم عاديه ..
ولا الواحد يحصله يطيب بعلاجات العقل الباطن والطاقه بدون ادويه وشغلات تسم البدن ويقول لأ ؟!
..
اتمنى ناس وايد تثقف نفسها بالعلوم الجديده مب باراء الناس في المجتمع وفي مواقع وايد تفيد في هالعلوم تقدرون تدورون عنها
ولو لا سمح الله طلعت ساحره .. اول مره اشوف ساحره لها مركز للسحر وتراخيص في 3 دول وبرامج ولقاءات على الهوى في اكثر من بلد خليجي ؟!
انا سمعت ان كانت تدرس بشهاده لغه فرنسيه عندها لغه فرنسيه في جامعه الكويت .. لكن هاي مب شهادتها الوحيده .. واذا تبون اظن ما تمانع تراويكم شهاداتها الثانيه في هالعلوم والشغلات الجديده ! .. وبخصوص السعر .. هاي سعر تعبها لان اهي تبذل مجهود وتععب في الجلسات ولا لازم تكون عندها اجهزه اشعه وخرايط ادويه علشان تشوفون المبلغ وين يروح ؟ !!
*هاي رايي الشخصي .. حبيت اوعي فيه العقول الي حابه انها توعى !
