جلو كباب ايراني من مطبخي وبالصور ..،

[الخفاشه]

الي تبا تنقل موضوع لمنتدى ثاني ارجو بانها تذكر اسمي بموضوعها لان اكتشفت ان هالوصفه بكذا منتدى وللاسف بدون ذكر المصدر .. غير الخفاشه محد صاحبة هالموضوع


السلام عليكم حبايبي

اقدم لكم جلو كباب ايراني على طريقة المطاعم الايرانيه وبنفس الطعم

اليوم سويتها .. وطبعا لان بعض العضوات طلبو الطريقة مني

ووعدتهم بطرحه مع الصور

ان شاءلله تعجبكم .. واكيد بتعجبكم

نبتدي باسم الله


ونفرم اللحم مع قليل من الشحم يستحسن فخذ والظهر استرالي
منزوع عنه الشحم وعدم رمي الشحم لاستخدامه وفرمه في ما بعد ع اللحم
عقب ما نفرم اللحم اول مره نفرم نص كميه الشحم فوقه
نصه ومب كله ( اطلبي من اللحام يفصل الفخذ من العظم والشحم )
وعدم رمي الشحم لانهج تبينه عشان تفرمين النص منه مع اللحم

نفرم بالاول 5 بصلات كبيره بالفرامه

ونفرم اللحم مع قليل من الشحم

نفرم اللحم مره ثانيه حتى يصبح ناعم

نحط البصل المفروم في مصفاة ونضغط عليه حتى ينشف جيدا
ونسكب سائل البصل لان لا نحتاجه ولان اذا اضفناه على اللحم ما بيثبته على الاسياخ

نغسل الخضره المكونه من شدة بقدونس ونص شدة شبنت

ونفرمه بنفس اللحظه بالفرامه على اللحم

ونخلطهم مع بعض لمدة 10 دقايق

ونضيف ملعقه من بهارات مخلوطه وملعقه وربع ملح وملعقتين بكربونات الصودا

ونخلطهم مع بعض جيدا​

​

​

ونخليهم في الثلاجه لمدة نص ساعه ومن ثم نبتدي نسيخهم​

يتبع

 

[الخفاشه]

الي تبا تنقل موضوع لمنتدى ثاني ارجو بانها تذكر اسمي بموضوعها لان اكتشفت ان هالوصفه بكذا منتدى وللاسف بدون ذكر المصدر .. غير الخفاشه محد صاحبة هالموضوع​

،،،،،،،،،،،​

ونجهز ماء حار حتى نغمس ايدينا فيه ونبتدي نسيخهم
ونضغط عليه مابين اصابعنا نفس الصوره
بس لازم المكان يكون بارد ومب حر والخلطه يستحسن نسويها و
نحطها بالثلاجه عشان تكون بارده .. والاسياخ ماتكون حاره او دافيه
المهم يكون المكان بارد ويوم نرسه بالصينيه نخليه جدام المكيف ​

​

​

​

​

​

ونشويهم ع الفحم ونسيخ طماط وبصل ( لزوم الاكله هههه )​

ولازم يوم نحطه ع الفحم نحركه كل 20 ثانيه ​

​

​

​

يمي يمممممي​

​

​

​

وهالصحن مع عيش بالزعفران وزبده سائحه​

​

جربوها بتعجبكم ان شاءلله​

اتريوني بوصفة كوارع (باجه ع الطريقه الايرانيه لذيذه جدا )

 

[Uniqueness]

يمي يمي يمي .. شكله يشووووووق ..
تسلم إيدج يا رب .. وعليكم بألف عافية ..
​

 

[يحبنى الله *]

رووووعة وولأروع وصوفك بالإمارتى يا حلوك الله يحفظك

وغذا تعرفين حلو غيرانى نفس السمبوسة كبيرة علمينى

 

[شاطىء الذكريات]

رووووووووووووعه تسلم ايدك حيااتوووووو

 

[nadoooy]

تسلم ايدج

 

[جارة القمر]

روووووووووووعه



تسلم ايدج

 

[جنى q8]

يم يم تسلم ايدج حوووبي

 

[noynoy]

مشالله شكلها اتيينن
بس انتي حطيتي كاري بس و لا بهارات مشكله ؟
لان العلبهمكتوب عليها كاري؟
و ما يحتاج كمون ؟​

 

[Hawaii]

صج عجبني روووووعه

 

[ABEER FLOWER]

ماشاء الله

تسلم إيــدج حبوبه

: )​

 

[aatofa]

يسلموووووووووو

 

[شوقـي غ ـــريـب]

يعطيج العافيه يشهي الكباب

 

[أحلى همبه كويتية]

ما شاء الله تبارك الرحمن
وااااااااااااااااااااايد حلو
تسلم ايدج وعليكم بالعافية
وااااااااااااااااااااااااي عجبني

 

[نداااوي]

يخزي العين عنك ما أشطرك

قل أعوذ برب الفلق

كتير كتير أكله حلوة مبارح شفتها بكتاب منال العالم وفكرت أجربها

يسلموو دياتك حبيبتي

 

[الخفاشه]

مشالله شكلها اتيينن

بس انتي حطيتي كاري بس و لا بهارات مشكله ؟
لان العلبهمكتوب عليها كاري؟

و ما يحتاج كمون ؟​

يالغلااا العلبه هذي كاري بمعني البهارات عندنا فديتج
لا مايحتاي كمون ولا شي بس بهارات وملح وبكيربونات الصودا عسب يكون هش
اللحم وطري فديتج وقت الشوي

 

[تل السكر]

تسلم ايدج
تبارك الرحمن عجيب وصجي
يعطيج العافيه

 

[lazania]

ماشاء الله
تسلم الايادي

شكله يشهي

 

[أم*سلمان]

يمي يمي

تسلم ايدج

 

[غــ q6r ـلا]

يمي

تسلم يدج حبيبتي